ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະມົນຕີກະຊວງການຕ່າງປະເທດ ໃຫ້ກຽດປະດັບຫລຽນໄຊພັດທະນາ ຊັ້ນ III ໃຫ່ແກ່ ກົງສຸນກິດຕິມະສັກຂອງ ສປປ ລາວ ປະຈຳ ສະມະພັນທະລັດສະວິດ

20180817MofaMinisterAwardToLaoConsulinSwiss

20180817MofaMinisterAwardToLaoConsulinSwiss22

20180817MofaMinisterAwardToLaoConsulinSwiss3

             ໃນວັນທີ 17 ສິງຫາ 2018, ທີ່ ກະຊວງການຕ່າງປະເທດ, ທ່ານ ສະເຫລີມໄຊ ກົມມະສິດ, ລັດຖະມົນຕີ ກະຊວງການຕ່າງປະເທດ, ໃຫ້ກຽດປະດັບຫລຽນໄຊພັດທະນາຊັ້ນ III ໃຫ່ແກ່ທ່ານ ດຣ. ກີໂດ ກຳປາຣີ (Dr. Guido Josef Kappeli), ກົງສຸນກິດຕິມະສັກຂອງ ສປປ ລາວ ປະຈໍາ ສະມະພັນທະລັດສະວິດ, ເພື່ອເປັນການສະແດງຄວາມຍ້ອງຍໍ ແລະ ຂອບໃຈ ຕໍ່ຜົນງານຂອງຜູ້ກ່ຽວຕະຫລອດໄລຍະການປະຕິບັດຫນ້າທີ່. ທ່ານ ດຣ. ກີໂດ ກຳປາຣີ, ໄດ້ອຸທິດເຫື່ອແຮງ, ສະຕິປັນຍາເຂົ້າໃນການຊຸກຍູ້ການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ສະວິດ ໃຫ້ມີການຂະຫຍາຍຕົວຍິ່ງຂຶ້ນ, ອັນພົ້ນເດັ່ນທີ່ສຸດ,​ ທ່ານ ດຣ. ກໍາປາຣີໄດ້ຂົນຂວາຍ, ລະດົມທຶນ ແລະ ໃຊ້ເງິນສ່ວນຕົວເຂົ້າໃນການພັດທະນາພື້ນຖານໂຄງລ່າງ ຢູ່ ສປປ ລາວ. ດ້ານການສຶກສາໄດ້ປະກອບສ່ວນສ້າງໂຮງຮຽນປະຖົມ ແລະ ມັດທະຍົມ ຈຳນວນ 16 ຫລັງ, ສຸກສາລາ, ນໍ້າບາດານ, ບ່ອນຫລິ້ນກິລາ ຢູ່ເຂດຫ່າງໄກສອກຫລີກ. ນອກຈາກນີ້, ຍັງໄດ້ຍົກລະດັບບຸກຄະລາກອນ ໂດຍໄດ້ປະກອບທຶນໃຫ້ຄູອາຈານໄປຝຶກອົບ ຮົມດ້ານພາສາອັງກິດຢູ່ສະວິດ, ສົ່ງເສີມວັດທະນະທຳຮີດຄອງປະເພນີອັນດີງາມຂອງລາວເຮົາດ້ວຍການຊ່ວຍເຫລືອດ້ານທຶນຮອນ ໃຫ້ນັກຮ້ອງ-ນັກຟ້ອນລາວ ໄປສະແດງ ໃນໂອກາດສະເຫລີມສະຫລອງປີໃຫມ່ລາວ ຢູ່ປະເທດ ສະວິດ ແລະ ເຂດໃກ້ຄຽງຊາຍແດນປະເທດ ຝຣັ່ງ. ດ້ານການຄ້າ, ການລົງທຶນ ແລະ ການທ່ອງທ່ຽວ, ທ່ານກົງສຸນກິດຕິມະສັກໄດ້ສົ່ງ ເສີມ ແລະ ໂຄສະນາໃຫ້ນັກທ່ອງທ່ຽວໄດ້ມາທ່ອງທ່ຽວລາວ ແລະ ໄດ້ອຳນວຍຄວາມສະດວກໃຫ້ຄະນະຜູ້ແທນກະຊວງອຸດສາຫະກຳ ແລະ ການຄ້າ ສປປ ລາວ ໄປເຄື່ອນໄຫວເຂົ້າຮ່ວມງານວາງສະແດງໂລກ World Milano Expo ຢູ່ປະ ເທດ ອິຕາລີ ໃນໄລຍະຜ່ານມາ.

