ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ພິທີປິດ ແລະ ມອບໃບຢັ້ງຢືນ ໃຫ້ແກ່ສະມາຊິກພັກ, ພະນັກງານຫຼັກແຫຼ່ງ ພາຍໃນກະຊວງການຕ່າງປະເທດ ແລະ ຄຕພ

mop hup1 45

mop hup2 45

ໃນວັນທີ 07 ກໍລະກົດ 2017, ທີ່ ສູນ ICTC, ສະຖາບັນການຕ່າງປະເທດ, ກະຊວງການຕ່າງປະເທດ ໄດ້ຈັດພິທີປິດ ແລະ ມອບໃບຢັ້ງຢືນ ໃຫ້ແກ່ສະມາຊິກພັກ, ພະນັກງານຫຼັກແຫຼ່ງ ພາຍໃນກະຊວງການຕ່າງປະເທດ ແລະ ຄະນະພົວພັນຕ່າງປະເທດສູນກາງພັກ, ຈຳນວນ 50 ທ່ານ ( ໃນນີ້ ມີພະນັກງານເພດຍິງ 18 ທ່ານ ) ທີ່ໄດ້ສຳເລັດການຝຶກອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນ, ຊຸດທີ 1, ເຊິ່ງໄດ້ດຳເນີນມາແຕ່ວັນທີ 28 ເມສາເປັນຕົ້ນມາ ແລະ ສຳເລັດລົງໃນວັນທີ 07 ກໍລະກົດ 2017.  ໃຫ້ກຽດເຂົ້າຮ່ວມງານໃນຄັ້ງນີ້ ມີ ທ່ານ ແສງເພັດ ຮຸ່ງບຸນຍ່ວງ, ຮອງເລຂາຄະນະບໍລິຫານງານພັກ, ຮອງລັດຖະມົນຕີກະຊວງການຕ່າງປະເທດ, ທ່ານ ຈອມແສງ ສະຫລີພົມ, ຫົວໜ້າກົມວິຊາການ, ສະຖາບັນການເມືອງ ແລະ ການປົກຄອງແຫ່ງຊາດ, ບັນດາທ່ານຜູ້ຕາງໜ້າຈາກກົມຕ່າງໆ ຂອງ ກະຊວງການຕ່າງປະເທດ, ຄະນະພົວພັນການຕ່າງປະເທດສູນກາງພັກ, ສະຖາບັນການເມືອງ ແລະ ການປົກຄອງແຫ່ງຊາດ ແລະ ນັກສຳມະນາກອນທັງໝົດຫຼາຍກວ່າ 100 ທ່ານ.

ບັນດາຜູ້ເຂົ້າຮ່ວມໄດ້ຮັບຟັງການສະຫຼຸບລາຍງານຜົນສຳເລັດຂອງຊຸດຝືກອົບຮົມ ຈາກ ທ່ານ ທ່ຽງ ບຸບຜາ, ຫົວໜ້າສະຖາບັນການຕ່າງປະເທດ, ເຊິ່ງທ່ານໄດ້ຍົກໃຫ້ເຫັນວ່າ:  ການຝືກອົບຮົມທິດສະດີການເມືອງ-ການປົກຄອງ ໃນຄັ້ງນີ້ ແມ່ນເປັນຄັ້ງທຳອິດສຳລັບຫຼັກສູດ 45 ວັນ ໂດຍ ຮ່ວມກັບສະຖາບັນການເມືອງ ແລະ ການປົກຄອງແຫ່ງຊາດ (ສມປຊ), ໃນນັ້ນໄດ້ແບ່ງອອກເປັນ 5 ພາກວິຊາຮຽນຄື: 1). ພາກວິຊາ ປັດຊະຍາ, 2).  ພາກວິຊາ ເສດຖະສາດການເມືອງ ແລະ ຄຸ້ມຄອງເສດຖະກິດ, 3). ພາກວິຊາ ບໍລິຫານສາດ, 4). ພາກວິຊາ ລັດທິສັງຄົມນິຍົມວິທະຍາສາດ ແລະ 5) ພາກວິຊາ ກໍ່ສ້າງພັກ. ເນື້ອໃນຂອງການຝຶກອົບຮົມ ແມ່ນໄດ້ເນັ້ນໜັກໃສ່ຄວາມຮູ້ພື້ນຖານກ່ຽວກັບທິດສະດີສົມທຽບເອົາພຶດຕິກຳຕົວຈິງ ເພື່ອໃຫ້ສອດຄ່ອງກັບບົດຮຽນ ໂດຍແມ່ນ ອາຈານທີ່ມີປະສົບການໃນການສິດສອນພາຍໃນສະຖາບັນການເມືອງ - ການປົກຄອງ ແຫ່ງຊາດ ມາເປັນຜູ້ຖ່າຍທອດບົດຮຽນ. ຄະນະຮັບຜິດຊອບຊຸດຝຶກອົບຮົມດັ່ງກ່າວ ໄດ້ຕິດຕາມ ແລະ ປະເມີນຜົນການຮຽນ-ການສອນ ພ້ອມທັງສາມາດຕີລາຄາໄດ້ວ່າການຝຶກອົບຮົມໃນຄັ້ງ ນີ້ໄດ້ເພີ່ມຄວາມຮູ້ທາງດ້ານທິດສະດີການເມືອງ - ການປົກຄອງ ໃຫ້ແກ່ບັນດານັກສຳມະນາກອນ ໃນ ລະດັບທີ່ໜ້າເພິ່ງພໍໃຈ. 

