ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຄະນະຊີ້ນຳວຽກງານການສໍາຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມຣິກາ ທີ່ຫາຍສາບສູນໃນປາງສົງຄາມຢູ່ລາວ ລົງຕິດຕາມຊຸກຍູ້ການຮ່ວມມືໃນພາກສະໜາມລະຫວ່າງລາວ-ອາເມຣິກາ ຢູ່ ແຂວງຫົວພັນ

20190815Mia

ໃນລະຫວ່າງວັນທີ 05-08 ສິງຫາ 2019 ທີ່ຜ່ານມາ, ທ່ານ ແສງເພັດ ຮຸ່ງບຸນຍວງ, ຮອງລັດຖະມົນຕີກະຊວງການຕ່າງປະເທດ, ຜູ້ຊີ້ນຳວຽກງານການສໍາຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມຣິກາ ທີ່ຫາຍສາບສູນໃນປາງສົງຄາມຢູ່ລາວ, ທ່ານ ພົນຕີ ຄຳສີ ວົງຄຳຊາວ, ຫົວໜ້າຫ້ອງວ່າການກະຊວງປ້ອງກັນປະເທດ, ພ້ອມດ້ວຍຄະນະຈາກກະຊວງການຕ່າງປະເທດ ແລະ ກະຊວງປ້ອງກັນປະເທດ ໄດ້ເດີນທາງໄປຢ້ຽມຢາມການປະຕິບັດງານຮ່ວມລາວ-ອາເມຣິກາ ໃນການສໍາຫຼວດ ແລະ ຂຸດຄົ້ນ ເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມຣິກາ ທີ່ຫາຍສາບສູນໃນປາງສົງຄາມຢູ່ລາວ (MIA), ຄັ້ງທີ 05 ປະຈຳສົກປີ 2018-2019, ຢູ່ເຂດບ້ານນາແທ່ນ, ເມືອງວຽງໄຊ, ແຂວງຫົວພັນ.

ການເດີນທາງໄປຢ້ຽມຢາມຂອງຄະນະດັ່ງກ່າວໃນຄັ້ງນີ້, ແມ່ນເພື່ອເປັນການຕິດຕາມ ແລະ ກວດກາການປະຕິບັດງານຂອງຄະນະວິຊາການຮ່ວມລາວ-ອາເມຣິກາ ໃນການປະຕິບັດວຽກງານດ້ານມະນຸດສະທຳຮ່ວມກັນ ແລະ ທັງເປັນການ ສະແດງເຖິງຄວາມເອົາໃຈໃສ່ຊີ້ນຳນຳພາຈາກເຈົ້າໜ້າທີ່ຂັ້ນສູງຂອງລັດຖະບານ ແຫ່ງ ສປປ ລາວ ໃນການແກ້ໄຂບັນຫາຜູ້ຫາຍສາບສູນໃນປາງສົງຄາມຢູ່ລາວ ຕາມການຮ້ອງຂໍຈາກລັດຖະບານອາເມຣິກາ.