ອ່ານເພີ່ມເຕີມ... 

ກະຊວງການຕ່າງປະເທດ ມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານ ແລະ ເຜີຍແຜ່ເຊື່ອມຊຶມມະຕິກອງປະຊຸມຄົບຄະນະ ຂອງຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X

2018817MofaMNS2

2018817MofaMNS3

ໃນຕອນເຊົ້າຂອງ ວັນທີ 17 ສິງຫາ 2018ທີ່ກະຊວງການຕ່າງປະເທດໄດ້ຈັດພິທີມອບໃບຢັ້ງຢືນໃຫ້ໜ່ວຍພັກເຂັ້ມແຂງ-ຮູ້ນຳພາຮອບດ້ານ ແລະ ເຜີຍແຜ່ເຊື່ອມຊຶມ ມະຕິກອງປະຊຸມຄົບຄະນະ ຂອງຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X, ໂດຍໃຫ້ກຽດເປັນປະທານ ຂອງສະຫາຍ ສະເຫລີມໄຊ ກົມມະສິດ, ກຳມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງການຕ່າງປະເທດ. ມີບັນດາຄະນະພັກ, ຄະນະນຳ, ສະມາຊິກພັກ, ພະນັກງານ - ລັດຖະກອນ ອ້ອມຂ້າງກະຊວງເຂົ້າຮ່ວມຢ່າງພ້ອມພຽງ.

ໃນພິທີໄດ້ຮັບຟັງບົດລາຍງານການເມືອງ ແລະ ທິດທາງແຜນການກໍ່ສ້າງໃນຕໍ່ໜ້າ ຂອງໜ່ວຍພັກກົມເສດຖະກິດ, ເຊິ່ງການກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ ແມ່ນຄວາມຮຽກຮ້ອງຕ້ອງການທີ່ຈຳເປັນພາວະວິໄສ ແລະ ທັງສ່ອງແສງໃຫ້ເຫັນເຖິງການຄົງຕົວ ແລະ ການຂະຫຍາຍຕົວຂອງພັກເຮົາ, ເຊີດຊູບົດບາດການຊີ້ນຳ-ນຳພາຂອງພັກໃຫ້ມີຜົນສັກສິດ ແລະ ທັງເປັນການເພີ່ມທະວີບົດບາດກຳລັງແຮງໃຫ້ແກ່ການສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນໃນຕໍ່ໜ້າ. ພ້ອມກັນນີ້, ເພື່ອຍົກສູງຄຸນນະພາບການປັບປຸງກໍ່ສ້າງຮາກຖານພັກ, ໜ່ວຍພັກເພີ່ມທະວີໃນການຊີ້ນຳ-ນຳພາໃຫ້ເຄື່ອນໄຫວຕາມພາລະບົດບາດ, ສິດ, ໜ້າທີ່ຂອງຕົນ, ກໍ່ສ້າງຖັນແຖວສະມາຊິກພັກພາຍໃນໜ່ວຍໃຫ້ມີຄວາມໜັກແໜ້ນ ແລະ ເປັນຫຼັກແຫຼ່ງໃນການຈັດຕັ້ງປະຕິບັດໜ້າທີ່ການເມືອງຂອງຕົນ ໃຫ້ມີຄວາມເຂັ້ມແຂງດ້ານການເມືອງແນວຄິດ, ດ້ານການຈັດຕັ້ງ ແລະ ແບບແຜນການນຳພາດ້ານວຽກງານວິຊາສະເພາະ, ລວມທັງອົງການຈັດຕັ້ງມະຫາຊົນ, ຮູ້ນຳພາວຽກງານປ້ອງກັນພັກ-ພະນັກງານ ໃຫ້ມີຄວາມສະຫງົບຮຽບຮ້ອຍ, ນຳພາການປັງປຸງກໍ່ສ້າງຂະຫຍາຍສະມາຊິກພັກ, ພະນັກງານ ໃຫ້ມີການພັດທະນາຕົນຢ່າງຕໍ່ເນື່ອງ. ຈາກນັ້ນ ສະຫາຍ ສະເຫລີມໄຊ ກົມມະສິດ ກໍໄດ້ໃຫ້ກຽດຂຶ້ນມອບໃບຢັ້ງຢືນໜ່ວຍພັກເຂັ້ມແຂງ-ຮູ້ນຳພາຮອບດ້ານໃຫ້ແກ່ ໜ່ວຍພັກໜ່ວຍພັກກົມເສດຖະກິດ ແລະ ມີຄຳເຫັນໂອ້ລົມ, ຊຶ່ງທ່ານໄດ້ສະແດງຄວາມຍ້ອງຍໍຊົມເຊີຍມາຍັງ ໜ່ວຍພັກທີ່ໄດ້ເອົາໃຈໃສ່ປັງປຸງກໍ່ສ້າງໜ່ວຍພັກຕົນ ໃຫ້ໄດ້ຮັບນາມມະຍົດເປັນໜ່ວຍພັກເຂັ້ມແຂງ-ຮູ້ນຳພາຮອບດ້ານ. ນອກຈາກນີ້ ຍັງມີຫລາຍໜ່ວຍພັກ ທີ່ຈະຕ້ອງໄດ້ເອົາໃຈໃສ່ສືບຕໍ່ປັບປຸງກໍ່ສ້າງໜ່ວຍພັກຕົນ ເພື່ອເພີ່ມທະວີສຸມໃສ່ການສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນ ຕາມທິດພັກເຮົາໃນຕໍ່ໜ້າ.

