ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມປຶກສາຫາລືທາງດ້ານການເມືອງ ຄັ້ງທີ 3 ລະຫວ່າງ ສອງກະຊວງການຕ່າງປະເທດ ລາວ-ສະວິດ

 

12 1352022 LAO SW 2

12 1352022 LAO SW 4

12 1352022 LAO SW 3

 

        ໂດຍຕອບສະໜອງຕາມຄຳເຊື້ອເຊີນ ຂອງ ທ່ານ ຣາຟາແອນ ແນເຊລີ, ຜູ້ຊ່ວຍລັດຖະມົນຕີ ຜູ້ຊີ້ນຳຂົງເຂດອາຊີ/ປາຊີຟິກ, ກະຊວງການຕ່າງປະເທດ ແຫ່ງ ສະມາພັນທະລັດ ສະວິດ, ທ່ານ ບຸນເຫຼືອ ພັນດານຸວົງ, ຮອງລັດຖະມົນຕີການກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມປຶກສາຫາລືທາງດ້ານການເມືອງ (Political Consultation - PC) ລະຫວ່າງ ສອງກະຊວງການຕ່າງປະເທດ ລາວ-ສະວິດ ຄັ້ງທີ 3 ຢ່າງເປັນທາງການ ທີ່ ນະຄອນຫຼວງເບີນ, ສະມາພັນທະລັດ ສະວິດ, ໃນວັນທີ 11 ພຶດສະພາ 2022.

 

          ກອງປະຊຸມປຶກສາຫາລືທາງດ້ານການເມືອງ ລາວ-ສະວິດ ຄັ້ງນີ້ ເປັນກົນໄກຮ່ວມມື ລະຫວ່າງ ສອງກະຊວງການຕ່າງປະເທດ ທີໄດ້ຕົກລົງຮ່ວມກັນ ຊື່ງຈັດຂື້ນທູກໆສອງປີ ໂດຍຜັດປ່ຽນກັນເປັນເຈົ້າພາບ ເພື່ອທົບທວນຄືນການຮ່ວມມືສອງຝ່າຍ ໃນໄລຍະຜ່ານມາ ແລະ ປືກສາຫາລື ກ່ຽວກັບ ທິດທາງການພົວພັນຮ່ວມມືໃນຕໍ່ໜ້າ.

 

