ຄະນະກຳມາທິການ ລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດ ໄດ້ດຳເນີນກອງປະຊຸມຄັ້ງທີ 28 ຂອງຕົນຢ່າງສຳເລັດຜົນ, ເຊິ່ງໄດ້ຈັດຂຶ້ນໃນວັນທີ 20-21 ມີນາ 2019 ທີ່ບາງກອກ, ປະເທດໄທ. ກອງປະຊຸມໄດ້ໄຂຂຶ້ນໂດຍການເປັນປະທານຂອງພະນະທ່ານສາດສະດາຈານດຣອຳມາລາພົງສະພິດ, ຜູ້ຕາງໜ້າຄະນະກຳມາທິການລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດຂອງໄທແລະທັງເປັນປະທານຄະນະກຳມາທິການລະຫວ່າງລັດຖະບານອາຊຽນ ວ່າດ້ວຍສິດທິມະນຸດ ປີ 2019.
ກອງປະຊຸມ ໄດ້ປຶກສາຫາລືບັນດາກິດຈະກຳບູລິມະສິດຂອງຄະນະກຳມາທິການເຊັ່ນ:ສິດທິຂອງບຸກຄົນເສຍອົງຄະ, ການຕ້ານການຄ້າມະນຸດ, ທຸລະກິດແລະສິດທິມະນຸດ, ສິດທິມະນຸດແລະອຳນາດສານແລະສິດທິໄດ້ຮັບການສຶກສາ. ກອງປະຊຸມໄດ້ຮັບຟັງລາຍງານກ່ຽວກັບບັນດາກິດຈະກຳທີ່ໄດ້ຈັດຕັ້ງປະຕິບັດໃນປີ 2018 ລວມທັງສິດທິເດັກ, ສິດທິແມ່ຍິງ, ການໂຕ້ວາທີຂອງຊາວໜຸ່ມອາຊຽນກ່ຽວກັບສິດທິມະນຸດ, ສິດທິຂອງບຸກຄົນຜູ້ເສຍອົງຄະເຊິ່ງໄດ້ປະກອບສ່ວນເຮັດໃຫ້ມີການຮັບຮອງເອົາແຜນແມ່ບົດປີ 2025 ກ່ຽວກັບ ການເຊື່ອມສານສິດທິຂອງບຸກຄົນຜູ້ເສຍອົງຄະໂດຍຜູ້ນຳອາຊຽນໃນເດືອນພະຈິກ 2018.
ຜູ້ຕາງໜ້າຄະນະກຳມາທິການລະຫວ່າງ ລັດຖະບານອາຊຽນວ່າດ້ວຍສິດທິມະນຸດ(2019-2021)ຍັງໄດ້ປຶກສາຫາລືບັນຫາກ່ຽວກັບວຽກງານບໍລິຫານຄຸ້ມຄອງຂອງຄະນະກຳມາທິການລະຫວ່າງລັດຖະບານອາຊຽນວ່າດ້ວຍສິດທິມະນຸດ, ການສຶກສາຄົ້ນຄວ້າສິດທິຕ່າງໆຂອງຄະນະກຳມາທິການ, ການສະເໜີຂໍສະຖານະພົວພັນຮ່ວມມືກັບຄະນະກຳມາທິການຂອງອົງການຈັດຕັ້ງສັງຄົມພົນລະເຮືອນແລະການພົວພັນພາຍນອກຂອງຄະນະກຳມາທິການ.
ຄຽງຄູ່ກັນນີ້, ໜຶ່ງມື້ກ່ອນໜ້າກອງປະຊຸມຄັ້ງທີ 28 (ຄືວັນທີ 19 ມີນາ 2019), ຄະນະກຳມາທິການລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດໄດ້ຈັດກອງປະຊຸມສຳມະນາ ເພື່ອຖ່າຍທອດບົດຮຽນລະຫວ່າງຜູ້ຕາງໜ້າຄະນະກຳມາທິການຜູ້ທີ່ຈົບວາລະປີ 2016-2018 (ສຳລັບສປປລາວເຮົາແມ່ນທ່ານພູໂຂງສີສຸລາດ, ຫົວໜ້າກົມສົນທິສັນຍາແລະກົດໝາຍ, ກະຊວງການຕ່າງປະເທດ) ແລະຜູ້ຕາງໜ້າຄະນະກຳມາທິການຜູ້ໃໝ່ວາລະປີ 2019-2021 (ສຳລັບສປປລາວແມ່ນທ່ານທູດມະໄລວຽງສາກົນນິຍົມ). ຈຸດປະສົງຂອງການຈັດກອງປະຊຸມສຳມະນາເພື່ອຖ່າຍທອດບົດຮຽນຈາກຜູ້ຕາງໜ້າຄະນະກຳມາທິການຜູ້ທີ່ຈົບວາລະແລະບັນດາຜູ້ຕາງໜ້າຄະນະກຳມາທິການຜູ້ໃໝ່ ແມ່ນແນໃສ່ຖ່າຍທອດວຽກງານທີ່ໄດ້ດຳເນີນມາແລ້ວແລະເພື່ອຮັບປະກັນຄວາມຕໍ່ເນື່ອງຂອງການບໍລິຫານງານຂອງຄະນະກຳມາທິການລະຫວ່າງລັດຖະບານອາຊຽນ ວ່າດ້ວຍສິດທິມະນຸດ.
ຄະນະຜູ້ແທນສປປລາວນຳພາໂດຍທ່ານທູດມະໄລວຽງສາກົນນິຍົມໄດ້ເຂົ້າຮ່ວມກອງປະຊຸມຄັ້ງນີ້ໃນວັນທີ 20-21 ມີນາ 2019.
