ໃນລະຫວ່າງວັນທີ 11-12 ພະຈິກ 2020, ທ່ານ ທອງສະຫວັນ ພົມວິຫານ, ຮອງເລຂາຄະນະພັກກະຊວງ, ຮອງລັດຖະມົນຕີກະຊວງການຕ່າງປະເທດ ໄດ້ລົງເຄື່ອນໄຫວເຮັດວຽກທີ່ແຂວງບໍ່ແກ້ວ, ຊຶ່ງໃຫ້ກຽດຕ້ອນຮັບໂດຍທ່ານ ຈອມສີ ລັດຕະນະປັນ, ຮອງເລຂາຄະນະພັກແຂວງ, ຮອງເຈົ້າແຂວງ-ແຂວງບໍ່ແກ້ວ ດ້ວຍບັນຍາກາດໄມຕີຈິດມິດຕະພາບອັນອົບອຸ່ນ.

ໃນວັນທີ 29 ຕຸລາ 2020 ທີ່ ກະຊວງການຕ່ງປະເທດ, ໄດ້ມີກອງ​ປະຊຸມ​ປຶກສາ​ຫາລື​ດ້ານ​ການ​ເມືອງ ແບບທາງໄກ ຂັ້ນຮອງລັດຖະມົນຕີ ຄັ້ງທີ V ລະຫວ່າງ​ກະຊວງ​ການຕ່າງປະ​ເທດ ລາວ ແລະ ຫວຽດນາມ, ໂດຍພາຍໃຕ້ການເປັນປະທານຮ່ວມ ຂອງ ສະຫາຍ ທອງສະຫວັນ ພົມວິຫານ, ຮອງລັດ​ຖະ​ມົນ​ຕີ​​ກະ​ຊວງ​ການ​ຕ່າງ​ປະ​ເທດ ແລະ ສະຫາຍ ຫງວຽນ ກວັກ ຢຸງ, ຮອງລັດ​ຖະ​ມົນ​ຕີ​​ກະ​ຊວງ​ການ​ຕ່າງ​ປະ​ເທດ ແຫ່ງ ສສ ຫວຽດນາມ ພ້ອມດ້ວຍບັນດາພະນັກງານຈາກກົມກອງທີ່ກ່ຽວຂ້ອງຂອງທັງສອງຝ່າຍເຂົ້າຮ່ວມ. ກອງປະຊຸມຄັ້ງນີ້ ຖືວ່າເປັນກອງປະຊຸມປະຈຳປີ ລະຫວ່າງ ສອງກະຊວງການຕ່າງປະເທດ ລາວ-ຫວຽດນາມ ທີ່ໄດ້ຜັດປ່ຽນກັນຈັດມາແຕ່ປີ 2014 ແລະ ໃນປີນີ້ ແມ່ນຜຽນ ຂອງ ສສ ຫວຽດນາມ ເປັນເຈົ້າພາບ ແຕ່ເນື່ອງຈາກສະພາບການແຜ່ລະບາດຂອງພະຍາດໂຄວິດ-19 ເຮັດໃຫ້ສອງປະເທດ ຕ້ອງໄດ້ຈັດກອງປະຊຸມຜ່ານລະບົບທາງໄກ ເປັນຄັ້ງທຳອິດ.