ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ປະທານປະເທດ ສປປ ລາວ ພົບປະກັບ ປະທານປະເທດ ສສ. ຫວຽດນາມ ທີ່ ດານັງ

phoppaweb1

 

Phoppaweb2

 

ໃນຕອນເຊົ້າຂອງວັນທີ 11 ພະຈິກ 2017, ທີ່ ດານັງ, ສສ. ຫວຽດນາມ, ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ, ໄດ້ພົບປະສອງຝ່າຍກັບ ພະນະທ່ານ ເຈິນ ດ້າຍ ກວາງ, ປະທານປະເທດ ແຫ່ງ ສສ. ຫວຽດນາມ, ໃນໂອກາດທີ່ ພະນະທ່ານ ພ້ອມດ້ວຍພັນລະຍາ ແລະ ຄະນະ ເດີນທາງເຂົ້າຮ່ວມກອງປະຊຸມເວທີສົນທະນາແບບບໍ່ເປັນທາງການ ລະຫວ່າງ ຜູ້ນໍາເສດຖະກິດອາເປັກ ແລະ ຜູ້ນຳອາຊຽນ ຢູ່ ດານັງ, ໃນລະຫວ່າງວັນທີ 10-11 ພະຈິກ 2017.

 

ໃນການພົບປະຄັ້ງນີ້, ສອງຝ່າຍ ໄດ້ຕີລາຄາສູງ ຕໍ່ສາຍ​ພົວພັນ​ມິດຕະພາບ, ຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານ ລະຫວ່າງ ສອງ​ພັກ, ສອງ​ລັດ ​ແລະ ປະຊາຊົນ​ສອງ​ຊາດ​ ລາວ-ຫວຽດນາມ ທີ່​ມີ​ມູນ​ເຊື້ອອັນ​ດີງາມ​ມາແຕ່ດົນນານ, ຊຶ່ງນັບ​ມື້ມີ​ຄວາມ​ແໜ້ນ​ແຟ້ນ, ຈະ​ເລີ​ນງອກ​ງາມ ​ແລະ ​ແຕກ​ດອກ​ອອກ​ຜົນ​ຍິ່ງຂຶ້ນເລື້ອຍໆ. ພ້ອມນີ້, ທັງສອງຝ່າຍ ຍັງໄດ້ທົບທວນຄືນເຖິງເຫດການສຳຄັນ ໃນປີ 2017 ຊຶ່ງເປັນປີພິເສດທີ່ສອງປະເທດ ລາວ-ຫວຽດນາມ ໄດ້ຮ່ວມກັນສະເຫລີມສະຫລອງ 02 ວັນ​ປະຫວັດສາດ ເຊັ່ນ: ວັນການ​ສ້າງ​ຕັ້ງ​ສາຍ​ພົວພັນ​ການ​ທູດລາວ-ຫວຽດນາມ ​ຄົບຮອບ 55 ປີ ​ແລະ ວັນ​ຄົບຮອບ 40 ປີ ​ແຫ່ງ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື ລະຫວ່າງ ລາວ-ຫວຽດນາມ ຢ່າງຄຶກຄື້ນ ແລະ ມີຄວາມໝາຍ.

 

ໃນໂອກາດດັ່ງກ່າວ, ພະນະທ່ານ ເຈິນ ດ້າຍ ກວາງ ກໍໄດ້ສະແດງຄວາມຂອບໃຈ ແລະ ຕີລາຄາສູງ ຕໍ່ການເດີນທາງມາເຂົ້າຮ່ວມກອງປະຊຸມເວທີສົນທະນາແບບບໍ່ເປັນທາງການ ລະຫວ່າງ ຜູ້ນໍາເສດຖະກິດອາເປັກ ແລະ ຜູ້ນຳອາຊຽນ ຢູ່ ສສ. ຫວຽດນາມ ຂອງ ພະນະທ່ານ ປະທານປະເທດ ບຸນຍັງ ວໍລະຈິດ ພ້ອມດ້ວຍພັນລະຍາ ແລະ ຄະນະ ໃນຄັ້ງນີ້, ຊຶ່ງເປັນການຮັດແໜ້ນການຮ່ວມມື ລະຫວ່າງສະມາຊິກອາເປັກ ກັບບັນດາປະເທດອາຊຽນ ໃນການສ້າງຄວາມເຂັ້ມແຂງໃໝ່ໃຫ້ແກ່ການເຊື່ອມຈອດ ແລະ ການເຊື່ອມໂຍງອາຊີ-ປາຊີຟິກ ແບບຮອບດ້ານ ອັນຈະນຳໄປສູ່ການພັດທະນາແບບຍືນຍົງໃຫ້ແກ່ອາຊຽນ ແລະ ອາເປັກ. ພ້ອມນີ້, ພະນະທ່ານ ເຈິນ ດ້າຍ ກວາງ ຍັງໄດ້ເຊື້ອເຊີນ ພະນະທ່ານ ບຸນຍັງ ວໍລະຈິດ ຢ້ຽມຢາມ ສສ. ຫວຽດນາມ ໃນທ້າຍປີ 2017 ນີ້, ເພື່ອເພີ່ມທະວີສາຍ​ພົວພັນ​ມິດຕະພາບ, ຄວາມ​ສາມັກຄີ​ພິ​ເສດ ​ແລະ ການ​ຮ່ວມ​ມື​ຮອບດ້ານ ລະຫວ່າງ ສອງ​ພັກ, ສອງ​ລັດ​ ແລະ ປະຊາຊົນ​ສອງ​ຊາດ​ ລາວ-ຫວຽດນາມ ທີ່​ມີ​ມູນ​ເຊື້ອອັນ​ດີງາມ​ມາແຕ່ດົນນານ, ໃຫ້ນັບ​ມື້ມີ​ຄວາມ​ແໜ້ນ​ແຟ້ນ, ຈະ​ເລີ​ນງອກ​ງາມ ​ແລະ ​ແຕກ​ດອກ​ອອກ​ຜົນ​ຍິ່ງໆຂຶ້ນ ແລະ ກໍເພື່ອສະຫລຸບການສະເຫລີມສະຫລອງ 02 ວັນ​ປະຫວັດສາດ ທີ່ສອງປະເທດ ລາວ-ຫວຽດນາມ ໄດ້ຮ່ວມກັນສະຫລອງຜ່ານມາ.

