ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ສູນຄົ້ນຄວ້າແມ່ນ້ຳຂອງສາກົນລາວ ຈັດກອງປະຊຸມສໍາມະນາພາກພື້ນ

2019.8.27-bod-khao

ໃນຕອນເຊົ້າຂອງວັນທີ 22 ສິງຫາ 2019, ທີ່ ໂຮງແຮມຈໍາປາສັກແກຣນ, ເມືອງປາກເຊ, ນະຄອນຈໍາປາສັກ, ສະຖາບັນການຕ່າງປະເທດ ຂອງກະຊວງການຕ່າງປະເທດ ໃນນາມສູນຄົ້ນຄວ້າແມ່ນໍ້າຂອງສາກົນລາວ (The Global Center for Mekong Studies/ GCMS-Laos)ໄດ້ຈັດກອງປະຊຸມສໍາມະນາພາກພື້ນ ພາຍໃຕ້ຫົວຂໍ້: “ການສ້າງແລວພັດທະນາເສດຖະກິດແມ່ນໍ້າຂອງ-ແມ່ນໍ້າລ້ານຊ້າງ: ກາລະໂອກາດ ແລະ ສິ່ງທ້າທາຍ (Building Mekong-Lancang Economic Development Belt: Prospects and Challenges)” ພາຍໃຕ້ໂຄງການຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ (Mekong-Lancang Cooperation/MLC). ກອງປະຊຸມຄັ້ງນີ້, ເປັນປະທານໂດຍ ທ່ານທູດ ຄໍາສວຍ ແກ້ວດາລາວົງ, ຫົວໜ້າສະຖາບັນການຕ່າງປະເທດ ທັງເປັນຫົວໜ້າສູນ GCMS ຂອງລາວ, ມີຜູ້ເຂົ້າຮ່ວມຈາກສູນ GCMS ຂອງ 6 ປະເທດສະມາຊິກ (ຈີນ, ລາວ, ຫວຽດນາມ, ມຽນມາ, ໄທ ແລະ ກໍາປູເຈຍ), ກອງເລຂາ MLC ລາວ ແລະ ຈີນ. ນອກຈາກນີ້ ຍັງມີຜູ້ຕາງໜ້າຈາກສະຖາບັນທັງພາຍໃນ ແລະ ພາກພື້ນ ເຊັ່ນ: ສະຖາບັນແມ່ນໍ້າຂອງ (Mekong Institute), ມະຫາວິທະຍາໄລຢູນນານ, ທະນາຄານພັດທະນາອາຊີ (ADB)ປະຈໍາລາວ, ແລະ ຈາກສະຖາບັນຄົ້ນຄວ້າຕ່າງໆຂອງລາວ (ສະຖາບັນຄົ້ນຄວ້າເສດຖະກິດແຫ່ງຊາດ; ສະຖາບັນຄົ້ນຄວ້າ, ອຸດສາຫະກຳ ແລະ ການຄ້າ; ແລະ ມະຫາວິທະຍາໄລແຫ່ງຊາດ) ລວມຜູ້ເຂົ້າຮ່ວມທັງໝົດ 30 ທ່ານ.

ໃຫ້ກຽດເຂົ້າຮ່ວມ ແລະ ມີຄຳເຫັນໃນພິທີເປີດກອງປະຊຸມສຳມະນາໃນຄັ້ງນີ້ ໂດຍທ່ານ ສົມສະໜິດ ບຸດຕິວົງ, ຮອງເຈົ້າແຂວງ, ແຂວງຈໍາປາສັກ. ເຊິ່ງທ່ານ ໄດ້ສະແດງຄວາມຊົມເຊີຍ ຕໍ່ການຈັດຕັ້ງປະຕິບັດໂຄງການໃນຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ (MLC) ໂດຍສະເພາະພາຍໃຕ້ການດໍາເນີນງານຂອງສູນ GCMS, ການຄົ້ນຄ້ວາຮ່ວມ ທັງໃນລະດັບປະເທດ ກໍຄືລະດັບພາກພື້ນ ທີ່ມີລັກສະນະພົ້ນເດັ່ນ ເປັນປະໂຫຍດຕໍ່ການວາງນະໂຍບາຍຕ່າງໆທີ່ກ່ຽວຂ້ອງຂອງບັນດາປະເທດຕາມລໍາແມ່ນໍ້າຂອງ. ສູນ GCMSຂອງບັນດາປະເທດຕ່າງໆ ໄດ້ກາຍເປັນກົນໄກອັນໜຶ່ງທີ່ສຳຄັນ ໃນການສຶກສາຄົ້ນຄວ້ານະໂຍບາຍຕ່າງໆຮ່ວມກັນ ກໍຄືມີການແລກປ່ຽນຂໍ້ມູນຂ່າວສານເຊິ່ງກັນ ແລະ ກັນຫຼາຍຂຶ້ນ. ພ້ອມດຽວກັນນີ້, ກໍໄດ້ເນັ້ນໜັກໃຫ້ບັນດາສູນ GCMS ຂອງແຕ່ລະປະເທດສະມາຊິກຈົ່ງສືບຕໍ່ສ້າງສັນຜົນງານທີ່ມີຄຸນນະພາບ ນັບມື້ນັບຫຼາຍຂຶ້ນ ບົນພື້ນຖານຮັດແໜ້ນການປະສານງານກັນຢ່າງຕໍ່ເນື່ອງລຽນຕິດ.

