ໃນວັນທີ 26 ທັນວາ 2017, ທີ່ ກະຊວງການຕ່າງປະເທດ, ຄະນະຮັບຜິດຊອບເນື້ອໃນ ໄດ້ຈັດກອງປະຊຸມເພື່ອປຶກສາຫາລື ແລະ ແລກປ່ຽນຄວາມຄິດເຫັນຕໍ່ຮ່າງຂໍ້ຕົກລົງ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງພະແນກການຕ່າງປະເທດແຂວງ, ນະຄອນຫລວງ; ແລະ ຮ່າງຂໍ້ຕົກລົງ ວ່າດ້ວຍມາດຖານ ແລະ ເງື່ອນໄຂຕຳແໜ່ງຫົວໜ້າພະແນກການຕ່າງປະເທດແຂວງ, ນະຄອນຫລວງ ກ່ອນນຳສະເໜີຮ່າງຂໍ້ຕົກລົງດັ່ງກ່າວ ໃຫ້ຄະນະຮັບຜິດຊອບຊີ້ນຳລວມພິຈາລະນາ, ພາຍໃຕ້ການເປັນປະທານກອງປະຊຸມຂອງ ທ່ານ ພູໂຂງ ສີສຸລາດ, ຫົວໜ້າກົມສົນທິສັນຍາ ແລະ ກົດໝາຍ, ກະຊວງການຕ່າງປະເທດ, ຫົວໜ້າຄະນະຮັບຜິດຊອບເນື້ອໃນ.