ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມວຽກງານການຕ່າງປະເທດ ຄັ້ງທີ XIV

2019.12.12-mofa-affaire1

2019.12.12-mofa-affaire2

ໃນວັນທີ 12 ທັນວາ 2019, ກອງປະຊຸມວຽກງານການຕ່າງປະເທດ ຄັ້ງທີ XIV ໄດ້ໄຂຂຶ້ນຢ່າງເປັນທາງການ ຢູ່ທີ່ສູນການຮ່ວມມືສາກົນ ແລະ ການຝຶກອົບຮົມ (ICTC) ນະຄອນຫລວງວຽງຈັນ, ພາຍໃຕ້ການເປັນປະທານຂອງ ທ່ານ ສະເຫຼີມໄຊ ກົມມະສິດ, ກຳມະການສູນກາງພັກ, ລັດຖະມົນຕີກະຊວງການຕ່າງປະເທດ, ຊຶ່ງມີທີ່ປຶກສາຄະນະບໍລິຫານງານສູນກາງພັກ, ກຳມະການສູນກາງພັກ, ລັດຖະມົນຕີ ແລະ ຮອງລັດຖະມົນຕີ, ເຈົ້າແຂວງ ແລະ ຮອງເຈົ້າແຂວງຈາກທົ່ວປະເທດ, ຮອງເຈົ້າຄອງນະຄອນຫຼວງ, ເອກອັກຄະລັດຖະທູດ ແລະ ກົງສຸນໃຫຍ່ ແຫ່ງ ສປປ ລາວ ປະຈຳຢູ່ຕ່າງປະເທດ, ບັນດານັກການທູດອາວຸໂສບໍານານ ພ້ອມດ້ວຍພະນັກງານຫຼັກແຫຼ່ງຂອງກະຊວງການຕ່າງປະເທດ ແລະ ຂະແໜງການກ່ຽວຂ້ອງຂັ້ນສູນກາງ ແລະ ທ້ອງຖິ່ນ ເຂົ້າຮ່ວມຫຼາຍກວ່າ 560 ຄົນ.

ກອງປະຊຸມວຽກງານການຕ່າງປະເທດຄັ້ງນີ້ຈະໄດ້ດໍາເນີນເປັນເວລາ 2 ວັນ ແຕ່ວັນທີ 12-13 ທັນວາ 2019 ພາຍໃຕ້ຄໍາຂວັນ “ການທູດປ້ອງກັນເຫດ ແລະ ບຸກທະລຸ ເພື່ອປົກປັກຮັກສາ ແລະ ພັດທະນາປະເທດຊາດ” ແລະ ຄໍາຂວັນຍ່ອຍທີ່ເປັນຈຸດສຸມຂອງກອງປະຊຸມຄັ້ງນີ້ແມ່ນ “ເພີ່ມທະວີປະສິດທິພາບການຈັດຕັ້ງປະຕິບັດຜົນການເຄື່ອນໄຫວການຕ່າງປະເທດໃຫ້ປະກົດຜົນເປັນຈິງ”. ທ່ານ ທອງສະຫວັນ ພົມວິຫານ, ຮອງລັດຖະມົນຕີກະຊວງການຕ່າງປະເທດ, ໄດ້ລາຍງານຜົນຂອງກອງປະຊຸມວິຊາການວຽກງານການຕ່າງປະເທດ ທີ່ຈັດຂຶ້ນໃນວັນທີ 10-11 ທັນວາ 2019 ຕໍ່ກອງປະຊຸມ, ພາຍຫຼັງການຈັດກອງປະຊຸມປຶກສາຫາລືພາຍໃນວຽກງານການຕ່າງປະເທດ ແລະ ກອງປະຊຸມເວທີປຶກສາຫາລືຮ່ວມ ລະຫວ່າງກະຊວງການຕ່າງປະເທດກັບພາກທຸລະກິດ ໃນວັນທີ 5-6 ແລະ 9 ທັນວາ 2019 ຕາມດໍາລັບ, ເພື່ອຜ່ານບົດສັງເກດຕີລາຄາສະພາບແວດລ້ອມພາກພື້ນ ແລະ ສາກົນ, ການເຄື່ອນໄຫວວຽກງານການຕ່າງປະເທດຂອງ ສປປ ລາວ ໃນໄລຍະ 3 ປີຜ່ານມາ ແລະ ທິດທາງໃນຕໍ່ໜ້າ, ແລະ ການຍົກສູງຄຸນນະພາບໃນການເປັນເສນາທິການ, ປັບປຸງກົນໄກການປະສານງານ ແລະ ການຄຸ້ມຄອງວຽກງານການຕ່າງປະເທດຂອງ ສປປ ລາວ ໃຫ້ມີຄວາມໜັກແໜ້ນ, ຄ່ອງແຄ້ວ, ທັນການ ແລະ ມີປະສິດທິພາບ.