ໃນພິທີດັ່ງກ່າວ, ທ່ານ ແສງເພັດ ຮຸ່ງບຸນຍວງ, ຮອງລັດຖະມົນຕີກະຊວງການຕ່າງປະເທດ, ປະທານພິທີ ໄດ້ໃຫ້ກຽດໂອ້ລົມ ແລະ ມີຄຳເຫັນຕໍ່ພິທີປິດຊຸດຝຶກອົບຮົມດັ່ງກ່າວ, ເຊິ່ງທ່ານໄດ້ກ່າວສະແດງຄວາມຊົມເຊີຍຕໍ່ກັບຜົນສຳເລັດຂອງການຝຶກອົບຮົມ, ເນັ້ນໃຫ້ຜູ້ເຂົ້າຮັບການຝຶກອົບຮົມ ຕ້ອງກຳໄດ້ມະຕິກອງປະຊຸມໃຫຍ່ຄັ້ງທີ X ຂອງພັກ, ພ້ອມທັງນຳເອົາຄວາມຮູ້ທີ່ໄດ້ຝຶກອົບຮົມມານັ້ນ ນຳໃຊ້ເຂົ້າໃນການຝຶກຝົນຫຼໍ່ຫຼອມຄຸນສົມບັດສິນທຳປະຕິວັດ, ວິທີການນຳພາ ແລະ ແບບແຜນວິທີການເຮັດວຽກ ເພື່ອກ້າວໄປສູ່ການພັດທະນາກົມກອງຂອງຕົນໃຫ້ດີຍິ່ງຂຶ້ນ.

ນອກຈາກນີ້, ໃນຊ່ວງໄລຍະບັ້ນຝຶກອົບຮົມຜູ້ເຂົ້າຮຽນ ຍັງໄດ້ສ້າງຂະບວນການເຄື່ອນໄຫວກິດຈະກຳແຂ່ງຂັນກິລາເຕະບານມິດຕະພາບ 3 ຄັ້ງຮ່ວມກັບ ພະນັກງານສະຖາບັນການຕ່າງປະເທດ, ຄະນະພົວພັນຕ່າງປະເທດສູນກາງພັກ ແລະ ກົມຈັດຕັ້ງ ແລະ ພະນັກງານ, ກະຊວງການຕ່າງປະເທດ. ພ້ອມກັນນັ້ນ, ກໍໄດ້ໄປຢ້ຽມຢາມຫໍພິພິທະພັນກອງທັບປະຊາຊົນລາວ, ຫໍພິພິທະພັນປະທານໄກສອນພົມວິຫານແລະທັດສະນະສຶກສາ ທີ່ ສະຖາບັນການເມືອງ ແລະ ການປົກຄອງແຫ່ງຊາດ,ເພື່ອຮັດແໜ້ນຄວາມສາມັກຄີ ລະຫວ່າງ ຄູອາຈານ ແລະ ຜູ້ເຂົ້າຮັບການຝຶກອົບຮົົມ ໃຫ້ແໜ້ນແຟ້ນກວ່າເກົ່າ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
130344
ມື້ນີ້8
ມື້ວານ94
ອາທິດນີ້452
ເດືອນນີ້1741
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710