ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກະຊວງການຕ່າງປະເທດ ຈັດກອງປະຊຸມສຳມະນາຢຸດຕິການໃຊ້ຄວາມຮຸນແຮງຕໍ່ແມ່ຍິງ

141517SPa

 

141517SPb

 

141517SPc

 

ເນື່ອງ​ໃນ​ວັນ​ສາກົນ​ຢຸດຕິ​ການ​ໃຊ້​ຄວາມ​ຮຸນ​ແຮງ​ຕໍ່​ແມ່ຍິງ, ຄະນະ​ກຳມາ​ທິການ​ເພື່ອ​ຄວາມ​ກ້າວໜ້າ​ຂອງ​ແມ່ຍິງ ​ແລະ ​ແມ່-​ເດັກ ກະຊວງ​ການ​ຕ່າງປະ​ເທດ ​ໄດ້​ຈັດ​ກອງ​ປະຊຸມ​ສຳ​ມະ​ນາຂຶ້ນ​ໃນ​ລະຫວ່າງວັນ​ທີ 14-15 ທັນວາ 2017, ທີ່ ທ່າ​ລາດ, ​ແຂວງ​ວຽງ​ຈັນ, ພາຍ​ໃຕ້ຫົວ​ຂໍ້ “ບໍ່​ປະ​ໃຜ​ໄວ້​ເບື້ອງ​ຫຼັງ, ຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ”, ໂດຍການເປັນປະທານຂອງ ທ່ານ ແສງເພັດ ຮຸ່ງບຸນຍວງ, ຮອງລັດຖະມົນຕີກະຊວງການຕ່າງປະເທດ, ມີບັນດາທ່ານຄະນະກົມ, ຄະນະພະແນກ ແລະ ພະນັກງານວິຊາການ ຕາງໜ້າແຕ່ລະກົມເຂົ້າຮ່ວມຫຼາຍກວ່າ 70 ຄົນ.

 

ໃນໂອກາດກ່າວເປີດກອງປະຊຸມດັ່ງກ່າວ, ທ່ານ ແສງເພັດ ຮຸ່ງບຸນຍວງ ກ່າວວ່າ ພັກ-ລັດຖະບານ ສປປ ລາວໃຫ້ຄວາມສຳຄັນຫຼາຍຕໍ່ການປົກປ້ອງແມ່ຍິງ, ໄດ້ຍົກໃຫ້ເຫັນບັນຫາ ແລະ ສິ່ງທ້າທາຍຕ່າງໆ ຂອງ ສປປ ລາວ ໃນການພັດທະນາ ແລະ ປົກປ້ອງສິດທິຂອງແມ່ຍິງ ແລະ ເດັກນ້ອຍ ລວມໄປເຖິງສະພາບຄວາມເຂັ້ມແຂງຂອງກົງຈັກ ໃນການເຊື່ອມຈອດກັບລະບົບການສ້າງແຜນ ແລະ ສະໜອງງົບປະມານໃຫ້ທົ່ວເຖິງ, ບວກກັບຂາດການຕິດຕາມກວດກາ ແລະ ສະຫຼຸບລາຍງານຢ່າງເປັນລະບົບຕໍ່ເນື່ອງ ກ່ຽວກັບການເຄື່ອນໄຫວວຽກງານການປົກປ້ອງສິດທິຂອງແມ່ຍິງ. ອີກດ້ານໜຶ່ງ, ຄວາມຮັບຮູ້ ແລະ ເຂົ້າໃຈຂອງສັງຄົມເວົ້າລວມ ເວົ້າສະເພາະພະນັກງານ-ລັດຖະກອນ ຕໍ່ກັບວຽກງານການປົກປ້ອງສິດທິແມ່ຍິງ ແລະ ເດັກ, ການຕ້ານຄວາມຮຸນແຮງຕໍ່ເດັກ ແລະ ການພັດທະນາແມ່ຍິງໃຫ້ເທົ່າທຽມກັບເພດຊາຍ ຍັງບໍ່ຖືກຕ້ອງ ແລະ ຍັງມີລັກສະນະຮີດເກົ່າຄອງເດີມ.

