ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມລັດພາຄີສົນທິສັນຍາ ເກືອດຫ້າມລະເບີດລູກຫວ່ານ ຄັ້ງທີ 9

9MSPCCM

 

ໃນໄລຍະກອງປະຊຸມ ຄັ້ງທີ 9 ຂອງລັດພາຄີຕໍ່ສົນທິສັນຍາເກືອດຫ້າມລະເບີດລູກຫວ່ານຈັດຂຶ້ນ, ແຕ່ວັນທີ 02-04 ກັນຍາ 2019, ທີ່ ນະຄອນເຊີແນວ, ໄດ້ມີການພິຈາລະນາການຂໍອະນຸມັດຕໍ່ໄລຍະເວລາ ການຈັດຕັ້ງປະຕິບັດມາດຕາ 3 ແລະ 4 ວ່າດ້ວຍພັນທະໃນການເກັບກູ້ລະເບີດທີ່ຕົກຄ້າງຈາກປາງສົງຄາມ ສຳລັບບັນດາປະເທດທີ່ບໍ່ສາມາດທໍາລາຍຄັງລະເບີດ ດັ່ງກ່າວ ແລະ ເກັບກູ້ລະເບີດບໍ່ທັນແຕກຕົກຄ້າງ ໃຫ້ຫມົດໄດ້ ພາຍໃນປີ 2020 ຕາມພັນທະທີ່ລະບຸໄວ້ໃນສອງມາດຕາດັ່ງກ່າວຂອງສົນທິສັນຍາ ອອກໄປຕື່ມອີກ 05 ປີ (2020-2025) ເຊິ່ງໃນນີ້ມີ 03 ປະເທດ ທີ່ໄດ້ສະເໜີຂໍຕໍ່ເວລາການທຳລາຍຄັງລະເບີດ ແລະ ເກັບກູ້ ຄື: ບູນກາລີ, ເຢຍລະມັນ ແລະ ສປປ ລາວ. ສໍາລັບກໍລະນີຂອງ ສປປ ລາວ ເຫດຜົນຂອງການຂໍຕໍ່ໄລຍະເວລາການເກັບກູ້ພາຍໃຕ້ມາດຕາ 4 ໃນຄັ້ງນີ້ ກໍແມ່ນຍ້ອນ ສປປ ລາວ ເປັນຫນຶ່ງໃນບັນດາປະເທດທີ່ມີລະເບີດບໍ່ທັນແຕກຕົກຄ້າງຫລາຍກວ່າຫມູ່ໃນໂລກ ເຊິ່ງກວມເອົາເຖິງ 1 ສ່ວນ 3 ຂອງເນື້ອທີ່ທັງຫມົດຂອງປະເທດ ແລະ ມີຈຳນວນຕົກຄ້າງຫລາຍເກີນກວ່າຄວາມສາມາດດ້ານທຶນຮອນ ແລະ ເຕັກໂນໂລຊີ ເພື່ອສາມາດເກັບກູ້ລະເບີດທີ່ມີຢູ່ໃນປະຈຸບັນ ໃຫ້ຫມົດໄດ້ພາຍໃນ 5 ປີ.