ໃນໂອກາດດຽວກັນນີ້ ສະຫາຍ ສະເຫລີມໄຊ ກົມມະສິດ, ໄດ້ເຜີຍແຜ່ມະຕິກອງປະຊຸມຄົບຄະນະຂອງຄະນະບໍລິຫານງານສູນກາງພັກ ຄັ້ງທີ 6 ສະໄໝທີ X, ລວມມີ 03 ເອກະສານສຳຄັນຄື: ໜຶ່ງ, ບົດລາຍງານກ່ຽວກັບການຕີລາຄາຜົນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ ໃນໄລຍະສອງປີກ່ວາຜ່ານມາ ແລະ ບາງໜ້າທີ່ຈຸດສຸມໃນຕໍ່ໜ້າ; ສອງ, ມະຕິ ເລກທີ 037/ຄບສພ ລົງວັນທີ 18/06/2018 ຂອງຄະນະບໍລິຫານງານສູນກາງພັກ ວ່າດ້ວຍການຍົກສູງປະສິດທິພາບການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ແລະ ສາມ, ຄຳສັ່ງ ເລກທີ 04/ຄລສພ ລົງວັນທີ 07/05/2018 ຂອງຄະນະເລຂາທິການສູນກາງພັກ ວ່າດ້ວຍການກະກຽມດຳເນີນກອງປະຊຸມໃຫຍ່ ຂອງອົງຄະນະພັກກະຊວງ-ອົງການ, ແຂວງ-ນະຄອນຫຼວງ, ອົງຄະນະພັກເມືອງ-ນະຄອນ ແລະ ຮາກຖານພັກ ໃນຂອບເຂດທົ່ວປະເທດ. ນອກນັ້ນ ທ່ານປະທານ ຍັງໄດ້ເນັ້ນຕື່ມວ່າ: ບັນດາເອກະສານດັ່ງກ່າວ ລ້ວນແລ້ວແຕ່ເປັນບັນຫາທີ່ສຳຄັນ ແລະ ຕິດພັນໂດຍກົງ ກັບຄວາມຮັບຜິດຊອບການເມືອງຂອງຄະນະພັກ-ຄະນະນຳ ແລະ ແຕ່ລະຮາກຖານໜ່ວຍພັກ. ສະນັ້ນ, ຈຶ່ງຮຽກຮ້ອງມາຍັງບັນດາສະຫາຍ ຈົ່ງໄດ້ເຊີດຊູຄວາມຮັບຜິດຊອບ, ເສີມຂະຫຍາຍຫົວຄິດປະດິດສ້າງ, ກ້າຕຳນິຕົນເອງ, ກ້າເວົ້າຄວາມຈິງ, ກ້າສະເໜີບັນຫາ ແລະ ຊອກວິທີທາງແກ້ໄຂຢ່າງຖືກຕ້ອງ, ສອດຄ່ອງ, ຫຼີກເວັ້ນການໂຍນຄວາມຮັບຜິດຊອບໃຫ້ຜູ້ອື່ນ, ເວົ້າແບບອັດຕະວິໄສ, ບໍ່ແທດກັບຕົວຈິງ ຊຶ່ງບໍ່ເປັນຜົນປະໂຫຍດໃຫ້ແກ່ການຈັດຕັ້ງປະຕິບັດແນວທາງ, ນະໂຍບາຍຂອງ ພັກ-ລັດແຕ່ປະການໃດ. ຫວັງຢ່າງຍິ່ງວ່າບັນດາສະຫາຍ ຊຶ່ງລ້ວນແຕ່ເປັນພະນັກງານຫຼັກແຫຼ່ງຂອງພັກ, ຂອງລັດ ຈະພ້ອມກັນຍົກສູງຄວາມຮັບຜິດຊອບການເມືອງ ເຮັດໃຫ້ບັ້ນເຊື່ອມຊຶມໃນເທື່ອນີ້ ສາມາດບັນລຸຜົນສຳເລັດຕາມຈຸດປະສົງ ແລະ ລະດັບຄາດໝາຍທີ່ວາງໄວ້.

