Ministry of Foreign Affairs of Laos - ລັດຖະມົນຕີຊ່ວຍວ່າການກະຊວງການຕ່າງປະເທດ ໄດ້ຕ້ອນຮັບ ກົງສຸນໃຫຍ່ ແຫ່ງ ສສ ຫວຽດນາມ ປະຈຳສະຫວັນນະເຂດ ຜູ້ໃໝ່ ເຂົ້າຢ້ຽມຂ່ຳນັບ

ລັດຖະມົນຕີຊ່ວຍວ່າການກະຊວງການຕ່າງປະເທດ ໄດ້ຕ້ອນຮັບ ກົງສຸນໃຫຍ່ ແຫ່ງ ສສ ຫວຽດນາມ ປະຈຳສະຫວັນນະເຂດ ຜູ້ໃໝ່ ເຂົ້າຢ້ຽມຂ່ຳນັບ

con viet khamphao

ວັນທີ11 ມີນາ 2016, ທ່ານທ່ານເຈິ່ນກົງທິ້ງ, ກົງສຸນໃຫຍ່ ແຫ່ງ ສສ ຫວຽດນາມ ຜູ້ໃໝ່ ປະຈຳ ແຂວງສະຫວັນນະເຂດ ໄດ້ເຂົ້າຢ້ຽມຂ່ຳນັບ ແລະ ຍື່ນໜັງສືແຕ່ງຕັ້ງໃຫ້ແກ່ ທ່ານນາງ ຄຳເພົາ ເອີນທະວັນ, ລັດຖະມົນຕີຊ່ວຍວ່າການກະຊວງການຕ່າງປະເທດ.

ໃນໂອກາດນີ້, ທ່ານ ນາງ ຄຳເພົາ ເອີນທະວັນ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ ທ່ານ ເຈິ່ນ ກົງ ທິ້ງ ທີ່ໄດ້ຮັບການແຕ່ງຕັ້ງໃຫ້ມາດຳລົງຕຳແໜ່ງກົງສຸນໃຫຍ່ ແຫ່ງ ສສ ຫວຽດນາມ ປະຈຳ ແຂວງສະຫວັນນະເຂດ. ແຂວງສະຫວັນນະເຂດ ແລະ ບັນດາແຂວງພາກກາງຂອງລາວແມ່ນມີການຮ່ວມມືກັບບັນດາແຂວງຂອງຫວຽດນາມ ຫລາຍ. ທ່ານລັດຖະມົນຕີຊ່ວຍວ່າການໄດ້ສະແດງຄວາມເຊື່ອໝັ້ນວ່າ ດ້ວຍບົດຮຽນ ແລະ ປະສົບການອັນອຸດົມສົມບູນຂອງ ທ່ານ ເຈິ່ນ ກົງ ທິ້ງ, ພາຍໃນໄລຍະທີ່ທ່ານປະຕິບັດວຽກງານການທູດຂອງທ່ານຢູ່ ສປປ ລາວ ທ່ານຈະສາມາດປະກອບສ່ວນສຳຄັນໃນການສືບຕໍ່ເສີມສ້າງສາຍພົວພັນມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ລາວ-ຫວຽດນາມ ໃຫ້ມີປະສິດທິຜົນແລະງອກງາມຍິ່ງໆຂຶ້ນ, ໂດຍສະເພາະການພົວພັນຮ່ວມມືລະຫວ່າງແຂວງສະຫວັນນະເຂດກໍ່ຄືບັນດາແຂວງພາກກາງຂອງລາວກັບບັນດາແຂວງຂອງຫວຽດນາມ, ກໍ່ຄືປະກອບສ່ວນໃນການພັດທະນາຂອງບັນດາແຂວງດັ່ງກ່າວ. ພ້ອມທັງ, ສະແດງຄວາມຂອບໃຈຕໍ່ການຊ່ວຍເຫຼືອຂອງພັກ-ລັດຖະບານແລະປະຊາຊົນ ຫວຽດນາມທີ່ໃຫ້ການຊ່ວຍເຫຼືອສປປລາວຕະຫຼອດມາ, ເຊິ່ງເປັນການປະກອບສ່ວນສຳຄັນໃຫ້ແກ່ການພັດທະນາ ເສດຖະກິດ-ສັງຄົມຂອງແຂວງສະຫວັນນະເຂດ ແລະ ບັນດາແຂວງພາກກາງຂອງລາວເວົ້າສະເພາະ, ກໍ່ຄືຂອງ ສປປ ລາວ ເວົ້າລວມ.

ທ່ານ ເຈິ່ນ ກົງ ທິ້ງ, ໄດ້ສະແດງຄວາມຂອບໃຈ ທ່ານ ນາງ ຄຳເພົາ ເອີນທະວັນ ທີ່ໄດ້ໃຫ້ການຕ້ອນຮັບອັນອົບອຸ່ນ ແລະ ສະໜິດສະໜົມພ້ອມທັງໃຫ້ຄຳໝັ້ນສັນຍາວ່າຕະຫຼອດໄລຍະປະຕິບັດໜ້າທີ່ຂອງຕົນຢູ່ ສປປ ລາວ ຕົນຈະປະກອບສ່ວນສຸດຄວາມສາມາດເພື່ອເຮັດໃຫ້ສາຍພົວພັນມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ຈະເລີນງອກງາມຍິ່ງໆຂຶ້ນ.

ມື້ນີ້	21
ມື້ວານ	205
ອາທິດນີ້	1148
ເດືອນນີ້	4015

-

ເຊື່ອມຕໍ່ເວັບໄຊພາຍໃນລາວ

ທູດລາວທີ່ປະຈຳຢູ່ຕ່າງປະເທດ

ບົດຂ່າວອື່ນໆທີ່ກ່ຽວຂ້ອງ

ແຈ້ງການ

ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