ຄະນະກຳມາທິການ ລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດ ໄດ້ດຳເນີນກອງປະຊຸມຄັ້ງທີ 28 ຂອງຕົນຢ່າງສຳເລັດຜົນ, ເຊິ່ງໄດ້ຈັດຂຶ້ນໃນວັນທີ 20-21 ມີນາ 2019 ທີ່ບາງກອກ, ປະເທດໄທ. ກອງປະຊຸມໄດ້ໄຂຂຶ້ນໂດຍການເປັນປະທານຂອງພະນະທ່ານສາດສະດາຈານດຣອຳມາລາພົງສະພິດ, ຜູ້ຕາງໜ້າຄະນະກຳມາທິການລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດຂອງໄທແລະທັງເປັນປະທານຄະນະກຳມາທິການລະຫວ່າງລັດຖະບານອາຊຽນ ວ່າດ້ວຍສິດທິມະນຸດ ປີ 2019.
ກອງປະຊຸມ ໄດ້ປຶກສາຫາລືບັນດາກິດຈະກຳບູລິມະສິດຂອງຄະນະກຳມາທິການເຊັ່ນ:ສິດທິຂອງບຸກຄົນເສຍອົງຄະ, ການຕ້ານການຄ້າມະນຸດ, ທຸລະກິດແລະສິດທິມະນຸດ, ສິດທິມະນຸດແລະອຳນາດສານແລະສິດທິໄດ້ຮັບການສຶກສາ. ກອງປະຊຸມໄດ້ຮັບຟັງລາຍງານກ່ຽວກັບບັນດາກິດຈະກຳທີ່ໄດ້ຈັດຕັ້ງປະຕິບັດໃນປີ 2018 ລວມທັງສິດທິເດັກ, ສິດທິແມ່ຍິງ, ການໂຕ້ວາທີຂອງຊາວໜຸ່ມອາຊຽນກ່ຽວກັບສິດທິມະນຸດ, ສິດທິຂອງບຸກຄົນຜູ້ເສຍອົງຄະເຊິ່ງໄດ້ປະກອບສ່ວນເຮັດໃຫ້ມີການຮັບຮອງເອົາແຜນແມ່ບົດປີ 2025 ກ່ຽວກັບ ການເຊື່ອມສານສິດທິຂອງບຸກຄົນຜູ້ເສຍອົງຄະໂດຍຜູ້ນຳອາຊຽນໃນເດືອນພະຈິກ 2018.
ຜູ້ຕາງໜ້າຄະນະກຳມາທິການລະຫວ່າງ ລັດຖະບານອາຊຽນວ່າດ້ວຍສິດທິມະນຸດ(2019-2021)ຍັງໄດ້ປຶກສາຫາລືບັນຫາກ່ຽວກັບວຽກງານບໍລິຫານຄຸ້ມຄອງຂອງຄະນະກຳມາທິການລະຫວ່າງລັດຖະບານອາຊຽນວ່າດ້ວຍສິດທິມະນຸດ, ການສຶກສາຄົ້ນຄວ້າສິດທິຕ່າງໆຂອງຄະນະກຳມາທິການ, ການສະເໜີຂໍສະຖານະພົວພັນຮ່ວມມືກັບຄະນະກຳມາທິການຂອງອົງການຈັດຕັ້ງສັງຄົມພົນລະເຮືອນແລະການພົວພັນພາຍນອກຂອງຄະນະກຳມາທິການ.
ຄຽງຄູ່ກັນນີ້, ໜຶ່ງມື້ກ່ອນໜ້າກອງປະຊຸມຄັ້ງທີ 28 (ຄືວັນທີ 19 ມີນາ 2019), ຄະນະກຳມາທິການລະຫວ່າງລັດຖະບານອາຊຽນ ວ່າດ້ວຍ ສິດທິມະນຸດໄດ້ຈັດກອງປະຊຸມສຳມະນາ ເພື່ອຖ່າຍທອດບົດຮຽນລະຫວ່າງຜູ້ຕາງໜ້າຄະນະກຳມາທິການຜູ້ທີ່ຈົບວາລະປີ 2016-2018 (ສຳລັບສປປລາວເຮົາແມ່ນທ່ານພູໂຂງສີສຸລາດ, ຫົວໜ້າກົມສົນທິສັນຍາແລະກົດໝາຍ, ກະຊວງການຕ່າງປະເທດ) ແລະຜູ້ຕາງໜ້າຄະນະກຳມາທິການຜູ້ໃໝ່ວາລະປີ 2019-2021 (ສຳລັບສປປລາວແມ່ນທ່ານທູດມະໄລວຽງສາກົນນິຍົມ). ຈຸດປະສົງຂອງການຈັດກອງປະຊຸມສຳມະນາເພື່ອຖ່າຍທອດບົດຮຽນຈາກຜູ້ຕາງໜ້າຄະນະກຳມາທິການຜູ້ທີ່ຈົບວາລະແລະບັນດາຜູ້ຕາງໜ້າຄະນະກຳມາທິການຜູ້ໃໝ່ ແມ່ນແນໃສ່ຖ່າຍທອດວຽກງານທີ່ໄດ້ດຳເນີນມາແລ້ວແລະເພື່ອຮັບປະກັນຄວາມຕໍ່ເນື່ອງຂອງການບໍລິຫານງານຂອງຄະນະກຳມາທິການລະຫວ່າງລັດຖະບານອາຊຽນ ວ່າດ້ວຍສິດທິມະນຸດ.
ຄະນະຜູ້ແທນສປປລາວນຳພາໂດຍທ່ານທູດມະໄລວຽງສາກົນນິຍົມໄດ້ເຂົ້າຮ່ວມກອງປະຊຸມຄັ້ງນີ້ໃນວັນທີ 20-21 ມີນາ 2019.