ວັນທີ 29 ຕຸລາ 2016, ທີ່ ສະຖານທູດລາວ ທີ່ ເຊອູນ, ໄດ້ຈັດພິທີປາຖະກະຖາເຜີຍແຜ່ເອກະສານການເມືຶອງ ເນື່ອງໃນວັນການທູດລາວ 12 ຕຸລາ ຄົບຮອບ 71 ປີ, ຜົນສຳເລັດຂອງ ສປປ ລາວ ໃນການເປັນເຈົ້າພາບຈັດກອງ ປະຊຸມສຸດຍອດອາຊຽນ ຄັ້ງທີ 28 ແລະ 29, ແລະ ຜົນສຳເລັດຂອງການຢ້ຽມຢາມ ສປປ ລາວ ຢ່າງເປັນທາງການຂອງ ປະທານາທິບໍດີ ປັກກຶນເຮ ແຫ່ງ ສ.ເກົາຫລີ ໃນເດືອນກັນຍາ 2016 ຜ່ານມາ. ໃຫ້ກຽດຂຶ້ນເຜີຍແຜ່ໂດຍ ທ່ານ​ເອກ​ອັກ​ຖະທູດ ຄຳສວຍ ແກ້ວດາລາວົງ ໂດຍມີພະນັກງານສະຖານທູດ ແລະ ນັກສຶກສາລາວ ເຂົ້າຮ່ວມຮັບຟັງປະມານ 80 ຄົນ.