ສະນັ້ນ ລັດຖະບານ ສປປ ລາວ ຈຶ່ງໄດ້ຄົ້ນຄວ້າພິຈາລະນາ ແລະ ຍື່ນເອກະສານຂໍຕໍ່ເວລາ ໃຫ້ກອງເລຂາຂອງສົນທິສັນຍາດັ່ງກ່າວ ໃນວັນທີ 23 ມັງກອນ 2019 ທີ່ນະຄອນເຊີແນວ ເພື່ອໃຫ້ສາກົນ ໂດຍສະເພາະບັນດາປະເທດພາຄີຂອງສົນທິສັນຍາດັ່ງກ່າວ ພິຈາລະນາຕັດສິນ ແລະ ຮັບຮອງເອົາ ຢູ່ໃນກອງປະຊຸມລັດພາຄີຄັ້ງທີ 9 ຜ່ານມານີ້. ສໍາລັບຂັ້ນຕອນໃນການຂໍຕໍ່ໄລຍະເວລາການເກັບກູ້ ແມ່ນຕ້ອງໄດ້ດຳເນີນການກະກຽມກ່ອນລ່ວງຫນ້າທີ່ວາລະ 5 ປີ ຄັ້ງປະຈຸບັນ ຈະຫມົດລົງ (2015-2020) ແລະ ຍ້ອນສາກົນຮັບຮູ້ຈະແຈ້ງວ່າ ສປປ ລາວ ຍັງຈະບໍ່ສາມາດເກັບກູ້ ແລະ ທຳລາຍລະເບີດທີ່ຕົກຄ້າງ ໃນດິນແດນຕົນເອງໃຫ້ຫມົດໄປໄດ້ ພາຍໃນກຳນົດເວລາ 05 ປີ ອີງຕາມພັນທະໃນສົນທິສັນຍາລະເບີດລູກຫວ່ານ ເນື່ອງຈາກຍັງສືບຕໍ່ປະສົບກັບຄວາມຫຍຸ້ງຍາກໃນຫລາຍດ້ານ ພວກກັບ ລະເບີດບໍ່ທັນແຕກຕົກຄ້າງມີຈຳນວນຫລວງຫລາຍ ດັ່ງນັ້ນ, ຄະນະຜູ້ປະສານງານ ແລະ ຄົ້ນຄວ້າພິຈາລະນາເອກະສານຄຳຮ້ອງຂໍພາຍໃຕ້ສົນທິສັນຍາ ຈຶ່ງໄດ້ຕົກລົງເຫັນດີ ແລະ ອະນຸມັດໃຫ້ ສປປ ລາວ ສາມາດຕໍ່ໄລຍະເວລາການເກັບກູ້ອອກໄປຕື່ມອີກ 5 ປີ (2020-2025), ອີງຕາມລະບຽບຫລັກການຂອງສົນທິສັນຍາສາກົນດັ່ງກ່າວ ໂດຍ ສປປ ລາວ ຈະຕ້ອງສືບຕໍ່ລາຍງານຄວາມຄືບໜ້າຂອງການສຳຫລວດ ແລະ ເກັບກູ້ ລະເບີດບໍ່ທັນແຕກ ຢ່າງເປັນປະຈຳ ໂດຍຜ່ານການສ້າງແຜນປະຕິບັດງານທີ່ມີລາຍລະອຽດເພີ້ມເຕີມ ໂດຍອີງຕາມການແນະນຳຂອງຄະນະຜູ້ປະສານງານຂອງສົນທິສັນຍານີ້. ນອກຈາກນີ້, ກອງປະຊຸມຍັງໄດ້ສະ       ເໜີໃຫ້ ສປປ ລາວ ສ້າງຕັ້ງກົນໄກການຮ່ວມມື ແລະ ປະສານງານ ແບບມີສ່ວນຮ່ວມຂອງທຸກພາກສ່ວນທີ່ກ່ຽວຂ້ອງ (Country Coalition) ເພື່ອຊ່ວຍໃຫ້ແຜນຍຸດທະສາດແຫ່ງຊາດ ວ່າດ້ວຍການເກັບກູ້ລະເບີດບໍ່ທັນແຕກຕົກຄ້າງ ຂອງ ສປປ ລາວ ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ, ມີການປະສານງານແບບກົມກຽວລວມສູນ, ມີສ່ວນຮ່ວມຈາກທຸກພາກສ່ວນ, ສາມາດກຳນົດບູລິມະສິດໄດ້ຢ່າງຈະແຈ້ງ ແລະ ພາຍໃຕ້ການເປັນເຈົ້າການນໍາພາຂອງລັດຖະບານ ໃນຂະບວນການສ້າງແຜນບູລິມະສິດ ແລະ ການນໍາໃຊ້ທຶນຮອນຢ່າງມີປະສິດທິຜົນ.

 