ໃນໂອກາດດັ່ງກ່າວ, ທ່ານຮອງລັດຖະມົນຕີກະຊວງການຕ່າງປະເທດ, ຜູ້ຊີ້ນຳວຽກງານ MIA ໄດ້ໃຫ້ກຽດພົບປະ ແລະ ໂອ້ລົມກັບບັນດາພະນັກງານວິຊາການປະຈຳພາກສະໜາມຈາກ ກະຊວງການຕ່າງປະເທດ, ກະຊວງປ້ອງກັນປະເທດ ແລະ ອຳນາດການປົກຄອງທ້ອງຖິ່ນທີ່ຄ້າຍພັກເມືອງຊຳເໜືອ, ແຂວງຫົວພັນ, ນອກນີ້, ຄະນະຍັງໄດ້ເຄື່ອນໄຫວຢ້ຽມຢາມການປະຕິບັດງານຕົວຈິງຢູ່ຈຸດຂຸດຄົ້ນ ແລະ ຮັບຟັງການລາຍງານສະພາບການການຈັດຕັ້ງປະຕິບັດວຽກງານຢູ່ແຕ່ລະຈຸດຂຸດຄົ້ນຈາກຫົວໜ້າພາກສະໜາມຝ່າຍລາວ ແລະ ຝ່າຍອາເມຣິກາ, ຊຶ່ງເຫັນເປັນເອກະພາບກັນວ່າ ການຮ່ວມມືມີປະສິດທິຜົນ, ທັງນີ້, ກໍ່ຍ້ອນພະນັກງານວິຊາການທັງສູນກາງ ແລະ ທ້ອງຖິ່ນ ພ້ອມດ້ວຍພໍ່ແມ່ປະຊາຊົນລາວ ໄດ້ປະກອບສ່ວນຢ່າງຕັ້ງໜ້າ ແລະ ມີຄວາມເອົາໃຈໃສ່ຕໍ່ການປະຕິບັດໜ້າທີ່ວຽກງານຂອງຕົນເປັນຢ່າງດີ. ໃນການຂຸດຄົ້ນຄັ້ງນີ້ໄດ້ພົບສິ້ນສ່ວນສິ່ງເສດເຫຼືອຂອງທະ ຫານອາເມຣິກາ ຈຳນວນໜຶ່ງຢູ່ເຂດບ້ານນາແທ່ນ, ເມືອງວຽງໄຊ, ແຂວງຫົວພັນ, ຊຶ່ງຈະໄດ້ຈັດພິທີມອບ-ຮັບຢ່າງເປັນທາງການໃນວັນທີ 26 ສິງຫາ 2019 ທີ່ຈະມາເຖິງນີ້.

ລັດຖະບານກໍ່ຄືປະຊາຊົນລາວ ໄດ້ສືບຕໍ່ໃຫ້ການຮ່ວມມືເປັນຢ່າງດີໃນວຽກງານນີ້ກັບຝ່າຍສະຫະລັດຕະຫຼອດມາ ແນໃສ່ນຳເອົາສິ່ງເສດເຫຼືອຂອງທະຫານອາເມຣິກາ ທີ່ເສຍຊີວິດໃນສົງຄາມຢູ່ລາວ ສົ່ງຄືນໃຫ້ຄອບຄົວຂອງພວກກ່ຽວເທົ່າທີ່ສາມາດຊອກຄົ້ນໄດ້. ການຮ່ວມມືໃນດ້ານນີ້ ໄດ້ຮັບຜົນສຳເລັດເປັນຢ່າງດີກໍ່ຍ້ອນມີການຮ່ວມມືຂອງລັດຖະບານລາວ, ເຈົ້າໜ້າທີ່ກ່ຽວຂ້ອງຂອງລາວທຸກໆຂັ້ນແຕ່ສູນກາງຮອດທ້ອງຖິ່ນ ແລະ ການຮ່ວມມືອັນດີຂອງປະຊາຊົນບັນດາເຜົ່າ, ອັນເປັນການສະແດງໃຫ້ເຫັນເຖິງນະໂຍບາຍມະນຸດສະທຳອັນສະເໝີຕົ້ນສະເໝີປາຍຂອງລັດຖະບານ ແຫ່ງ ສາທາລະນະລັດ ປະຊາ ທິປະໄຕ ປະຊາຊົນລາວ ທີ່ມີຕໍ່ປະຊາຊົນອາເມຣິກາ, ໂດຍສະເພາະຕໍ່ຄອບຄົວຍາດພີ່ນ້ອງຂອງຜູ້ທີ່ຫາຍສາບສູນໃນປາງສົງຄາມຢູ່ລາວ.

a
ແຈ້ງການ

* ນາຍົກລັດຖະມົນຕີ ພ້ອມດ້ວຍຄະນະ ຜູ້ແທນ ສປປ ລາວ ຈະເດີນທາງໄປຢ້ຽມຢາມ ຣາຊະອານາຈັກ ກຳປູເຈຍ ຢ່າງເປັນທາງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
190185
ມື້ນີ້16
ມື້ວານ115
ອາທິດນີ້680
ເດືອນນີ້1517
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710