ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມຄັ້ງທີ 29 ຂອງ ຄະນະກຳມາທິການ ລະຫວ່າງ ລັດຖະບານອາຊຽນ ວ່າດ້ວຍ ສິດທິມະນຸດ

20190521AseanAICHEmeeting22

ຄະນະກຳມາທິການລະຫວ່າງ ລັດຖະບານອາຊຽນ ວ່າດ້ວຍ ສິດທິມະນຸດ (ASEAN Intergovernmental Commission on Human Rights ຫຼື AICHR) ໄດ້ດຳເນີນກອງປະຊຸມ ຄັ້ງທີ 29 ໃນວັນທີ 12-15 ພຶດສະພາ 2019 ຢູ່ທີ່ ກອງເລຂາອາຊຽນທີ່ ຈາກາຕາ, ອິນໂດເນເຊຍ ໂດຍການເປັນປະທານກອງປະຊຸມຂອງ ທ່ານ ສາດສະດາຈານ ດຣ ອາມາຣາ ພົງສະພິດ, ຜູ້ຕາງໜ້າໄທ ປະຈຳຄະນະກຳມາທິການ ລະຫວ່າງ ລັດຖະບານອາຊຽນ ວ່າດ້ວຍ ສິດທິມະນຸດ   ໃນນາມ ປະທານຄະນະກຳມະທິການດັ່ງກ່າວ ຕາມຮອບໝູນວຽນ ການເປັນປະທານ ອາຊຽນ ຂອງປະເທດ ໄທ.

ໃນກອງປະຊຸມດັ່ງກ່າວຄະນະກຳມາທິການ ລະຫວ່າງ ລັດຖະບານອາຊຽນ ວ່າດ້ວຍ ສິດທິມະນຸດ ໄດ້ພົບປະກັບ ຮອງເລຂາທິການໃຫຍ່ ອາຊຽນ ທ່ານ ຮວງ ແອງ ຕວນ (Hoang Anh Tuan) ແລະ ໄດ້ປຶກສາຫາລື ກ່ຽວກັບ ບຸລິມະສິດການເຄື່ອນໄຫວດ້ານສິດທິມະນຸດຂອງ ຄະນະກຳມາທິການສຳລັບປີ 2019 ໃນທັງ 3 ເສົາຄ້ຳ ອາຊຽນ ເພື່ອເປັນການປະກອບສ່ວນໃນການປະຕິບັດໃສທັດການສ້າງປະຊາຄົມອາຊຽນ ທີ່ອີງໃສ່ ປະຊາຊົນ ແລະ ເອົາປະຊາຊົນເປັນໃຈກາງ.

ຄະນະກຳມາທິການ ລະຫວ່າງ ລັດຖະບານອາຊຽນ ວ່າດ້ວຍ ສິດທິມະນຸດຍັງໄດ້ພົບປະປະຈຳປີກັບ ຄະນະກຳມະການຜູ້ຕາງໜ້າຖາວອນ 10 ປະເທດອາຊຽນ (Committee of Permanent Representatives ຫຼື CPR) ເຊິ່ງທັງສອງຝ່າຍໄດ້ແລກປ່ຽນຄຳຄິດຄຳເຫັນເປັນການຮັດແໜ້ນການຮ່ວມມື ແລະ ຊຸກຍູ້ການປະຕິບັດ​​ວາລະຂອງ ອາຊຽນ ໃນການສົ່ງເສີມ ແລະ ປົກປ້ອງສິດທິມະນຸດ ໂດຍ ສອດຄ່ອງກັບຫຼັກການຂອງອາຊຽນ.

ກອງປະຊຸມຄັ້ງນີ້ ຍັງໄດ້ປຶກສາຫາລື ບັນດາຫົວຂໍ້ຕ່າງໆ ໃນການຈັດຕັ້ງປະຕິບັດແຜນການ ແລະ ກິດຈະກຳບຸລິມະສິດຂອງ ຄະນະກຳມາທິການ ລະຫວ່າງ ລັດຖະບານອາຊຽນ ວ່າດ້ວຍ ສິດທິມະນຸດ ກໍຄື ການປຶກສາຫາລືສາລະເນື້ອໃນລະບົບເຮັດວຽກຂອງຄະນະກຳມະທິການ ແນໃສ່ຮັດແໜ້ນກາຮ່ວມມືກັບ ອົງກອນ ແລະ ຂະແໜງການຂອງອາຊຽນ.

ດ້ານການຮ່ວມມືກັບ ຄູ່ຮ່ວມເຈລະຈາຂອງ ອາຊຽນນັ້ນ, ຄະນະກຳມາທິການ ລະຫວ່າງ ລັດຖະບານອາຊຽນ ວ່າດ້ວຍ ສິດທິມະນຸດ ໄດ້ພົບປະກັບ ອົດສະລາລີ, ສະຫະລັດອາເມລິກາ ແລະ ສະຫະພາບເອີລົບ ເພື່ອປຶກສາຫາລືເຖິງ ຄວາມເປັນໄປໄດ້ດ້ານຕ່າງໆເພື່ອການຮ່ວມມືດ້ານສິດທິມະນຸດ ເຊິ່ງ ຕ່າງຝ່າຍຕ່າງໄດ້ຮັບຜົນປະໂຫຍດ ໂດຍຮັບປະກັນຄວາມເປັນເຈົ້າການ ແລະ ແກນກາງຂອງອາຊຽນໃນວາລະສິດທິມະນຸດຂອງອາຊຽນ.

ຄະນະກຳມາທິການ ລະຫວ່າງ ລັດຖະບານອາຊຽນ ວ່າດ້ວຍ ສິດທິມະນຸດ ຍັງໄດ້ພົບປະກັບ ຄະນະຜູ້ແທນ ທີ່ ມາຈາກ ອົງການຂ້າຫຼວງໃຫຍ່ຂອງ ສະຫະປະຊາຊາດ ເພື່ອຊາວອົບພະຍົບ (UNHCR)ທີ່ມີ ຈຸດປະສົງ ມາແຈ້ງ ສະພາບການປະຕິບັດງານຂອງຕົນໃນພາກພື້ນ.

ຄະນະຜູ້ແທນຂອງ ລາວ ທີ່ເຂົ້າຮ່ວມກອງປະຊຸມຄັ້ງນີ້ ແມ່ນນຳພາໂດຍ ທ່ານ ທູດມະໄລວຽງ ສາກົນນິຍົມ, ຜູ້ຕາງໜ້າ ສປປ ລາວ ປະຈຳຄະນະກຳມາທິການ ລະຫວ່າງ ລັດຖະບານອາຊຽນ ວ່າດ້ວຍ ສິດທິມະນຸດ ເຊິ່ງ ໄດ້ປະກອບສ່ວນເຮັດໃຫ້ກອງປະຊຸມຄັ້ງນີ້ ປະສົບຄວາມສຳເລັດເປັນຢ່າງດີ.

ກອງປະຊຸມຄັ້ງຕໍ່ໄປ ຂອງຄະນະກຳມາທິການ ລະຫວ່າງ ລັດຖະບານອາຊຽນ ວ່າດ້ວຍ ສິດທິມະນຸດ ຈະຈັດຂຶ້ນໃນເດືອນ ກໍລະກົດ 2019 ທີ່ ບາງກອກ, ປະເທດໄທ.

a
ແຈ້ງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
191703
ມື້ນີ້74
ມື້ວານ105
ອາທິດນີ້47
ເດືອນນີ້883
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710