ຄະນະຜູ້ແທນຈາກ ສປປ ລາວ ນຳໂດຍທ່ານ ຫົວໜ້າກົມອົງການຈັດຕັ້ງສາກົນ, ກະຊວງການຕ່າງປະເທດ; ຫົວໜ້າຫ້ອງການຄະນະກຳມາທິການແຫ່ງຊາດເພື່ອແກ້ໄຂລະເບີດບໍ່ທັນແຕກຕົກຄ້າງ; ຫົວໜ້າໂຄງການເກັບກູ້ລະເບີດແຫ່ງຊາດ ແລະ ສຳນັກງານຜູ້ຕາງໜ້າຖາວອນແຫ່ງ ສປປ ລາວ ປະຈຳຫ້ອງການອົງການ ສປຊ ແລະ ອົງການຈັດຕັ້ງສົນອື່ນໆ ທີ່ ເຊີແນວ ໄດ້ພັດປ່ຽນກັນຂຶ້ນກ່າວຊີ້ແຈງກ່ຽວກັບສະພາບຄວາມເປັນຈິງ, ນະໂຍບາຍ ແລະ ແຜນບູລິມະສິດຂອງລັດຖະບານ ກໍຄືບັນດາສິ່ງທ້າທາຍຕ່າງໆທີ່ ສປປລາວ ຕ້ອງສືບຕໍ່ແກ້ໄຂ ບົນພື້ນຖານຂໍ້ແນະນຳ ຂອງຜູ້ປະສານງານຂອງສົນທິສັນຍາ ເພື່ອນໍາມາຜັນຂະຫຍາຍໃຫ້ ສປປລາວ ສາມາດປະຕິບັດພັນທະຂອງຕົນພາຍໃຕ້ສົນທິສັນຍາເກືອດຫ້າມລະເບີດລູກຫວ່ານຢ່າງເຕັມສ່ວນ ເຊິ່ງໄດ້ຮັບການສະຫນັບສະຫນູນຢ່າງເຕັມສ່ວນ ຈາກບັນດາ 106 ປະເທດລັດພາຄີ. ນອກຈາກການເຂົ້າຮ່ວມ ແລະ ປະກອບຄໍາເຫັນໃນພາກຕ່າງໆຂອງກອງປະຊຸມລັດພາຄີແລ້ວ ຄະນະຜູ້ແທນ ສປປ ລາວ ຍັງໄດ້ຮ່ວມປຶກສາຫາລືພົບປະແບບບໍ່ເປັນທາງການ ກັບຜູ້ປະສານງານດ້ານການຮ່ວມມື ແລະ ໃຫ້ ການຊ່ວຍເຫລືອ (ປະເທດ ເປຣູ ແລະ ໂຮນລັງ ສຳລັບປີ 2019) ທີ່ໄດ້ເຊື້ອເຊີນບັນດາປະເທດ ແລະ ອົງການທີ່ມີປະສົບການໃນການຮ່ວມມືຈັດຕັ້ງປະຕິບັດກົນໄກການຮ່ວມມື ແລະ ປະສານງານຂອງທຸກພາກສ່ວນທີ່ກ່ຽວຂ້ອງ (Country Coalition) ເປັນຕົ້ນແມ່ນ: ເຢຍລະມັນ, ນອກແວ, ລີບັງ, ມົງເຕເນໂກຣ, ສີລັງກາ, ໂກຣອາຊີ, ອົງການ Norwegian People’s Aid (NPA), ອົງການ Geneva International Centre for Humanitarian Demining (GICHD) ແລະ ອົງການ Cluster Munitions Coalition (CMC) ເພື່ອແລກປ່ຽນບົດຮຽນ ແລະ ທໍາຄວາມເຂົ້າໃຈຢ່າງເລິກເຊິ່ງ ຕໍ່ກັບການສ້າງກົນໄກດັ່ງກ່າວຢູ່ພາຍໃນປະເທດ ໂດຍອີງຕາມສະພາບການຕົວຈິງຂອງ ສປປ ລາວ.

 

ສົນທິສັນຍາສາກົນວ່າດ້ວຍການເກືອດຫ້າມລະເບີດລູກຫວ່ານໄດ້ຖືກສ້າງຕັ້ງຂຶ້ນໃນປີ 2008 ມີເປົ້າຫມາຍເພື່ອຍຸດຕິການຜະລິດ ແລະ ນໍາໃຊ້ອາວຸດທີ່ໄຮ້ມະນຸດສະທຳດັ່ງກ່າວ ແລະ ມີຜົນບັງຄັບໃຊ້ໃນປີ 2010. ສປປ ລາວ ເປັນປະເທດທີ່ລົງນາມເປັນປະເທດທີສອງ ທັດຈາກປະເທດນອກແວ ເຈົ້າພາບ ແລະ ໄດ້ມີສ່ວນຮ່ວມຢ່າງຕັ້ງຫນ້າໃນການຈັດຕັ້ງປະຕິບັດສົນທິສັນຍາສາກົນດັ່ງກ່າວ. ໃນຖານະເປັນປະເທດທີ່ໄດ້ຮັບຜົນກະທົບຫລາຍກວ່າຫມູ່, ສປປ ລາວ ຍັງໄດ້ຮັບກຽດແລະໄວ້ເນື້ອເຊື່ອໃຈຈາກວົງຄະນາຍາດສາກົນ ໃຫ້ເປັນເຈົ້າພາບຈັດກອງປະຊຸມລັດພາຄີ ຄັ້ງທຳອິດ ຂອງສົນທິສັນຍາເກືອດຫ້າມລະເບີດລູກຫວ່ານ ໃນປີ 2010 ຢ່າງມີຜົນສໍາເລັດສູງ ເຊິ່ງໃນກອງປະຊຸມໃນຄັ້ງນັ້ນ ໄດ້ມີການຮັບຮອງເອົາເອກະສານພື້ນຖານສະຫລາຍສະບັບ ຂອງສົນທິສັນຍາ ເປັນຕົ້ນແມ່ນ ຖະແຫລງການວຽງຈັນ (Vientiane Declaration) ແລະ ແຜນປະຕິບັດງານວຽງຈັນ (Vientiane Action Plan) 2010-2015. ມາຮອດປະຈຸບັນ ສົນທິສັນຍາສະບັບດັ່ງກ່າວມີປະເທດທີ່ເປັນພາຄີແລ້ວທັງຫມົດ 106 ປະເທດ ແລະ ອີກ 14 ປະເທດທີ່ລົງນາມແລ້ວ ແຕ່ຍັງບໍ່ທັນໄດ້ໃຫ້ສັດຕະຍາບັນ.

a
ແຈ້ງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
190739
ມື້ນີ້27
ມື້ວານ99
ອາທິດນີ້143
ເດືອນນີ້143
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710