ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ທູດລາວ ປະຈໍາ ສສ ຫວຽດນາມ ອວຍພອນປີໃໝ່ ຄະນະພົວພັນຕ່າງປະເທດສູນກາງພັກກອມມູນິດຫວຽດນາມ ແລະ ກະຊວງການຕ່າງປະເທດຫວຽດນາມ

20200117-LaoAmToVietnam1

ທ່ານ ເອກອັກຄະລັດຖະທູດ ແສງເພັດ ຮຸ່ງບຸນຍວງ ພ້ອມດ້ວຍຄະນະ

ອວຍພອນປີໃໝ່ ທ່ານ ຫງວຽນຮູຍດັງ ຮອງຫົວໜ້າະນະນຳຄະນະພົວພັນຕ່າງປະເທດສູນກາງພັກຄອມມູນິດຫວຽດນາມ

 

20200117-LaoAmToVietnam2

ທ່ານ ເອກອັກຄະລັດຖະທູດ ແສງເພັດ ຮຸ່ງບຸນຍວງ ພ້ອມດ້ວຍຄະນະ

ອວຍພອນປີໃໝ່ ທ່ານ ຫງວຽນມິງວູ່ ຮອງລັດຖະມົນຕີກະຊວງການຕ່າງປະເທດຫວຽດນາມ

 

ໃນວັນທີ 17 ມັງກອນ 2020, ທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ສປປ ລາວ ພ້ອມຄະນະໄດ້ໄປອວຍພອນປີໃໝ່ຄະນະນຳຄະນະພົວພັນຕ່າງປະເທດສູນກາງພັກຄອມມູນິດຫວຽດນາມ ເນື່ອງໃນໂອກາດປີໃໝ່ຫວຽດນາມ, ໃນໂອກາດດັ່ງກ່າວ ທ່ານ ແສງເພັດ ຮຸ່ງບຸນຍວງ ມີຄຳອວຍພອນອັນປະເສີດມາຍັງຄະນະນຳແລະ ພະນັກງານຄະນະພົວພັນຕ່າງປະເທດສູນກາງພັກ​​ໄດ້ຕາງໜ້າ ​​ພັກ-ລັດ ຝາກຄຳອວຍພອນຜ່ານຄະນະນຳຄະນະພົວພັນຕ່າງປະເທດສູນກາງພັກຄອມມູນິດຫວຽດນາມໄປຍັງການນຳຂັ້ນສູງພັກລັດຫວຽດນາມເນື່ອງໃນໂອກາດປີໃໝ່ ຈົ່ງມີສຸຂະພາບແຂງແຮງແລະປະສົບຜົນສຳເລັດອັນຍິ່ງໃຫຍ່ທີ່ພັກ, ລັດປະຊາຊົນມອບໝາຍໃຫ້​, ພ້ອມທັງກ່າວຕື່ມວ່າ: ໃນປີ 2019 ຜ່ານມາຫວຽດນາມຍາດໄດ້ຜົນສຳເລັດອັນຍິ່ງໃຫຍ່ຮອບດ້ານແລະເລິກເຊີ່ງ ສສ ຫວຽດນາມ ສືບຕໍ່ມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນ ໄດ້ຮັບການປັບປຸງດີຂຶ້ນເປັນກ້າວໆບົດບາດແລະ ອິດທິພົນຂອງ ສສ ຫວຽດນາມໄດ້ເຊີດຊູສູງເດັ່ນຂຶ້ນໃນເວທີພາກພື້ນແລະ ສາກົນ.    

 

ທ່ານ ຫງວຽນຮູຍດັງ ຮອງຫົວໜ້າຄະນະພົວພັນຕ່າງປະເທດສູນກາງພັກ ໄດ້ສະແດງຄວາມຂອບໃຈຕໍ່ ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ສປປ ລາວ ທີ່ມາອວຍພອນ, ທັງຕີລາຄາສູງຜົນສຳເລັດຂອງຫວຽດນາມໃນປີຜ່ານມາ. ສະເພາະປີ 2020 ນີ້ ຫວຽດນາມຈະມີຫຼາຍເຫດການສຳຄັນ: ວັນເກີດປະທານໂຮ່ຈີ່ມິນຄົບຮອບ 130 ປີ, ວັນສ້າງຕັ້ງພັກຄອມມູນິດຫວຽດນາມຄົບຮອບ 90 ປີ, ວັນສ້າງຕັ້ງສສ.ຫວຽດນາມຄົບຮອບ 75 ປີ; ສຳລັບວຽກງານຕ່າງປະເທດກໍ່ຈະໄດ້ເປັນປະທານອາຊຽນ, ປະທານ AIPA 41 (ໄອປາ) ໃນການເປັນສະມາຊິກບໍ່ຖາວອນຂອງສະພາຄວາມໝັ້ນຄົງຂອງສະຫະປະຊາຊາດ. ນອກນັ້ນກໍ່ແມ່ນການກະກຽມໃຫ້ແກ່ກອງປະຊຸມໃຫຍ່ຄັ້ງທີ 13 ຂອງພັກ.   ດັ່ງນັ້ນ ຈຶ່ງມີຄວາມຫວັງວ່າ ສອງຝ່າຍພວກເຮົາຄວນຈະສືບຕໍ່ມູນເຊື້ອການພົວພັນຮ່ວມມືຢ່າງແໜ້ນແຟ້ນ ເພື່ອພ້ອມກັນປະຕິບັດໃຫ້ສຳເລັດ​​ໃນທຸກວຽກງານ ພິເສດແມ່ນການປະຕິບັດຂໍ້ຕົກລົງຂອງການຳຂັ້ນສູງຂອງສອງປະເທດໃຫ້ມີປະສິດທິຜົນສູງ.

