ວັນທີ 28 ກັນຍາ 2022, ທ່ານ ທອງຜ່ານ ສະຫວັນເພັດ, ຮອງລັດຖະມົນຕີຕ່າງປະເທດ, ຫົວໜ້າເຈົ້າໜ້າທີ່ອາວຸໂສອາຊຽນ ຂອງ ສປປ ລາວ ໄດ້ຕ້ອນຮັບການຢ້ຽມຂໍ່ານັບຂອງ ທ່ານ Jayant N. Khobragade, ທູດອິນເດຍປະຈໍາອາຊຽນ ທີ່ກະຊວງການຕ່າງປະເທດ ໃນໂອກາດ ທ່ານທູດ ອິນເດຍມາເຄື່ອນໄຫວເຮັດວຽກກັບມະຫາວິທະຍາໄລແຫ່ງຊາດລາວ.
ໃນໂອກາດນີ້, ທ່ານ ຮອງລັດຖະມົນຕີ ແລະ ທ່ານທູດ ອິນເດຍ ປະຈໍາອາຊຽນ ໄດ້ຕີລາຄາສູງຕໍ່ການຮ່ວມມືອາຊຽນ-ອິນເດຍ ຕະຫຼອດໄລຍະ 30 ປີ ຜ່ານມາ ແລະ ແລກປ່ຽນຄໍາຄິດຄໍາເຫັນ ເພື່ອສົ່ງເສີມການພົວພັນອາຊຽນ- ອິນເດຍ ໃນຕໍ່ໜ້າ, ລວມທັງການຍົກລະດັບການພົວພັນອາຊຽນ-ອິນເດຍ ຂຶ້ນເປັນຄູ່ຮ່ວມຍຸດທະສາດຮອບດ້ານ ເຊິ່ງມີແຜນຈະຮັບຮອງເອົາໃນທ້າຍປີນີ້. ທ່ານ ທອງຜ່ານ ສະຫວັນເພັດ ຍັງໄດ້ສະແດງຄວາມຂອບໃຈຕໍ່ອິນເດຍ ທີ່ໄດ້ໃຫ້ການສະໜັບສະໜູນແກ່ ສປປ ລາວ ຜ່ານຂອບ 2 ຝ່າຍ ແລະ ຫຼາຍຝ່າຍໂດຍຜ່ານຂອບອາຊຽນ ເປັນຕົ້ນແມ່ນໃນວຽກງານການເຊື່ອມໂຍງອາຊຽນ ແລະ ການໃຫ້ທຶນການສຶກສໍາລັບກຸ່ມປະເທດ CLMV ແລະ ອື່ນໆ.