ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ລັດຖະບາບລາວແຕ່ງຕັ້ງກົງສຸນກິດຕິມະສັກລາວຄົນໃໝ່ ປະຈໍາ ແຂວງ ໂອກິນາວາ, ປະເທດ ຍີ່ປຸ່ນ

virod tokyo1

 

virod tokyo2

 

    ສະຖານເອກອັກຄະລັດຖະທູດແຫ່ງ ສປປ ລາວ ປະຈໍາປະເທດ ຍີ່ປຸ່ນ ໄດ້ຈັດພິທີມອບສານແຕ່ງຕັ້ງຢ່າງສົມກຽດໃຫ້ແກ່ ທ່ານ ສ.ຈ. ອາກິຣະ ອາຣາສະກິ (Prof. Akira ARASAKI), ເປັນກົງສຸນກິດຕິມະສັກ ແຫ່ງ ສປປ ລາວ ຄົນໃໝ່ ປະຈຳ ແຂວງ ໂອກິນາວາ, ປະເທດ ຍີ່ປຸ່ນ, ໃນວັນທີ 03 ກໍລະກົດ 2017 ທີ່ສໍານັກງານສະຖານທູດ, ຊຶ່ງຕາງໜ້າໃຫ້ລັດຖະບານລາວ ມອບໂດຍ ທ່ານ ວິໂຣດ ສູນດາຣາ, ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳປະເທດ ຍີ່ປຸ່ນ ແລະ ມີພະນັກງານສະຖານທູດ ເຂົ້າຮ່ວມຢ່າງພ້ອມພຽງ.

    ທ່ານ ສ.ຈ. ອາກິຣະ ອາຣາສະກິ, ໄດ້ຮັບການຕົກລົງແຕ່ງຕັ້ງຢ່າງເປັນທາງການໃຫ້ດຳລົງຕຳແໜ່ງກົງສຸນກິດຕິມະສັກຂອງລາວ ປະຈຳ ແຂວງ ໂອກິນາວາ ຈາກລັດຖະບານລາວ ແລະ ຍີ່ປຸ່ນ ໃນວັນທີ 16 ພຶດສະພາ 2017 ເປັນຕົ້ນມາ, ຊື່ງຜູ້ກ່ຽວໄດ້ເຄື່ອນໄຫວຢ່າງຫ້າວຫັນໃນການປະກອບສ່ວນຊຸກຍູ້ສົ່ງເສີມສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ແລະ ຢີ່ປຸ່ນ ໄດ້ດີ, ໂດຍສະເພາະໂຄສະນາເຜີຍແຜ່ ສປປ ລາວ ຕໍ່ປະຊາຊົນຍີ່ປຸ່ນ ຢູ່ຕາມສະຖານທີ່ຕ່າງໆ ພ້ອມທັງໄດ້ເຄື່ອນໄຫວພົບປະ ແລະ ປືກສາຫາລືກັບຫລາຍພາກສ່ວນທຸລະກິດ, ກຸ່ມນັກທຸລະ ກິດຍີ່ປຸ່ນ ແລະ ອົງການຈັດຕັ້ງຕ່າງໆ ເພື່ອສ້າງເງື່ອນໄຂອຳນວຍຄວາມສະດວກໃຫ້ແກ່ການພົວພັນຮ່ວມມື ລະຫວ່າງນັກທຸລະກິດລາວ ແລະ ຍີ່ປຸ່ນ ໃຫ້ຫລາຍຂື້ນໃນຫລາຍຂະແໜງການ, ເຊັ່ນ: ການຄ້າ-ການລົງທືນ, ການສືກສາ, ວັດທະນະທຳ-ສັງຄົມ, ການທ່ອງທ່ຽວ ແລະ ສາທາລະນະສຸກ.

