ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ທູດລາວ ຍື່ນສານຕາຕັ້ງຕໍ່ ປະທານາທິບໍດີ ບັງກະລາເທດ

2019.8.13-em-yauen-sarn

     ໃນວັນທີ 8 ສິງຫາ 2019, ທີ່ທໍານຽບປະທານາທິບໍດີນະຫຼອນຫຼວງ ດາກາ, ສາທາລະນະລັດ ປະຊາຊົນ ບັງກະລາເທດ, ທ່ານ ບຸນແນມ ຈວງຫອມ ໄດ້ຍື່ນສານຕາຕັ້ງຕໍ່ ພະນະທ່ານ ເມັມ ອັບດູລ ຮາມິດ (M Abdul Hamid),     ປະທານາທິບໍດີ ແຫ່ງ ສາທາລະນະລັດ ປະຊາຊົນ ບັງກະລາເທດ, ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາ ສາທາລະນະລັດ ປະຊາຊົນ ບັງກະລາເທດ ໂດຍມີສໍານັກງານຕັ້ງຢູ່ ນະຄອນຫຼວງນິວເດນລີ, ປະເທດອິນເດຍ.

     ໃນໂອກາດດັ່ງກ່າວ, ທ່ານເອກອັກຄະລັດຖະທູດໄດ້ສະແດງຄວາມຂອບໃຈຢ່າງສູງ ແລະ ຖືເປັນກຽດຢ່າງຍິ່ງທີ່ພະນະທ່ານປະທານາທິບໍດີໄດ້ໃຫ້ກຽດຮັບສານຕາຕັ້ງດັ່ງກ່າວ ແລະ ໄດ້ໃຫ້ຄໍາໝັ້ນສັນຍາວ່າ ໃນໄລຍະເວລາການປະຕິບັດໜ້າທີ່ການທູດຢູ່ບັງກະລາເທດນີ້ ທ່ານຈະພະຍາຍາມເຮັດສຸດຄວາມສາມາດຂອງຕົນ ເພື່ອຊຸກຍູ້ສົ່ງເສີມສາຍພົວພັນ ມິດຕະພາບທີ່ມີມູນເຊື້ອດີງາມ ແລະ ການຮ່ວມມືສອງຝ່າຍໃຫ້ຂະຫຍາຍຕົວຂຶ້ນໄປເລື້ອຍໆ. ພ້ອມນີ້, ທ່ານເອກອັກຄະລັດຖະທູດລາວກໍໄດ້ນໍາເອົາຄໍາອວຍພອນໄຊອັນປະສີດຂອງ ພະນະທ່ານ ບຸນຍັງ ວໍລະຈິດ, ປະທານປະເທດ ແຫ່ງ ສປປ ລາວ ຝາກເຖິງປະທານາທິບໍດີ ເມັມ ອັບດູລ ຮາມິດ (M Abdul Hamid) ຈົ່ງມີພະລານາໄມແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ແລະ ໄດ້ຮັບຜົນສໍາລັດໃນໜ້າທີ່ ແລະ ຝາກເຊື້ອເຊີນພະນະທ່ານປະທານາທິບໍດີບັງກະລາເທດ ມາຢ້ຽມຢາມ ສປປ ລາວ ໃນເວລາທີ່ພະນະທ່ານສະດວກ.  

     ສປປ ລາວ ແລະ ສປ ບັງກະລາເທດ ໄດ້ສ້າງຕັ້ງສາຍພົວພັນການທູດນໍາກັນໃນປີ 1988, ເຖິງວ່າການພົວພັນຮ່ວມມືທາງດ້ານເສດຖະກິດຍັງມີຂອບເຂດຈໍາກັດ, ແຕ່ສອງຝ່າຍກໍໄດ້ມີການແລກປ່ຽນການຢ້ຽມຢາມຊຶ່ງກັນ ແລະ ກັນຂອງຄະນະຜູ້ແທນໃນລະດັບຕ່າງໆຢ່າງເປັນປົກກະຕິ ແລະ ໄດ້ໃຫ້ການສະໜັບສະໜູນເຊິ່ງກັນ ແລະ ກັນໃນເວພາກພື້ນ ແລະ ສາກົນ.

     ສາທາລະນະລັດ ປະຊາຊົນ ບັງກະລາເທດມີເນື້ອທີ່ທັງໝົດ 147,570 ຕາຕະລາງກິໂລແມັດ ແລະ ມີປະຊາກອນທັງໝົດປະມານ 163 ລ້ານຄົນ (ຄາດກະໃນປີ 2019). ບັງກະລາເທດເປັນໜຶ່ງໃນບັນດາປະເທດອາຊີໃຕ້ທີ່ມີປະຊາກອນແໜ້ນໜາທີ່ສຸດໃນໂລກ, ສະເລ່ຍ 1,106 ຄົນຕໍ່ຕາຕະລາງກິໂລແມັດ; ເປັນນຶ່ງໃນບັນດາປະເທດອາຊີໃຕ້ທີ່ມີເສດຖະກິດຂະຫຍາຍຕົວໄວ ໃນລະດັບ 8.8% (2017) ແລະ ລາຍຮັບຕໍ່ຫົວຄົນຕໍ່ປີປະມານ 1,888 USD.ບັງກະລາເທດເປັນສູນກາງທາງດ້ານທຸລະກິດໃນອາຊີໃຕ້ ແລະ ເປັນປະເທດທີ່ມີສູນກາງເສດຖະກິດໃຫຍ່ທີ່ສຸດໃນທິດຕາເວັນອອກຂອງອາຊີໃຕ້ ໂດຍມີການຜະລິດເຄື່ອງນຸ່ງຫົ່ມ ແລະ ແຜນແຜ່ທີ່ໃຫຍ່ໃນອາຊີໃຕ້ ເພື່ອຈໍາໜ່າຍທັງພາຍໃນ ແລະ ຕ່າງປະເທດ ຊຶ່ງເປັນຂະແໜງການທີ່ນໍາລາຍໄດ້ຫຼັກມາສູ່ປະເທດ.

a
ແຈ້ງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
191703
ມື້ນີ້74
ມື້ວານ105
ອາທິດນີ້47
ເດືອນນີ້883
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710