ລັດຖະມົນຕີກະຊວງການຕ່າງປະເທດ ພົບປະກັບຜູ້ຕາງໜ້າພິເສດຂອງ ປະທານາທິບໍດີ ຣູວັນດາ

hup ruvanda1

hup ruvanda2

    ໃນວັນທີ 10 ສິງຫາ 2018, ທີ່ ກະຊວງການຕ່າງປະເທດ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບ ແລະ ພົບປະກັບ ທ່ານ ນາງ ຫຼຸຍ ມູຊິກິວາໂດ, ຜູ້ຕາງໜ້າພິເສດຂອງປະທານາທິບໍດີ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ຣູວັນດາ, ໃນໂອກາດເຄື່ອນໄຫວຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 9-10 ສິງຫາ 2018.

ອ່ານເພີ່ມເຕີມ... 

ບົດຂ່າວອື່ນໆ

a
ແຈ້ງການ

*ແຈ້ງປະກາດນຳໃຊ້ສັນຍາລັກ ການເປັນປະທານຮ່ວມ ລະ ຫວ່າງ ສປປ ລາວ ແລະ ສປ ຈີນ ສຳລັບຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ໃນໄລຍະ 2018-2020

*ບົດແຈ້ງຂ່າວ ທ່ານ ນາຍົກລັດຖະມົນຕີ ແຫ່ງ ສປປ ລາວ ຈະເຂົ້າຮ່ວມກອງປະຊຸມເວທີປຶກສາຫາລື ເສດຖະກິດໂລກ ກ່ຽວກັບ ອາຊຽນ ຄັ້ງທີ 27 ໃນວັນທີ 11-13 ກັນຍາ 2018 ທີ່ ຮ່າໂນຍ, ສສ.ຫວຽດນາມ.

*ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາໃຫ້ແກ່ພົນລະເມືອງ ສ.ເກົາຫລີ ທີ່ເດີນທາງເຂົ້າມາ ສປປ ລາວ

*ການຊີ້ແຈງຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ລັດຖະບານສະຫະລັດ ອາເມລິກາ ປະກາດໃສ່ມາດຕະການດ້ານວີຊາຕໍ່ ສປປ ລາວ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
157774
ມື້ນີ້25
ມື້ວານ95
ອາທິດນີ້570
ເດືອນນີ້2119
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710