    ກອງປະຊຸມດັ່ງກ່າວ ໄດ້ດຳເນີນໄປເປັນເວລາ 01 ມື້ເຕັມ ພາຍໃຕ້ການປຶກສາຫາລືໃນ 03 ຫົວຂໍ້ທີ່ສຳຄັນຂອງການສ້າງແລວພັດທະນາເສດຖະກິດແມ່ນໍ້າຂອງ-ແມ່ນໍ້າລ້ານຊ້າງ ຄື: ໜຶ່ງ, ຄວາມຄືບໜ້າ ແລະ ສິ່ງທ້າທາຍຂອງການພັດທະນາພື້ນຖານໂຄງລ່າງເພື່ອການເຊື່ອມຈອດໃນອະນຸພາກພື້ນແມ່ນໍ້າຂອງ; ສອງ, ການປະເມີນຄວາມອາດສາມາດໃນການຜະລິດເປັນສິນຄ້າ ທີ່ເນັ້ນໜັກໃສ່ທຸລະກິດການກະເສດ ໃນອະນຸພາກພື້ນແມ່ນໍ້າຂອງ; ແລະ ສາມ, ການລົງທຶນ ແລະ ການຄ້າຕາມຊາຍແດນ: ຜົນກະທົບຕໍ່ເສດຖະກິດທ້ອງຖິ່ນ ແລະ ອະນຸພາກພື້ນ, ພ້ອມດ້ວຍສິ່ງທ້າທາຍ ແລະອຸປະສັກຕ່າງໆ. ເຊິ່ງຜົນຂອງກອງປະຊຸມປຶກສາຫາລື ເຊິ່ງລວມມີ ຜົນການຄົ້ນຄວ້າທີ່ມີທັງກາລະໂອກາດ ແລະ ສິ່ງທ້າທາຍ ຈະໄດ້ນໍາສະເໜີກອງເລຂາແຫ່ງຊາດຂອງຝ່າຍລາວ ແລະ ອານຸພາກພື້ນ ເພື່ອພິຈາລະນານໍາໄປຈັດຕັ້ງປະຕິບັດໄດ້ຢ່າງແທດເໝາະກັບຕົວຈິງ ແລະ ເພື່ອຜົນປະໂຫຍດຂອງພາກພື້​ນໃຫ້ມີການພັດທະນາຢ່າງຢືນຍົງ ແລະ ສີວິໄລ.

   ນອກຈາກເຂົ້າຮ່ວມກອງປະຊຸມແລ້ວ, ໃນວັນທີ 23 ສິງຫາ 2019, ຄະນະຜູ້ແທນ ຍັງໄດ້ໄປທັດສະນະຢ້ຽມຢາມສະຖານທີ່ທາງປະຫວັດສາດ ແລະ ທຳມະຊາດຂອງແຂວງຈຳປາສັກເຊັ່ນ: ‘ວັດພູຈຳປາສັກ’ ເຊິ່ງເປັນມໍລະດົກໂລກ ແລະ ‘ນໍ້າຕົກຕາດຄອນພະເພັງ’ ທີ່ຖືກຂະໜານນາມວ່າ ເປັນນໍ້າຕົກແອງກາລາແຫ່ງອາຊີ.

a
ແຈ້ງການ

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19 ວັນທີ 01 ມິຖຸນາ 2020

*ສືບຕໍ່ປະຕິບັດບັນດາມາດຕະການຜ້ອນຜັນ, ມາດຕະການໃນການປ້ອງກັນ, ຄວບຄຸມ, ສະກັດກັ້ນ ແລະ ແກ້ໄຂການລະບາດ ຂອງພະຍາດ COVID-19 ໃນໄລຍະແຕ່ວວັນທີ 02-30 ມິຖຸນາ 2020

*ຖະແຫຼງການຂອງກະຊວງການຕ່າງປະເທດ ແຫ່ງ ສປປ ລາວ ກ່ຽວກັບ ຮ່າງກົດໝາຍ ວ່າດ້ວຍ ການສ້າງ ແລະ ປັບປຸງລະບຽບກົດໝາຍ ແລະ ກົນໄກປະຕິບັດກົດໝາຍຕ່າງໆ ຂອງເຂດປົກຄອງພິເສດຮົງກົງ ເພື່ອຮັກສາຄວາມໝັ້ນຄົງແຫ່ງຊາດ.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19

ຄຳແນະນຳສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການ, ຄວບຄຸມ ແລະ ແກ້ໄຂການລະບາດຂອງພະຍາດ ໂຄວິດ-19 (COVID-19)

* ປະກາດໂຄສະນາ ກ່ຽວກັບ ການຄັດເລືອກບຸກຄົນ ຫຼື ອົການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020

* ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ

* ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19 ຂອງ ສປປ ລາວ ໃນປະຈຸບັນ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການໂຈະຊົ່ວຄາວການຮັບຄໍາຮ້ອງຂໍໜັງສືຜ່ານແດນທໍາມະດາ

* ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດໄວຣັດ Covid-19

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
211979
ມື້ນີ້38
ມື້ວານ102
ອາທິດນີ້430
ເດືອນນີ້465
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710