ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກອງປະຊຸມເຜີຍແຜ່ເຊື່ອມຊຶມມະຕິຄໍາສັ່ງຂອງກົມການເມືອງສູນກາງພັກ ແລະ ເອກະສານວຽກງານຊາຍແດນລາວກັບປະເທດໃກ້ຄຽງ

201882MofoVMSengphet

 

ໃນວັນທີ 31 ກໍລະກົດ 2018, ຫ້ອງການຄະນະກໍາມະການຊາຍແດນແຫ່ງຊາດ ໂດຍສົມທົບກັບກົມຈັດຕັ້ງ ແລະ ພະນັກງານ, ກະຊວງການຕ່າງປະເທດ ໄດ້ຈັດກອງປະຊຸມເຜີຍແຜ່ເຊື່ອມຊຶມມະຕິຄໍາສັ່ງຂອງກົມການເມືອງສູນກາງພັກ ແລະ ເອກະສານຊາຍແດນລາວກັບປະເທດໃກ້ຄຽງ ທີ່ ຫ້ອງວ່າການປົກຄອງເມືອງໂພນທອງ, ແຂວງຈໍາປາສັກ ໂດຍພາຍໃຕ້ການເປັນປະທານຂອງ ສະຫາຍ ແສງເພັດ ຮຸ່ງບຸນຍວງ, ຮອງເລຂາຄະນະບໍລິຫານງານພັກກະຊວງ, ຮອງລັດຖະມົນຕີກະຊວງການຕ່າງປະເທດ.

ເຂົ້າຮ່ວມໃນກອງປະຊຸມຮັບຟັງເຊື່ອມຊຶມຄັ້ງນີ້ລວມມີຄະນະພັກກົມຈັດຕັ້ງ ແລະ ພະນັກງານ, ຄະນະພັກຫ້ອງການຄະນະກໍາມະການຊາຍແດນແຫ່ງຊາດ, ສະມາຊິກພັກ ຕະຫຼອດເຖິງອ້າຍນ້ອງພະນັກງານທີ່ມາຈາກກອງສໍາຫຼວດ ແລະ ປັກຫຼັກໝາຍຊາຍແດນລາວ-ໄທ ແລະ ຊາຍແດນລາວ-ກໍາປູເຈຍ ລວມທັງໝົດ ຈໍານວນ 80 ກ່ວາສະຫາຍ.

ກອງປະຊຸມດັ່ງກ່າວໄດ້ດໍາເນີນໄປເປັນເວລາ 1 ວັນເຕັມ ເຊິ່ງສະຫາຍ ແສງເພັດ ຮຸ່ງບຸນຍວງ ໄດ້ໃຫ້ກຽດເຜີຍແຜ່ເນື້ອໃນຈິດໃຈຂອງມະຕິຄໍາສັ່ງຂອງກົມການເມືອງສູນກາງພັກ 4 ສະບັບ ແລະ ມະຕິກອງປະຊຸມຄົບຄະນະຂອງຄະນະບໍລິຫານງານສູນກາງພັກຄັ້ງທີ 6 ສະໄໝທີ X ຂອງພັກ ໂດຍໄດ້ໃຫ້ທິດຊີ້ນໍາເອົາໃຈໃສ່ຜັນຂະຫຍາຍ ແລະ ຈັດຕັ້ງປະຕິບັດເນື້ອໃນຄໍາສັ່ງຂອງກົມການເມືອງສູນກາງພັກວ່າດ້ວຍການເພີ່ມທະວີການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໃຫ້ຖືກຕ້ອງ, ສອດຄ່ອງ ແລະ ເປັນເອກະພາບກັນພາຍໃນໜ່ວຍພັກ ແລະ ຈຸພັກ, ແລະ ມາດຕະຖານຂອງພະນັກງານນໍາພາ-ຄຸ້ມຄອງແຕ່ລະຂັ້ນ ໃຫ້ເຂົ້າໃຈເປັນເອກະພາບກັນຢ່າງທົ່ວເຖິງ ເພື່ອຮັບປະກັນໃຫ້ການນໍາພາຂອງພັກສາມາດຕອບສະໜອງໄດ້ໜ້າທີ່ການເມືອງໃນເງື່ອນໄຂ ແລະ ສະພາບແວດລ້ອມໃໝ່ ໂດຍໃຫ້ມີການຫັນປ່ຽນຢ່າງຕັ້ງໜ້າ ແລະ ບຸກທະລຸ.

ການໂອ້ລົມຂອງສະຫາຍໃນຄັ້ງນີ້ໄດ້ສະທ້ອນໃຫ້ເຫັນພາບລວມຢ່າງຈະແຈ້ງ ຕໍ່ການຫັນເອົາເນື້ອໃນຈິດໃຈຂອງມະຕິດັ່ງກ່າວໄປຈັດຕັ້ງຜັນຂະຫຍາຍໃນວຽກງານຕົວຈິງ ກໍ່ຄື​ການຈັດຕັ້ງປະຕິບັດວຽກງານຂອງໜ່ວຍພັກຫ້ອງການຄະນະກໍາມະການຊາຍແດນແຫ່ງຊາດ ແລະ ບັນດາຈຸພັກທີ່ຂຶ້ນກັບ ຢ່າງມີຍຸດທະສາດ, ແຜນງານ ແລະ ໂຄງການລະອຽດ ເພື່ອຮັບປະກັນໃຫ້ການເຄື່ອນ​ໄຫວ​ວຽກ​ງານຂອງໜ່ວຍພັກຫ້ອງການຄະນະກໍາມະການຊາຍແດນແຫ່ງຊາດດໍາເນີນໄປຢ່າງມີປະສິດພາບ-ປະສິດທິຜົນ ແລະ ສຳເລັດຕາມຄາດໝາຍທີ່ໄດ້ວາງໄວ້. ການເຜີຍແຜ່ດັ່ງກ່າວໄດ້ເຮັດໃຫ້ສະມາຊິກພັກ, ພະນັກງານພາຍໃນກອງສໍາຫຼວດ ແລະ ປັກຫຼັກໝາຍຊາຍແດນລາວ-ໄທ ແລະ ລາວ-ກໍາປູເຈຍ ສາມາດເຊື່ອມຊຶ່ມ ແລະ ກໍາແໜ້ນເນື້ອໃນມະຕິຄໍາສັ່ງຂອງຂັ້ນເທິງໄດ້ເລິກເຊິ່ງຂຶ້ນຕື່ມອີກ.

