ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຮອງລັດຖະມົນຕີກະຊວງການຕ່າງປະເທດ ຕ້ອນຮັບການເຂົ້າພົບປະຂອງທ່ານຜູ້ປະສານງານອົງການ ສປຊ ດ້ານວຽກງານປ້ອງກັນ ແລະ ຄວບຄຸມໄພພິບັດ

20190814UNRep20190814UNRep1

        ໃນຕອນເຊົ້າຂອງວັນທີ 14 ສິງຫາ 2019 ທີ່ ກະຊວງການຕ່າງປະເທດ, ທ່ານ ນ. ຄຳເພົາ ເອີນທະວັນ,   ຮອງລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າພົບປະ ຂອງ ທ່ານ ນາງ ຊາຣາ ເຊເກັນເນັສ ໂທເຣັຟເຊັນ (Sara Sekeness-Tollefsen), ເພື່ອປຶກສາຫາລືແຜນການສະໜັບສະໜູນຂອງອົງການ ສປຊ ຕໍ່ວຽກງານປ້ອງກັນ ແລະ ຄວບຄຸມໄພພິບັດ ແລະ ທິດທາງການຈັດຕັ້ງປະຕິບັດການປະເມີນຄວາມຕ້ອງການພາຍຫຼັງໄພພິບັດ ປະຈໍາປີ 2019.

ໃນໂອກາດດັ່ງກ່າວ, ທ່ານຜູ້ປະສານງານ ອົງການ ສປຊ ໄດ້ຢ້ຳຄືນບູລິມະສິດສູງສຸດຂອງອົງການສປຊແລະບັນດາຄູ່ຮ່ວມພັດທະນາ ໃນການສະໜັບສະໜູນລັດຖະບານ ເພື່ອຈັດຕັ້ງປະຕິບັດໂຄງການຟື້ນຟູໄພພິບັດທີ່ແຂວງ ອັດຕະປືແລະແຂວງອື່ນໆ. ນອກນັ້ນ, ທັງສອງທ່ານຍັງໄດ້ປຶກສາຫາລືຮ່າງແຜນງານໂຄງການຟື້ນຟູໄພພິບັດທີ່ບັນດາອົງການເຄືອຂ່າຍ ສປຊ ໄດ້ນຳສະເໜີລວມມູນຄ່າຫຼາຍກວ່າ 5 ລ້ານໂດລາສະຫະລັດ ແລະ ທັງສອງໄດ້ຕົກລົງເຫັນດີ ສືບຕໍ່ລາຍງານຄວາມຄືບໜ້າໃຫ້ບັນດາຄູ່ຮ່ວມພັດທະນາ ຕໍ່ກັບວຽກງານໄພພິບັດ ໂດຍສະເພາະການເຊື່ຶອມສານວຽກງານການບໍລິຫານຈັດການຄວາມສ່ຽງໄພພິບັດ (Disaster Risk Management) ເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ IX (2021-2025) ແລະ ແຜນຍຸດທະສາດອື່ນໆເພື່ອເປັນບ່ອນອີງໃນການລະດົມທຶນເພີ່ມຕື່ມໃນຕໍ່ໜ້າ. ຕອນທ້າຍນີ້, ທ່ານ ຮອງລັດຖະມົນຕີ ກໍ່ຍັງສະແດງຄວາມ​ຂອບ​ໃຈ ພ້ອມ​ທັງ​ອວຍພອນ​ໃຫ້​ທ່ານ ນາງ ຊາຣາ ເຊເກັນເນັສ ໂທເຣັຟເຊັນ ​ຈົ່ງປະສົບຜົນສຳເລັດໃນການມາປະຕິບັດໜ້າ​ທີ່​ຂອງ​ທ່ານ ຢູ່ ສປປ ລາວ ໃນຄັ້ງນີ້.​ ໃນ​ໂອກາດ​ດັ່ງກ່າວ, ທ່ານ ຮອງລັດຖະມົນຕີ ກະຊວງການຕ່າງປະເທດ ໄດ້ສະ​ແດງ​ຄວາມ​ຍິນ​ດີ​ຕ້ອນຮັບ​ອັນ​ອົບ​ອຸ່ນ​ມາ​ຍັງ​ຜູ້ປະສານງານ ຂອງ​ ອົງການ ສປຊ ປະຈໍາ ສປປ ລາວ ພ້ອມທັງ​ສະ​ແດງ​ຄວາມ​ຂອບ​ໃຈ​ ແລະ ຕີລາຄາ​ສູງ​ຕໍ່​ການມາຮັບໜ້າທີ່ຂອງຜູ້ກ່ຽວ ໃນການຮັບຕຳແໜ່ງໃໝ່ເປັນຜູ້ຕາງໜ້າຜູ້ປະສານງານອົງການ ປຊ ປະຈຳ ສປປລາວ ຊຶ່ງເປັນຜູ້ທຳອິດພາຍຫຼັງທີ່ມີການແຍກຕຳແໜ່ງຜູ້ປະສານງານອົງການ ແລະ ຜູ້ຕາງໜ້າອົງການ UNDP ອອກຈາກັນ, ທັງນີ້ກໍເພື່ອຍົກບົດບາດວຽກງານປະສານງານຂອງ ສປຊ ໃນລະດັບຊາດໃຫ້ມີປະສິດຕິພາບ ແລະ ປະສິດຕິຜົນສູງກວ່າເກົ່າ.

   ພ້ອມດຽວກັນນັ້ນ, ທ່ານ ນາງ ຊາຣາ ເຊເກັນເນັສ ໂທເຣັຟເຊັນ ກໍ່ໄດ້ສະແດງຄວາມຂອບໃຈຕໍ່ການຕ້ອນຮັບອົບອຸ່ນຂອງ ທ່ານ ນ. ຄຳເພົາ ເອີນທະວັນ, ຮອງລັດຖະມົນຕີກະຊວງການຕ່າງປະເທດ ແລະ ທ່ານຍັງໄດ້ໃຫ້ຄຳໝັ້ນສັນຍາວ່າ ໃນນາມ UNRC ທ່ານຈະສືບຕໍ່ເພີ່ມທະວີບົດບາດຂອງຕົນໃນການປະສານງານ, ຮ່ວມມື ແລະ ເຮັດວຽກຢ່າງໃກ້ຊິດ ລະຫວ່າງ ອົງການເຄືອຂ່າຍ ສປຊ ແລະ ລັດຖະບານ ສປປ ລາວ ໃນການຈັດຕັ້ງປະຕິບັດແຜນງານຕ່າງໆທີ່ເປັນບຸລິມະສິດຂອງ ສປປ ລາວ ໃຫ້ໄດ້ຮັບໝາກຜົນທີ່ດີໃນຕໍ່ໜ້າ.

a
ແຈ້ງການ

* ນາຍົກລັດຖະມົນຕີ ພ້ອມດ້ວຍຄະນະ ຜູ້ແທນ ສປປ ລາວ ຈະເດີນທາງໄປຢ້ຽມຢາມ ຣາຊະອານາຈັກ ກຳປູເຈຍ ຢ່າງເປັນທາງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
190188
ມື້ນີ້19
ມື້ວານ115
ອາທິດນີ້683
ເດືອນນີ້1520
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710