 

ກອງປະຊຸມໃນຄັ້ງນີ້ ຜູ້ເຂົ້າຮ່ວມໄດ້ຮັບຊົມວິດີໂອສານຂອງທ່ານຮອງນາຍົກລັດຖະມົນຕີ ກ່ຽວກັບການລະນຶກວັນສາກົນຢຸດຕິການໃຊ້ຄວາມຮຸນແຮງຕໍ່ແມ່ຍິງ, ໄດ້ຮັບຟັງການນຳສະເໜີປະຫວັດຄວາມເປັນມາ ຂອງວັນສາກົນຕ້ານການໃຊ້ຄວາມຮຸນແຮງຕໍ່ແມ່ຍິງ ວັນທີ 25 ພະຈິກ 2017, ເນື້ອໃນສົນທິສັນຍາ​ວ່າດ້ວຍ ການລຶບລ້າງທຸກຮູບການຈໍາແນກຕໍ່ແມ່ຍິງ, ແຜນດຳເນີນງານແຫ່ງຊາດກ່ຽວກັບການປ້ອງກັນ ແລະ ລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກ ໃນ ສປປ ລາວ 2014-2020, ຜົນການສຳຫຼວດເບື້ອງຕົ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ, ວິໄສທັດ, ຍຸດທະສາດ ແລະ ແຜນດຳເນີນງານແຫ່ງຊາດ ກ່ຽວກັບຄວາມສະເໝີພາບ ຍິງ-ຊາຍ ແລະ ວຽກແມ່ ແລະ ເດັກ, ກົດໝາຍວ່າດ້ວຍການປົກປ້ອງສິດ ແລະ ຜົນປະໂຫຍດຂອງເດັກຍິງ ແລະ ກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກ ​ແລະ ​ເອກະສານ​​ສຳຄັນອື່ນໆ​ ບັນຍາຍໂດຍວິທະຍາກອນ ຈາກຫ້ອງການຄະນະກຳມະທິການແຫ່ງຊາດເພື່ອຄວາມກ້າວໜ້າຂອງແມ່ຍິງ, ແມ່-ເດັກ (ຄກຊມດ) ແລະ ຈາກກະຊວງຍຸດຕິທຳ.

 

ຜູ້ເຂົ້າຮ່ວມກອງປະຊຸມຍັງໄດ້ສົນທະນາ, ແລກປ່ຽນຄຳຄິດຄຳເຫັນ ແລະ ປະສົບປະການນຳກັນ ກ່ຽວກັບຜົນສຳເລັດ ແລະ ສິ່ງທ້າທາຍຕ່າງໆ ໃນການປົກປ້ອງ ແລະ ຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກພາຍໃນ ແລະ ຕ່າງປະເທດໃນໄລຍະຜ່ານມາ ກໍ່ຄືການປະຕິບັດທິດທາງ ແລະ ແຜນການໃນຕໍ່ໜ້າ.

 

ໃນຕອນທ້າຍຂອງກອງປະຊຸມ ທ່ານຮອງລັດຖະມົນຕີ ຍັງໄດ້ເນັ້ນໜັກໃຫ້ບັນດາທ່ານຜູ້ເຂົ້າຮ່ວມກອງປະຊຸມດັ່ງກ່າວ ຈົ່ງເອົາໃຈໃສ່ສ້າງຄວາມເຂັ້ມແຂງໃຫ້ແກ່ອົງການຈັດຕັ້ງ ແລະ ພະນັກງານລັດຖະກອນໝົດທຸກທ່ານ ເພື່ອສືບຕໍ່ໂຄສະນາ ແລະ ປູກຈິດສຳນຶກໃນທົ່ວສັງຄົມໃຫ້ນັບມື້ສູງເດັ່ນຂຶ້ນເທື່ອລະກ້າວ, ໃຫ້ຮູ້ວ່າການປ້ອງກັນ ແລະ ແກ້ໄຂຄວາມຮຸນແຮງຕໍ່ແມ່ຍິງ ແລະ ເດັກ ແມ່ນຄວາມຮັບຜິດຊອບຂອງໝົດທຸກຄົນ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
135421
ມື້ນີ້67
ມື້ວານ94
ອາທິດນີ້134
ເດືອນນີ້1555
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710