ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ກອງປະຊຸມເຈົ້າໜ້າທີ່ອາວຸໂສ ອາຊຽນ-ອິນເດຍ ຄັ້ງທີ 21

SOMAseanIndia21

 

ໃນວັນທີ 12 ເມສາ 2019, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີກະຊວງການຕ່າງະເທດ, ທັງເປັນເຈົ້າໜ້າທີ່ອາວຸໂສອາຊຽນຂອງ ລາວ ໄດ້ນຳພາຄະນະຜູ້ແທນລາວ ເຂົ້າຮ່ວມກອງປະຊຸມເຈົ້າໜ້າທີ່ອາວຸໂສ   ອາຊຽນ-ອິນເດຍ ຄັ້ງທີ 21ທີ່ນິວເດັນລີ, ອິນເດຍ ໂດຍການເປັນປະທານຮ່ວມຂອງ ທ່ານ ນາງ Busaya Methalin, ຫົວຫນ້າຫ້ອງການກະຊວງການຕ່າງປະເທດ, ທັງເປັນເຈົ້າໜ້າທີ່ອາວຸໂສອາຊຽນໄທ ແລະ ທ່ານ ນາງ Vijay Thakur Singh, ຮອງລັດຖະມົນຕີ (Secretary East) ທັງເປັນເຈົ້າຫນ້າທີ່ອາວຸໂສອິນເດຍ. ນອກນີ້, ທ່ານຮອງເລຂາທິການໃຫຍ່ອາຊຽນ, ບັນດາເຈົ້າໜ້າທີ່ອາວຸໂສອາຊຽນ ແລະ ຜູ້ຕາງຫນ້າຈາກປະເທດສະມາຊິກອາຊຽນອື່ນ ກໍ່ໄດ້ເຂົ້າຮ່ວມຢ່າງພ້ອມພຽງ.

 

ກອງປະຊຸມໄດ້ທົບທວນຄືນຄວາມຄືບໜ້າການຮ່ວມມືອາຊຽນ-ອິນເດຍ ໃນໄລຍະຜ່ານມາ ໂດຍສະເພາະແມ່ນ ການຜັນຂະຫຍາຍຜົນຂອງກອງປະຊຸມສຸດຍອດອາຫານເຊົ້າແບບບໍ່ເປັນທາງການອາຊຽນ-ອິນເດຍ ໃນເດືອນພະຈິກ 2018 ທີ່ສິງກະໂປ ແລະ ຜົນຂອງກອງປະຊຸມສຸດຍອດສະເຫຼີມສະຫຼອງການພົວພັນອາຊຽນ-ອິນເດຍຄົບຮອບ 25 ປີ ໃນເດືອນມັງກອນ 2018 ທີ່ ອິນເດຍ.ອງປະຊຸມໄດ້ສະແດງຄວາມເພິ່ງໃຈຕໍ່ຄວາມຄືບໜ້າໃນການຈັດຕັ້ງປະຕິບັດແຜນປະຕິບັດງານ ອາຊຽນ-ອິນເດຍ ສຳລັບປີ 2016-2020 ເຊິ່ງກວມເອົາຂົງເຂດການເມືອງ-ຄວາມໝັ້ນຄົງ, ເສດຖະກິດແລະວັດທະນະທຳ-ສັງຄົມ. ໃນໂອກາດນີ້, ກອງປະຊຸມໄດ້ຢໍ້າຄືນຄຳໝາຍໝັ້ນທີ່ຈະສືບຕໍ່ຮັດແໜ້ນ ຄູ່ຮ່ວມຍຸດທະສາດ ອາຊຽນ-ອິນເດຍ ໂດຍຜ່ານການສ້າງແຜນປະຕິບັດງານ ສະບັບໃໝ່ ແລະ ເນັ້ນໃສ່ເພີ່ມທະວີການຮ່ວມມືໃນຂົງເຂດຕ່າງໆທີ່ມີທ່າແຮງເຊັ່ນ: ການຮ່ວມມືທາງທະເລ, ການຄ້າແລະການລົງທຶນ, ການເງິນ, ນະວັດຕະກຳ, ການສົ່ງເສີມການເຊື່ອມຈອດອາຊຽນ-ອິນເດຍ, ການຮັດແຄບຄວາມແຕກໂຕນດ້ານການພັດທະນາ, ການພັດທະນາ ແບບຍືນຍົງ, ການສຶກສາ, ການສົ່ງເສີມການໄປມາຫາສູ່ ລະຫວ່າງປະຊາຊົນ ໂດຍສະເພາະແມ່ນການສົ່ງເສີມ ບັນດາ ກິດຈະກຳປີທ່ອງທ່ຽວ ອາຊຽນ-ອິນເດຍ ໃນປີ 2019. ນອກຈາກນີ້, ກອງປະຊຸມໄດ້ແລກປ່ຽນຄຳຄິດຄຳເຫັນກ່ຽວກັບບັນຫາພາກພື້ນ ແລະ ສາກົນທີ່ມີຄວາມສົນໃຈຮ່ວກັນ ແລະ ໄດ້​ປຶກ​ສາ​ຫາ​ລື​ ການ​ກະ​ກຽມ​ໃຫ້​ແກ່ກອງ​ປະ​ຊຸມ​ລັດ​ຖະ​ມົນ​ຕີ​ຕ່າງ​ປະ​ເທດ​ ອາຊຽນ-ອິນເດຍ ເຊິ່ງຈະຈັດຂຶ້ນໃນ ເດືອນ ສິງຫາ ປີ 2019 ທີ່ ບາງກອກ, ປະເທດໄທ.

a
ແຈ້ງການ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
180023
ມື້ນີ້51
ມື້ວານ59
ອາທິດນີ້110
ເດືອນນີ້110
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710