ໃນວັນທີ 04 ພະຈິກ 2022, ທ່ານ ບຸນເຫຼືອ ພັນດານຸວົງ, ຮອງລັດຖະມົນຕີ ກະຊວງການຕ່າງປະເທດ ໄດ້ໃຫ້ກຽດມອບຫນັງສືຮັບຮອງກົງສຸນກິດຕິມະສັກ ໃຫ້ແກ່ ທ່ານ ນາງ Mette Boatman ເປັນກົງສຸນກິດຕິມະສັກແຫ່ງ ຣາຊະອານາຈັກ ນອກແວ ປະຈໍາ ສປປ ລາວ. ໃນໂອກາດດັ່ງກ່າວ ທ່ານ ຮອງລັດຖະມົນຕີ ໄດ້ສະແດງຄວາມຊົມເຊີຍ ແລະ ຍິນດີຕໍ່ ທ່ານກົງສຸນກິດຕິມະສັກ ແລະ ຫວັງຢ່າງຍິ່ງວ່າ ການປະຕິບັດຫນ້າທີ່ເປັນກົງສຸນກິດຕິມະສັກຈະເປັນການປະກອບ ສ່ວນອັນສໍາຄັນ ແລະ ເປັນຂົວຕໍ່ໃນການເສີມຂະຫຍາຍສາຍພົວພັນຮ່ວມມື ລະຫວ່າງ ສປປ ລາວ ແລະ ຣາຊະອານາຈັກ ນອກແວ ໃຫ້ຂະຫຍາຍຕົວຍິ່ງຂຶ້ນໃນອະນາຄົດ ໂດຍສະເພາະແມ່ນດ້ານເສດ ຖະກິດ, ການຄ້າ, ການລົງທຶນ, ການທ່ອງທ່ຽວ, ການແລກປ່ຽນວັດທະນະທໍາ ກໍ່ຄືການຂົນຂວາຍການສະໜັບສະໜູນ-ການຊ່ວຍເຫຼືອຈາກລັດຖະບານ ນອກແວ ເຂົ້າມາສູ່ ສປປ ລາວ ເພື່ອພາລະກິດ ສັນຕິພາບ, ມິດຕະພາບ ແລະ ການຮ່ວມມື.