ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ລັດຖະມົນຕີຕ່າງປະເທດ ແຫ່ງ ຣາຊະອານາຈັກ ຊາອຸດິ ອາຣັບບີ ຢ້ຽມຢາມເຮັດວຽກຢູ່ ສປປ ລາວ

          

         

  

      

ໂດຍຕອບສະໜອງຕາມຄໍາເຊີນຂອງ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ສົມເດັດ ເຈົ້າຊາຍ ຟາຍຊໍ ບິນ ຟາຮັນ ອານ ຊາອຸດ (His Highness Prince Faisal Bin Farhan Al Saud), ລັດຖະມົນຕີກະຊວງການຕ່າງປະເທດ ແຫ່ງ ຣາຊະອານາຈັກ ຊາອຸດິ ອາຣັບບີ ພ້ອມດ້ວຍຄະນະ ໄດ້ເດີນທາງມາຢ້ຽມຢາມເຮັດວຽກຢູ່ ສປປ ລາວ ໃນວັນທີ 18 ມີນາ 2022 ເພື່ອສືບຕໍ່ສົ່ງເສີມສາຍພົວພັນມິດຕະພາບ ແລະ ການຮ່ວມມືອັນດີ ລະຫວ່າງ ສອງປະເທດ.

 

           

          

  

ໃນໂອກາດການຢ້ຽມຢາມຄັ້ງນີ້, ສົມເດັດ ເຈົ້າຊາຍ ຟາຍຊໍ ບິນ ຟາຮັນ ອານ ຊາອຸດ ໄດ້ພົບປະສອງຝ່າຍກັບ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ເຊິ່ງທັງສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບ ແລະ ການຮ່ວມມືອັນດີນຳກັນ ທັງໃນຂອບສອງຝ່າຍ ແລະ ຫຼາຍຝ່າຍ ພາຍຫລັງທີ່ສອງປະເທດ ໄດ້ມີການສ້າງຕັ້ງສາຍພົວພັນການທູດນຳກັນ ແຕ່ວັນທີ 29 ພຶດສະພາ 1990 (ຄົບຮອບ 32 ປີ) ຈົນເຖິງປະຈຸບັນ. ພ້ອມນີ້, ສອງຝ່າຍ ໄດ້ມີການແລກປ່ຽນ ແລະ ປຶກສາຫາລື ກ່ຽວກັບການຮ່ວມມືສອງຝ່າຍທີ່ຜ່ານມາ ລວມເຖິງແຜນການຮ່ວມມືໃນຕໍ່ໜ້າຂອງສອງປະເທດ ໃຫ້ມີປະສິດທິຜົນສູງຂຶ້ນ ເປັນຕົ້ນແມ່ນ ການຊຸກຍູ້ການພົວພັນຮ່ວມມືທາງດ້ານການຄ້າ, ການລົງທຶນ, ການຂຸດຄົ້ນບໍ່ແຮ່, ອຸດສາຫະກຳພະລັງງານ, ກະສິກຳ, ແຮງງານ, ວັດທະນະທຳ, ການທ່ອງ ທ່ຽວ ແລະ ການສຶກສາ. ນອກຈາກນີ້, ສອງຝ່າຍ ຍັງໄດ້ລາຍງານໃຫ້ກັນຊາບ ກ່ຽວກັບ ສະພາບການພັດທະນາເສດຖະກິດ-ສັງຄົມ ແລະ ແລກປ່ຽນຄໍາຄິດຄໍາເຫັນ ກ່ຽວກັບ ສະພາບການພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ.

            

ໃນການພົບປະດັ່ງກ່າວ, ຝ່າຍລາວ ຍັງໄດ້ສະເໜີໃຫ້ລັດຖະບານ ຊາອຸດິ ອາຣັບບີ ຊ່ວຍພິຈາລະນາໃຫ້ການຊ່ວຍເຫຼືອພັດທະນາດ້ານຊັບພະຍາກອນມະນຸດ ໃຫ້ແກ່ ສປປ ລາວ ເປັນຕົ້ນແມ່ນ ການໃຫ້ທຶນຝຶກອົບຮົມພາສາອັງກິດ ແລະ ພາສາອາຣັບ ທັງໄລຍະສັ້ນ ແລະ ໄລຍະຍາວ ໃຫ້ແກ່ພະນັກງານການທູດຂອງລາວ, ການເຂົ້າມາລົງທຶນໃນຂະແໜງຕ່າງໆທີ່ ສປປ ລາວ ມີທ່າແຮງ ໂດຍສະເພາະດ້ານການຜະລິດກະສິກໍາສະອາດ ຢູ່ ສປປ ລາວ ແລະ ການນໍາເຂົ້າຜະລິດຕະພັນກະສິກໍາຂອງ ສປປ ລາວ ໄປຍັງ ຊາອຸດິ ອາຣັບບີ, ທັງນີ້ກໍເພື່ອເຮັດໃຫ້ ສປປ ລາວ ສາມາດບັນລຸເປົ້າໝາຍການພັດທະນາແບບຍືນຍົງ ແລະ ຫຼຸດພົ້ນອອກຈາກປະເທດດ້ອຍພັດທະນາ. ໃນຂະນະດຽວກັນ, ທ່ານລັດຖະມົນຕີ ຟາຍຊໍ ບິນ ຟາຮັນ ອານ ຊາອຸດ ໄດ້ສະແດງຄວາມຍິນດີຈະສືບຕໍ່ຊຸກຍູ້ໃຫ້ພາກກ່ຽວຂ້ອງຂອງທັງສອງຝ່າຍ ປຶກສາຫາລື ແລະ ເຮັດວຽກຮ່ວມກັນໃຫ້ຫຼາຍຂຶ້ນ ເພື່ອເຮັດໃຫ້ບັນດາຂໍ້ສະເໜີຕ່າງໆປະກົດຜົນເປັນຈິງ.