 

ໃນວັນດຽວກັນ, ທີ່ ກະຊວງການຕ່າງປະເທດ ຫວຽດນາມ, ທ່ານ ເອກອັກຄະລັດຖະທູດ ແສງເພັດ ຮຸ່ງບຸນຍວງ ພ້ອມດ້ວຍຄະນະນຳ ກໍ່ໄດ້ໄປອວຍພອນປີໃໝ່ຄະນະນຳກະຊວງການຕ່າງປະເທດ.

ໂອກາດນີ້, ທ່ານ ເອກອັກຄະລັດຖະທູດ ແສງເພັດ ຮຸ່ງບຸນຍວງ ໄດ້ຕີລາຄາສູງຕໍ່ ການຂະຫຍາຍຕົວທາງດ້ານເສດຖະກິດຂອງຫວຽດນາມໃນໄລຍະຜ່ານມາ, ​ເນື່ອງໃນໂອກາດບູນປີໃໝ່ຫວຽດນາມ (​ເຕັດຫວຽດນາ) ປີນີ້ເຊີ່ງເປັນປີທີ່ມີຄວາມໝາຍອັນສຳຄັນທາງປະຫວັດສາດຫວຽດນາມເປັນປະທານອາຊຽນ ເປັນສະມາຊິກບໍ່ຖາວອນສະພາຄວາມໝັ້້ນຄົງ ແຫ່ງສະຫະປະຊາດ ສະຖານທູດ ກໍ່ຄື ສປປ ລາວ ຂໍສະແດງຄວາມຊົມເຊີຍ ແລະ ຫວັງຢ່າງຍິ່ງວ່າ ສສ ຫວຽດນາມ ຈະປະສົບຜົນສຳເລັດຢ່າງຈົບງາມ​.

 

ຕາງໜ້າ​​ພັກ - ລັດ, ​ເນື່ອງໃນໂອກາດປີໃໝ່ຫວຽດນາມຂໍອວຍພອນໃຫ້ການນຳພັກລັດກໍ່ຄືກະຊວງການຕ່າງປະເທດພ້ອມພະນັກງານທຸກຖ້ວນໜ້າຈົ່ງມີສຸຂະພາບເຂັ້ມແຂງສືບຕໍ່ພາລະກິດອັນສູງສົງຂອງຕົນແລະ ປະສົບຜົນສຳເລັດອັນຍິ່ງໃຫຍ່ທີ່ພັກແລະ ລັດຖະບານໄດ້ມອບໝາຍໃຫ້, ອວຍພອນໃຫ້ສາຍພົວພັນທີ່ຍິ່ງໃຫຍ່ຄວາມສາມັກຄີພິເສດແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ - ຫວຽດນາມ ໃຫ້ນັບມື້ແຕກດອກອອກຜົນຈະເລີນຫງອກງາມຂື້ນເລື້ອຍໆ.

 

ທ່ານ ຫງວຽນມິງວູ່ ຮອງລັດຖະມົນຕີກະຊວງການຕ່າງປະເທດ ໄດ້ສະແດງຄວາມຂອບອົກຂອບໃຈມາຍັງ ທ່ານ ເອກອັກຄະລັດຖະທູດ ແສງເພັດ ຮຸ່ງບຸນຍວງ ແລະ ການນຳສະຖານທູດໄດ້ມາອວຍພອນເນື່ອງໃນໂອກາດປີໃໝ່ຫວຽດນາມ ທ່ານຍັງໄດ້ເນັ້ນຕື່ມວ່າ ປີ 2020 ຫວຽດນາມ ຈະມີຫຼາຍເຫດການທີ່ສຳຄັນທີ່ສອງຝ່າຍ ຈະຕ້ອງໄດ້ປະສານສົມທົບກັນຢ່າງແໜ້ນແຟ້ນ ເພື່ອກະກຽມໃຫ້ແກ່ການນຳຂັ້ນສູງມາເຄື່ອນໄຫວຢູ່ຫວຽດນາມ ໃນໄລຍະຫວຽດນາມເປັນປະທານ ອາຊຽນ ແລະ ເປັນສະມາຊິກບໍ່ຖາວອນຂອງສະພາຄວາມໝັ້ນຄົງ ຂອງສະຫະປະຊາຊາດປີ 2020-2021

a
ແຈ້ງການ

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍມູນໃໝ່ ກ່ຽວກັບ ດ່ານສາກນໃນຂອບເຂດທົ່ວປະເທດລາວ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ການເລືອກຕັ້ງ ທີ່ ໄຕ້ຫວັນ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
195818
ມື້ນີ້67
ມື້ວານ98
ອາທິດນີ້138
ເດືອນນີ້2392
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710