ໃນ​ຕອນ​ເຊົ້າ​ຂອງ​ວັນ​ທີ 15 ມີນາ 2016, ທີ່ ສະຖານ​ເອກ​ອັກຄະ​ລັດຖະທູດ ກູ​ບາ, ທ່ານ ​ແສງ​ເພັດ ຮຸ່ງ​ບຸນ​ຍວງ, ລັດຖະມົນຕີ​ຊ່ວຍ​ວ່າການ​ກະຊວງ​ການ​ຕ່າງປະ​ເທດ ​ແຫ່ງ ສປປ ລາວ ພ້ອມ​ດ້ວຍ​ບັນດາຄະນະ​ກົມ​ຂອງ​ກະຊວງ​ການ​ຕ່າງປະ​ເທດ​ ໄດ້ຕາງໜ້າ​ໃຫ້​ຄະນະ​ນຳ​ກະຊວງ​ການ​ຕ່າງປະ​ເທດ ​ເຊັນ​ປື້ມ​ໄຫວ້​ອາ​ໄລ​ແກ່​ດວງ​ວິນ​ຍານຂອງ​ທ່ານ Jorge Rey Jimenez, ​ເອກ​ອັກຄະ​ລັດຖະທູດ ​ແຫ່ງ ສາທາລະນະ​ລັດ​ ກູ​ບາ ປະຈຳ ສປປ ລາວ ທີ່​ໄດ້​ເຖິງ​ແກ່​ມໍລະນະ​ກຳ​ໃນ​ວັນ​ທີ 13 ມີນາ 2016, ທີ່​ນະຄອນຫຼວງວຽງຈັນ ດ້ວຍ​ພະຍາດ​ກະທັນຫັນ.

​​​ໃນ​​ໂອກາດ​ດັ່ງກ່າວ, ທ່ານ​ໄດ້ສະ​ແດງ​ຄວາມ​ເສົ້າ​ສະຫຼົດ​ໃຈ ​ແລະ ຄວາມ​ເຫັນ​ໃຈ​ຢ່າງ​ສຸດ​ຊຶ້ງ ຕໍ່ການ​ເສຍຊີວິດຂອງທ່ານ Jorge Rey Jimenez, ​ເອກ​ອັກຄະ​ລັດຖະທູດ ​ແຫ່ງ ສາທາລະນະ​ລັດ​ ກູ​ບາ ປະຈຳ ສປປ ລາວ.

ພ້ອມ​ກັນ​ນັ້ນ, ທ່ານ​ໄດ້​ແບ່ງປັນ​ຄວາມ​ໂສກ​ເສົ້າ​ມ​າຍັງ​ພັກ ​ແລະ ລັດຖະບານ ພ້ອມ​ດ້ວຍ​ປະຊາຊົນ​ກູ​ບາ ​ແລະ ຄອບຄົວ​ຂອງທ່ານ Jorge Rey Jimenez ມາໃນໂອກາດນີ້ດ້ວຍ.