              

ນອກນີ້, ທ່ານລັດຖະມົນຕີ ສະເຫຼີມໄຊ ກົມມະສິດ ກໍໄດ້ສະແດງຄວາມຊົມເຊີຍຕໍ່ຜົນສຳເລັດຂອງ ຊາອຸດິ   ອາຣັບບີ ໃນການເປັນເຈົ້າພາບຈັດກອງປະຊຸມ 42nd Gulf summit ໃນປີ 2021 ຜ່ານມາ, ສະແດງຄວາມຂອບໃຈຕໍ່ ລັດຖະບານ ຊາອຸດິ ອາຣັບບີ ທີ່ໃຫ້ການສະໜັບສະໜູນ ແລະ ຊ່ວຍເຫຼືອ ສປປ ລາວ ໃນໄລຍະຜ່ານມາ ແລະ ຫວັງຢ່າງຍິ່ງວ່າ ທັງສອງຝ່າຍຈະສືບຕໍ່ໃຫ້ການສະໜັບສະໜູນຊຶ່ງກັນ ແລະ ກັນ ທັງໃນຂອບສອງຝ່າຍ ແລະ ຫຼາຍຝ່າຍ ໃນເວທີພາກພື້ນ ແລະ ສາກົນ ໃນອະນາຄົດ.

  

 

ຂ່າວອື່ນໆທີ່ກ່ຽວຂ້ອງ

ແຈ້ງການ

*(ໃຫມ່) ບົດຄວາມ  ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຈີນ-ລາວ ຄົບຮອບ 61 ປີ ບົດທີ 1 (ການພົວພັນ ລະຫວ່າງ ການນຳຂັ້ນສູງ ສອງພັກ ສອງລັດ ລາວ-ຈີນ ຈີນ-ລາວ)

 

*(ໃຫມ່) ບົດຄວາມ ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຈີນ-ລາວ ບົດທີ 2 (ຄູ່ຮ່ວມຊາຕາກຳ ລາວ-ຈີນ ຈີນ-ລາວ)

 

*(ໃຫມ່) ບົດຄວາມ ສະເຫຼີມສະຫຼອງວັນສ້າງຕັ້ງສາຍພົວພັນການທູດ ລາວ-ຈີນ ຈີນ-ລາວ ບົດທີ 3 (ສ້າງຄວາມຜາສຸກໃຫ້ແກ່ປະຊາຊົນ ລາວ-ຈີນ ຈີນ-ລາວ)

 

*(ໃໝ່) ລັດຖະມົນຕີກະຊວງການຕ່າງປະເທດ ແຫ່ງ ສສ ຫວຽດນາມ ຈະເດີນທາງຢ້ຽມຢາມ ສປປ ລາວ ຢ່າງເປັນທາງການ

 

*(ໃໝ່) ປະກາດຮັບສະໝັກພະນັກງານ ຂອງກະຊວງການຕ່າງປະເທດ ປະຈຳປີ 2022

 

* (ໃໝ່) ບົດຄວາມໂດຍ ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ເນື່ອງໃນໂອກາດວັນສ້າງຕັ້ງ ຂອບການຮ່ວມມື ແມ່ນໍ້າຂອງ-ແມ່ນໍ້າລ້ານຊ້າງ ຄົບຮອບ 6 ປີ 23 ມີນາ 2016 - 23 ມີນາ 2022

 

* (ໃໝ່) ຖະແຫຼງຂ່າວຂອງ ໂຄສົກກະຊວງການຕ່າງປະເທດ ແຫ່ງ ສປປ ລາວ ປະຈຳວັນທີ 26 ກຸມພາ 2022

 

*ຖະແຫຼງຂ່າວ ຂອງໂຄສົກກະຊວງການຕ່າງປະເທດ ແຫ່ງ ສປປ ລາວ ປະຈຳວັນທີ 11 ມັງກອນ 2022

 

*ຄຳແນະນຳ ກ່ຽວກັບ ຂັ້ນຕອນໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ

* ບົດຄວາມ: ສືບທອດມູນເຊື້ອການເຄື່ອນໄຫວການທູດອັນດີເລີດຂອງ ປະທານ ໄກສອນ ພົມວິຫານ ແລະ ປະທານ ສຸພານຸວົງ

* ບົດຄວາມ: ການເຄື່ອນໄຫວວຽກງານການທູດ ໄດ້ມີບົດບາດສຳຄັນໃນການປະກອບສ່ວນ ໃນການຂົນຂວາຍການຊ່ວຍເຫຼືອຈາກສາກົນ ໃນວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດCovid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
324647
ມື້ນີ້83
ມື້ວານ175
ອາທິດນີ້399
ເດືອນນີ້6170