ໃນເວລາ 14:00 ໂມງ ຂອງວັນທີ 29 ກໍລະກົດ 2020, ກະຊວງການຕ່າງປະເທດ ໄດ້ຈັດຕັ້ງພິທີປະກາດການແຕ່ງຕັ້ງຕໍາແໜ່ງບໍລິຫານ ຂັ້ນຄະນະກົມ ແລະ ພະແນກ ຈຳນວນ 06 ທ່ານ, ຊຶ່ງໃຫ້ກຽດເປັນປະທານໂດຍ ທ່ານ ສະເຫຼີມໄຊ ກົມມະສິດ, ກຳມະການສູນກາງພັກ, ເລຂາຄະນະບໍລິຫານງານພັກກະຊວງ, ລັດຖະມົນຕີກະຊວງການຕ່າງປະເທດ, ໂດຍມີບັນດາຮອງລັດຖະມົນຕີ, ຫົວໜ້າຫ້ອງການ, ຫົວໜ້າກົມ ແລະ ຮອງຫົວໜ້າກົມ ຂອງກະຊວງການຕ່າງປະເທດ ເຂົ້າຮ່ວມເປັນສັກຄີພະຍານ. ໃນພີທີດັ່ງກ່າວໄດ້ປະກາດການແຕ່ງຕັ້ງ ຄື:

ໃນວັນທີ 23 ກໍລະກົດ 2020, ທີ່ ເດີ່ນບານເຕະອາໂລຮາ, ນະຄອນຫຼວງວຽງຈັນ, ກະຊວງການຕ່າງປະເທດ ຮ່ວມກັບກະຊວງການເງິນ ໄດ້ຈັດກິດຈະກຳແຂ່ງຂັນບານເຕະມິດຕະພາບ ລະຫວ່າງ ຄະນະນຳກະຊວງການຕ່າງປະເທດ ແລະ ກະຊວງການເງິນ ເພື່ອຂໍ່ານັບຮັບຕ້ອນກອງປະຊຸມໃຫຍ່ຂອງຄະນະບໍລິຫານງານພັກຂອງທັງສອງກະຊວງ, ໂດຍການເຂົ້າຮ່ວມຂອງ ສະຫາຍ ສະເຫຼີມໄຊ ກົມມະສິດ, ເລຂາຄະນະພັກ, ລັດຖະມົນຕີກະຊວງການຕ່າງປະເທດ, ມີບັນດາຄະນະພັກ-ຄະນະກົມ, ພະນັກງານຂອງກະຊວງການຕ່າງປະເທດ ແລະ ກະຊວງການເງິນ ເຂົ້າຮ່ວມຢ່າງພ້ອມພຽງ.

ກິດຈະກຳດັ່ງກ່າວ, ນອກຈາກເປັນການສ້າງຂະບວນການ ເພື່ອຂໍ່ານັບຮັບຕ້ອນກອງປະຊຸມໃຫຍ່ທີ່ສຳຄັນຂອງສອງກະຊວງແລ້ວ, ກໍຍັງເປັນການສ້າງຄວາມສາມັກຄີ ແລະ ຄວາມຮັກແພງ ຊຶ່ງກັນ ແລະ ກັນ ໃຫ້ແກ່ຄະນະນຳ ກໍຄື ພະນັກງານລັດຖະກອນຂອງສອງກະຊວງ. ການແຂ່ງຂັນກິລາບານເຕະໃນຄັ້ງນີ້, ແມ່ນດໍາເນີນໄປດ້ວຍບັນຍາກາດແຫ່ງໄມຕີຈິດມິດຕະພາບ, ມີຄວາມຟົດຟື້ນມ່ວນຊື່ນ ແລະ ເຕັມໄປດ້ວຍຄວາມໝາຍຄວາມສຳຄັນ ເຊິ່ງຜົນການແຂ່ງຂັນແມ່ນກະຊວງການຕ່າງປະເທດເອົາຊະນະກະຊວງການເງິນ 4 ປະຕູ ຕໍ່ 2.

ໃນວັນທີ21 ກໍລະກົດ 2020, ທີ່ ສຳນັກງານນາຍົກລັດຖະມົນຕີ, ສະຫາຍ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ໄດ້ປະຊຸມພົບປະແບບທາງໄກ (Video Conference) ກັບ ສະຫາຍ ຫລີ ເຄີ້ສຽງ, ນາຍົກລັດຖະມົນຕີ ແຫ່ງ ສປ ຈີນໂດຍຈຸດປະສົງເພື່ອເສີມຂະຫຍາຍການພົວພັນຮ່ວມມືແບບຄູ່ຮ່ວມຍຸດທະສາດຮອບດ້ານ ໝັ້ນຄົງ ຍາວນານ ຕາມທິດ 4 ດີ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ, ສະຫາຍທີ່ດີ, ເພື່ອນມິດທີ່ດີ,ບ້ານໃກ້ເຮືອນຄຽງທີ່ດີ ແລະ ຄູ່ຮ່ວມມືທີ່ດີແລະການຜັນຂະຫຍາຍແຜນແມ່ບົດຄູ່ຮ່ວມຊະຕາກຳ ລາວ-ຈີນ, ຈີນ-ລາວ ໃຫ້ປະກົດຜົນເປັນຈິງ.