 

ໃນໂອກາດນີ້, ພະນະທ່ານ ບຸນຍັງ ວໍລະຈິດ ກໍໄດ້ສະແດງຄວາມຂອບໃຈ ຕໍ່ການຕ້ອນຮັບອັນອົບອຸ່ນຂອງ ພະນະທ່ານ ເຈິນ ດ້າຍ ກວາງ ແລະ ການເຊື້ອເຊີນ ສປປ ລາວ ເຂົ້າຮ່ວມກອງປະຊຸມເວທີສົນທະນາແບບບໍ່ເປັນທາງການ ລະຫວ່າງ ຜູ້ນໍາເສດຖະກິດອາເປັກ ແລະ ຜູ້ນຳອາຊຽນ ໃນຄັ້ງນີ້, ຊຶ່ງເປັນການເປີດໂອກາດໃຫ້ ສປປ ລາວ ໄດ້ແລກປ່ຽນຄວາມຄິດເຫັນກັບບັນດາສະມາຊິກອາເປັກ ກ່ຽວກັບ ການຮ່ວມ​ມື​ໃນ​ຍຸກ​ແຫ່ງ​ການເຊື່ອມໂຍງ ​ແລະ ເຊື່ອມ​ຈອດພາກພື້ນ ແລະ ສາກົນ, ພ້ອມທັງສະແດງຄວາມຍິນດີ ທີ່ ສສ. ຫວຽດນາມ ໄດ້ຮັບຜົນສຳເລັດຢ່າງຈົບງາມ ໃນການຈັດກອງປະຊຸມສຸດຍອດອາເປັກ ແລະ ກອງປະຊຸມອື່ນໆທີ່ກ່ຽວຂ້ອງ ໃນຄັ້ງນີ້, ຂໍຊົມເຊີຍ ແລະ ອວຍພອນໃຫ້ ສສ. ຫວຽດນາມ ຈົ່ງມີຜົນສຳເລັດອັນໃຫຍ່ຫລວງກວ່າເກົ່າ ໃນການພັດທະນາປະເທດຊາດ. ນອກຈາກນີ້, ພະນະທ່ານ ບຸນຍັງ ວໍລະຈິດ ຍັງໄດ້ສະແດງຄວາມເຫັນອົກເຫັນໃຈ ຕໍ່ລັດຖະບານ ແລະ ປະຊາຊົນຫວຽດນາມ ທີ່ໄດ້ຮັບຜົນກະທົບອັນໜັກໜ່ວງ ຈາກລົມພາຍຸດຳຣີ ຫວ່າງບໍ່ດົນມານີ້, ຊຶ່ງ ພະນະທ່ານ ປະທານປະເທດ ບຸນຍັງ ວໍລະຈິດ ກໍໄດ້ຖືໂອກາດນີ້ ຕາງໜ້າໃຫ້ລັດຖະບານ ແລະ ປະຊາຊົນລາວ ກ່າວມອບເງິນຈຳນວນ 100.000 ໂດລາ ສະຫະລັດ, ເຂົ້າສານຈ້າວ, ໜຽວ ຈຳນວນ 20 ໂຕນ ແລະ ເຄື່ອງແຫ້ງອື່ນໆຕື່ມຈຳນວນໜຶ່ງ ໃຫ້ແກ່ລັດຖະບານ ແລະ ປະຊາຊົນຫວຽດນາມ ເພື່ອນຳໄປຊ່ວຍເຫລືອຜູ້ປະສົບໄພຈາກພະຍຸດັ່ງກ່າວ ທີ່ພັດເຂົ້າທຳລາຍ ແລະ ສ້າງຄວາມເສຍຫາຍໃຫ້ແກ່ພາກກາງຫວຽດນາມ. ພະນະທ່ານ ບຸນຍັງ ວໍລະຈິດ ໄດ້ຕອບຮັບການເຊີນພະນະທ່ານ ໄປຢ້ຽມຢາມ ສສ. ຫວຽດນາມ ດ້ວຍຄວາມຍິນດີ, ສ່ວນລາຍລະອຽດ ທັງສອງຝ່າຍຈະປະສານກັນ ໂດຍຜ່ານສາຍທາງການທູດຕື່ມອີກ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
130330
ມື້ນີ້88
ມື້ວານ95
ອາທິດນີ້438
ເດືອນນີ້1727
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710