ພ້ອມກັນນີ້, ກໍ່ໄດ້ເຜີຍແຜ່ເອກະສານວຽກງານຊາຍແດນລາວກັບປະເທດໃກ້ຄຽງ ເຮັດໃຫ້ສະມາຊິກພັກ, ພະນັກງານພາຍໃນກອງສໍາຫຼວດ ແລະ ປັກຫຼັກໝາຍຊາຍແດນລາວ-ໄທ ແລະ ລາວ-ກໍາປູເຈຍ ຍັງໄດ້ເຂົ້າໃຈຢ່າງຈະແຈ້ງເຖິງສະພາບຄວາມເປັນຈິງກ່ຽວກັບຊາຍແດນລາວ-ກໍາປູເຈຍ ລວມທັງທິດຊີ້ນໍາ ແລະ ທິດທາງໃນການແກ້ໄຂບັນຫາໃນຕໍ່ໜ້າ ກ່ຽວກັບການແກ້ໄຂວຽກງານຊາຍແດນກັບປະເທດໃກ້ຄຽງ ໂດຍຕ້ອງໃຊ້ຄວາມພະຍາຍາມແກ້ໄຂບັນຫາໂດຍສັນຕິວິທີຕາມແນວທາງນະໂຍບາຍການຕ່າງປະເທດຂອງພັກຢ່າງສະເໝີຕົ້ນສະເໝີປາຍ.

          ການລົງເຜີຍແຜ່ເອກະສານສໍາຄັນຂອງພັກໃນຄັ້ງນີ້ ໄດ້ສະແດງໃຫ້ເຫັນເຖິງຄວາມເອົາໃຈໃສ່ຂອງການ​ນຳ​​​ພັກ-ລັດ ​ຍາມໃດກໍ່ໄດ້​ໃຫ້​ຄວາມ​ເປັນ​ຫ່ວງ​ເປັນ​ໄຍ, ໃກ້ຊິດ​ຕິດ​ແທດ ​ແລະ ​​ໃຫ້​ການ​ຊີ້​ນຳ ນຳພາ​ວຽກງານຊາຍແດນຢ່າງໃກ້ຊິດ ແລະ ທັນການ ໂດຍ​ໄດ້​ເສຍສະລະ​ເວລາລົງ​​ເຄື່ອນ​ໄຫວ ແລະ ໃຫ້ກຽດໂອ້ລົມອ້າຍນ້ອງພະນັກງານທີ່ປະຈໍາຢູ່ພາກສະໜາມ ຈົນເຮັດໃຫ້ສະມາຊິກພັກ ແລະ ອ້າຍນ້ອງພະນັກງານສາມາດກໍາໄດ້ທິດຊີ້ນໍາຂອງຂັ້ນເທິງໃນການຈັດຕັ້ງປະຕິບັດວຽກງານສໍາຫຼວດ, ປັກຫຼັກໝາຍຊາຍແດນ ແລະ ແກ້ໄຂຂໍ້ຂັດແຍ້ງຊາຍແດນກັບປະເທດເພື່ອນບ້ານໃນຕໍ່ໜ້າ.

a
ແຈ້ງການ

*ຖະແຫລງການ ຂອງ ກະຊວງການຕ່າງປະເທດ ແຫ່ງ ສປປ ລາວ ຕໍ່ຜົນການພົບປະສຸດຍອດ ຂອງ ຜູ້ນຳສອງເກົາຫລີ ຄັ້ງທີ 3

*ແຈ້ງປະກາດນຳໃຊ້ສັນຍາລັກ ການເປັນປະທານຮ່ວມ ລະ ຫວ່າງ ສປປ ລາວ ແລະ ສປ ຈີນ ສຳລັບຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ໃນໄລຍະ 2018-2020

*ບົດແຈ້ງຂ່າວ ທ່ານ ນາຍົກລັດຖະມົນຕີ ແຫ່ງ ສປປ ລາວ ຈະເຂົ້າຮ່ວມກອງປະຊຸມເວທີປຶກສາຫາລື ເສດຖະກິດໂລກ ກ່ຽວກັບ ອາຊຽນ ຄັ້ງທີ 27 ໃນວັນທີ 11-13 ກັນຍາ 2018 ທີ່ ຮ່າໂນຍ, ສສ.ຫວຽດນາມ.

*ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາໃຫ້ແກ່ພົນລະເມືອງ ສ.ເກົາຫລີ ທີ່ເດີນທາງເຂົ້າມາ ສປປ ລາວ

*ການຊີ້ແຈງຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ລັດຖະບານສະຫະລັດ ອາເມລິກາ ປະກາດໃສ່ມາດຕະການດ້ານວີຊາຕໍ່ ສປປ ລາວ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ

*ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ

*ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
157978
ມື້ນີ້37
ມື້ວານ96
ອາທິດນີ້105
ເດືອນນີ້2323
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710