ທ່ານ ສະເຫຼີມໄຊ ກົມມະສິດ, ປະທານກອງປະຊຸມ, ໄດ້ກ່າວວ່າ ກອງປະຊຸມຄັ້ງນີ້ເປັນໂອກາດອັນດີທີ່ບັນດາຜູ້ແທນກອງປະຊຸມຈະໄດ້ພ້ອມກັນສັງເກດຕີລາຄາ, ວິເຄາະວິໄຈຢ່າງລະອຽດເລິກເຊິ່ງສະພາບແວດລ້ອມໃນພາກພື້ນ ແລະ ສາກົນ ທີ່ສົ່ງຜົນກະທົບໂດຍກົງ ແລະ ໂດຍທາງອ້ອມຕໍ່ຄວາມໝັ້ນຄົງ ແລະ ການພັດທະນາຂອງ ສປປ ລາວ; ທົບທວນຄືນຜົນການ ເຄື່ອນໄຫວວຽກງານການຕ່າງປະເທດ ໃນໄລຍະທ້າຍຂອງການຈັດຕັ້ງຜັນຂະຫຍາຍມະຕິ X ຂອງພັກກໍຄືການຈັດຕັ້ງປະຕິບັດມະຕິຂອງກອງປະຊຸມວຽກງານການຕ່າງປະເທດ ຄັ້ງທີ XIIIແຕ່ປີ 2017-2019; ແລະ ປຶກສາຫາລື ເພື່ອກໍານົດທິດທາງແຜນການ, ແຜນງານ ແລະ ໂຄງການຈຸດສຸມ ໃນການເຄື່ອນໄຫວວຽກງານການຕ່າງປະເທດ ໃນໄລຍະປີ 2020-2022, ແນ່ໃສ່ເຮັດໃຫ້ການເຄື່ອນໄຫວວຽກງານການຕ່າງປະເທດ ໃນທ່າມກາງສະພາບແວດລ້ອມພາກພື້ນ ແລະ ສາກົນ ທີ່ມີການຜັນແປໄປຢ່າງໄວວາ ແລະ ສະຫຼັບສັບຊ້ອນ ນຳມາຊຶ່ງຜົນສຳເລັດອັນໃໝ່ໃຫຍ່ຫຼວງກວ່າເກົ່າ ເພື່ອເປັນການສືບຕໍ່ປະກອບສ່ວນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ ຕາມແນວທາງນະໂຍບາຍຂອງພັກ ແລະ ລັດ ແລະ ສ້າງຜົນງານໃໝ່ຕ້ອນຮັບກອງປະຊຸມໃຫຍ່ ຄັ້ງທີ XI ຂອງພັກ. ນອກຈາກນັ້ນ, ທ່ານປະທານກອງປະຊຸມຍັງໄດ້ກ່າວວ່າ ໃນໄລຍະ 3 ປີຜ່ານມາ, ເຖິງວ່າ ສະພາບແວດລ້ອມພາກພື້ນ ແລະ ສາກົນມີການຜັນແປໄປຢ່າງໄວວາ ແລະ ສະຫຼັບສັບຊ້ອນ ຊຶ່ງໄດ້ສົ່ງຜົນກະທົບບໍ່ໜ້ອຍຕໍ່ການພັດທະນາຂອງ ສປປ ລາວ ກໍຕາມ, ຂະແໜງການຕ່າງປະເທດ ໂດຍຍຶດໝັ້ນແນວທາງການຕ່າງປະເທດ ສັນຕິ ພາບ, ເອກະລາດ, ມິດຕະພາບ ແລະ ການຮ່ວມມື ອັນສະເໝີຕົ້ນສະເໝີປາຍຂອງພັກ ສືບຕໍ່ຍາດໄດ້ຜົນສໍາເລັດທີ່ສໍາຄັນໃນຫຼາຍດ້ານຢ່າງເປັນຮູບປະທໍາ, ອັນພົ້ນເດັ່ນແມ່ນສາມາດປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນ, ສ້າງສະ ພາບແວດລ້ອມທີ່ເອື້ອອໍານວຍ ແລະ ຍາດແຍ່ງກໍາລັງແຮງເຂົ້າໃນການພັດທະນາເສດຖະກິດ-ສັງຄົມ, ເຮັດໃຫ້ບົດບາດ ແລະ ຊື່ສຽງຂອງ ສປປ ລາວ ໄດ້ຮັບການເຊີດຊູສູງເດັ່ນຂຶ້ນຢູ່ເວທີພາກພື້ນ ແລະ ສາກົນ. ປະຈຸບັນ, ສປປ ລາວ ໄດ້ມີສາຍພົວພັນການທູດກັບ 143ປະເທດທົ່ວໂລກ, ມີສຳນັກງານຕາງໜ້າການທູດ ສປປ ລາວ ຢູ່ຕ່າງປະເທດ 40ແຫ່ງ, ໃນນັ້ນມີ ສະຖານເອກອັກຄະລັດຖະທູດ 26 ແຫ່ງ, ສໍານັກງານຜູ້ຕາງໜ້າຖາວອນ 3 ແຫ່ງ, ສະຖານກົງສຸນໃຫຍ່ 10ແຫ່ງ ແລະ ຫ້ອງການກົງສູນ 1 ແຫ່ງ.

ຫຼັງຈາກນັ້ນ, ບັນດາຜູ້ແທນກອງປະຊຸມໄດ້ເອົາໃຈໃສ່ແລກປ່ຽນຄໍາຄິດຄໍາເຫັນຕໍ່ບົດລາຍງານຜົນກອງປະຊຸມວິຊາການ ຕາມຄໍາຖາມເຈາະຈີ້ມຂອງທ່ານປະທານກອງປະຊຸມຢ່າງມີຈຸດສຸມ ແລະ ກົງໄປກົງມາ ດ້ວຍເຫດດ້ວຍຜົນ, ຊຶ່ງສະທ້ອນໃຫ້ເຫັນທັງບັນດາດ້ານດີທີ່ຈະສືບຕໍ່ສົ່ງເສີມ ແລະ ບັນຫາທີ່ຄົງຄ້າງທີ່ຈະຕ້ອງໄດ້ຮັບການແກ້ໄຂໃນຕໍ່ໜ້າ.

ບົດຂ່າວອື່ນໆທີ່ກ່ຽວຂ້ອງ

a
ແຈ້ງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
192100
ມື້ນີ້54
ມື້ວານ105
ອາທິດນີ້444
ເດືອນນີ້1280
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710