    ໃນພິທີມອບສານແຕ່ງຕັ້ງຄັ້ງນີ້, ທ່ານທູດ ວິໂຣດ ສູນດາຣາ ໄດ້ກ່າວສະແດງຄວາມດີໃຈ ທີ່ໄດ້ຕາງໜ້າລັດ ຖະບານລາວ ມອບສານແຕ່ງຕັ້ງໃຫ້ແກ່ ທ່ານ ສ.ຈ. ອາກິຣະ ອາລາສະກິ, ເປັນກົງສຸນກິດຕິມາສັກລາວຄົນໃໝ່ ແລະ ຊົມເຊີຍຕໍ່ຜົນງານຂອງທ່ານທີ່ໄດ້ເຄື່ອນໄຫວປະກອບສ່ວນເຂົ້າໃນການເສີມຂະຫຍາຍສາຍພົວພັນມິດຕະພາບ ລາວ-ຍີ່ປຸ່ນ ແລະ ການສ້າງສາ ພັດທະນາເສດຖະກິດ-ສັງຄົມຂອງ ສປປ ລາວ ຕະຫລອດໄລຍະຜ່ານມາ. ພ້ອມນັ້ນ, ກໍ່ໄດ້ສະເໜີໃຫ້ກົງສຸນກິດຕິມະສັກລາວຄົນໃໝ່ ເພີ່ມທະວີການຈັດຕັ້ງປະຕິບັດ ພາລະບົດບາດໜ້າທີ່ຂອງຕົນ ຕາມຈຸດປະສົງ ແລະ ແຜນການເຄື່ອນໄຫວຂອງກົງສຸນກິດຕິມາສັກລາວ ປະຈຳ ແຂວງ ໂອກິນາວາ ໃຫ້ມີປະສິດຕິຜົນຫລາຍຂື້ນກວ່າເກົ່າ, ໂດຍສະເພາະການປະກອບສ່ວນເຄື່ອນໄຫວປຸກລະດົມດືງດູດການຊ່ວຍເຫຼືອດ້ານສາທາລະນະສຸກ, ການສືກສາ ແລະ ເສດຖະກິດ-ສັງຄົມ ເພື່ອປະກອບສ່ວນເຂົ້າໃນການພັດທະນາ ສປປ ລາວ ແລະ ສົ່ງເສີມການພົວພັນຮ່ວມມືລະຫວ່າງ ລາວ-ຍີ່ປຸ່ນ ໃຫ້ຈະເລີນງອກງາມຂື້ນເລື່ອຍໆ.

    ໃນໂອກາດດັ່ງກ່າວ, ທ່ານກົງສຸນກິດຕິມາສັກລາວຄົນໃໝ່ ກໍ່ໄດ້ກ່າວສະແດງຄວາມຂອບໃຈຢ່າງສຸດຊື້ງ ຕໍ່ລັດຖະບານລາວ ທີ່ໄດ້ໃຫ້ຄວາມໄວ້ເນື້ອເຊື່ອໃຈ ແລະ ມອບໝາຍໝ້າທີ່ອັນສຳຄັນນີ້ ໃຫ້ແກ່ທ່ານ, ແລະ ໄດ້ໃຫ້ຄໍາໝັ້ນສັນຍາວ່າ ຈະສືບຕໍ່ເອົາໃຈໃສ່ເຄື່ອນໄຫວປະຕິບັດໜ້າທີ່ເປັນກົງສຸນກິດຕິມະສັກ ແຫ່ງ ສປປ ລາວ ໃຫ້ສົມກຽດ. ພ້ອມນັ້ນ, ທ່ານກົງສຸນກິດຕິມະສັກລາວຄົນໃໝ່ ກໍ່ໄດ້ສະເໜີແຜນການກະກຽມ ພິທີເປີດຫ້ອງການກົງສຸນກິດຕິມະສັກ ຢູ່ແຂວງ ໂອກິນາວາ ຢ່າງເປັນທາງການ ໃນວັນທີ 15 ຕຸລາ 2017 ທີ່ຈະມາເຖິງ.

a
ແຈ້ງການ

* ຮອງປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ຈະດຳເນີນການຢ້ຽມຢາມ ສປປ ລາວ ຢ່າງເປັນທາງການ, ໃນລະຫວ່າງວັນທີ 19-22 ມິຖຸນາ 2018

* ນາຍົກລັດຖະມົນຕີ ແຫ່ງ ສປປ ລາວ ຈະເດີນທາງເຂົ້າຮ່ວມ ກອງປະຊຸມ (ACMECS) ຄັ້ງທີ 8 ແລະ ກອງປະຊຸມ(CLMV) ຄັ້ງທີ 9 ໃນວັນທີ 15-16 ມິຖຸນາ 2018

* ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ຕໍ່ຜົນການພົບປະສຸດຍອດຂອງຜູ້ນຳ ສປປ ເກົາຫຼີ ແລະ ສ. ອາເມຣິກາ

* ເຊີນຮ່ວມແຂ່ງຂັນອອກແບບ ຮູບພາບສັນຍາລັກ ການຮ່ວມມື ແມ່ນ້ຳຂອງ-ແມ່ນ້ຳລ້ານຊ້າງ ສຳລັບປີ 2018-2020

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

* ແຈ້ງເຕືອນ ການເຂົ້າ-ອອກ ປະເທດ ສິງກະໂປ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
148594
ມື້ນີ້41
ມື້ວານ97
ອາທິດນີ້109
ເດືອນນີ້1564
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710