       ກອງປະຊຸມຄັ້ງນີ້, ສອງຝ່າຍ ໄດ້ຮ່ວມກັນຕີລາຄາສະພາບການພົວພັນມິດຕະພາບ ແລະ ການຮ່ວມມືອັນດີ ໃນໄລຍະຜ່ານມາ ທີ່ເຫັນວ່າ ນັບມື້ໄດ້ຮັບການເສີມຂະຫຍາຍຂຶ້ນເລື້ອຍໆ ພາຍຫຼັງທີ່ສອງປະເທດ ໄດ້ສ້າງຕັ້ງສາຍພົວພັນການທູດນຳກັນ ໃນວັນທີ 4 ກັນຍາ 1963. ພ້ອມກັນນັ້ນ, ສອງຝ່າຍ ກໍ່ໄດ້ຢໍ້າຄືນຜົນການຮ່ວມມືກັນໃນຂະແຫນງການຕ່າງໆ ລວມທັງຜົນການຢ້ຽມຢາມ ສປປ ລາວ ຂອງຮອງປະທານາທິບໍດີ, ລັດຖະມົນຕີຕ່າງປະເທດສະວິດ ໃນປີ 2021 ຊຶ່ງ ສອງຝ່າຍ ລາວ-ສະວິດ ໄດ້ລົງນາມຮ່ວມກັນໃນສັນຍາການຮ່ວມມືດ້ານວິຊາການ, ວັດທະນະທຳ, ການເງິນ ແລະ ເສດຖະກິດ ແລະ ການຊ່ວຍເຫຼືອທາງດ້ານມະນຸດສະທຳ ເພື່ອສືບຕໍ່ໃຫ້ການຊ່ວຍເຫຼືອລາວ ໃນໄລຍະ 2022-2025 ໂດຍສຸມໃສ່ 3 ຂະແໜງການຫຼັກຄື: 1) ການປົກຄອງ ແລະ ການມີສ່ວນຮ່ວມຂອງພົນລະເມືອງ, 2) ການພັດທະນາເສດຖະກິດໃຫ້ທົ່ວເຖິງໝົດທຸກຄົນ ແລະ 3) ການປ່ຽນແປງດິນຟ້າອາກາດ ແລະ ການຄຸ້ມຄອງຊັບພະຍາກອນທໍາມະຊາດໃຫ້ຍືນຍົງ ລວມທັງການຊ່ວຍເຫຼືອດ້ານມະນຸດສະທໍາ. ນອກນັ້ນ, ສອງຝ່າຍ ໄດ້ຖືໂອກາດນີ້ ແຈ້ງໃຫ້ກັນຊາບ ກ່ຽວກັບ ສະພາບການເມືອງ ແລະ ການພັດທະນາເສດຖະກິດ-ສັງຄົມ ຢູ່ໃນປະເທດຕົນ ລວມທັງ ການແກ້ໄຂບັນຫາການແຜ່ລະບາດ ຂອງພະຍາດໂຄວິດ-19 ແລະ ແລກປ່ຽນຄໍາຄິດຄໍາເຫັນ ກ່ຽວກັບ ບັນຫາພາກພື້ນ ແລະ ສາກົນ ທີ່ຕ່າງຝ່າຍຕ່າງມີຄວາມສົນໃຈ. ພ້ອມກັນນັ້ນ, ກໍ່ເປັນເອກະພາບສືບຕໍ່ຊຸກຍູ້ໃຫ້ມີການແລກປ່ຽນການຢ້ຽມຢາມຂອງຄະນະຜູ້ແທນຂັ້ນສູງໃນຕໍ່ໜ້າ ແລະ ໃຫ້ມີການຈັດກອງປະຊຸມປຶກສາຫາລືທາງດ້ານການເມືອງ ລະຫວ່າງ ສອງກະຊວງການຕ່າງປະເທດ ລາວ-ສະວິດ ຢ່າງເປັນປົກກະຕິ ເພື່ອປຶກສາຫາລື, ຖອດຖອນບົດຮຽນ ແລະ ສົ່ງເສີມການຮ່ວມມື ລະຫວ່າງ ສອງກະຊວງການຕ່າງປະເທດໃນແຕ່ລະດ້ານຕໍ່ແຜນການຮ່ວມມືໃນຕໍ່ໜ້າ ໃຫ້ກ້າວສູ່ລວງເລິກຕື່ມ, ໃຫ້ມີປະສິດທິພາບ, ປະສິດທິຜົນ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ ເປັນຕົ້ນ ສືບຕໍ່ຮ່ວມມືກັນດ້ານການຄ້າ ແລະ ການລົງທຶນ, ຂະແໜງການສຶກສາ, ສາທາລະນະສຸກ, ການຮ່ວມມືດ້ານກະສິກຳ ແລະ ປ່າໄມ້, ການຮ່ວມມືດ້ານພະລັງງານ, ວຽກມະນຸດສະທຳ ແລະ ອື່ນໆ. ນອກຈາກນີ້, ສອງຝ່າຍ ໄດ້ເຫັນດີເປັນເອກະພາບ ຈະສືບຕໍ່ສະໜັບສະໜູນຊ່ວຍເຫຼືອເຊິ່ງກັນ ແລະ ກັນ ໃນເວທີພາກພື້ນ ແລະ ສາກົນ, ໃນເວທີ ສປຊ ແລະ ອາຊຽນ ໂດຍສະເພາະການສະໜັບສະໜູນຊ່ວຍເຫຼືອການກະກຽມເປັນປະທານອາຊຽນ ຄັ້ງທີ 3 ຂອງ ສປປ ລາວ ໃນປີ 2024.

 

          ໃນໂອກາດນີ້, ທ່ານຮອງລັດຖະມົນຕີ ບຸນເຫຼືອ ພັນດານຸວົງ ກໍ່ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຂອບໃຈຢ່າງຈິງໃຈ ແລະ ຮູ້ບຸນຄຸນເປັນຢ່າງສູງ ມາຍັງ ລັດຖະບານ ແລະ ປະຊາຊົນ ສະວິດ ຕໍ່ການຊ່ວຍເຫຼືອທີ່ມີໝາກຜົນ ແລະ ການປະກອບສ່ວນອັນສຳຄັນ ທັງດ້ານທຶນຮອນ ແລະ ເຕັກນິກວິຊາການ ໃຫ້ແກ່ ສປປ ລາວ ເຊິ່ງເປັນການປະກອບສ່ວນເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ຂອງ ສປປ ລາວ ໃນແຕ່ລະໄລຍະ ແລະ ລວມທັງຄວາມໝາຍໝັ້ນທີ່ຈະສືບຕໍ່ຊ່ວຍເຫຼືອ ສປປ ລາວ ໃນຕໍ່ໜ້າ. ພິເສດ ໄດ້ສະແດງຄວາມຂອບໃຈຕໍ່ການຊ່ວຍເຫຼືອດ້ານຕ່າງໆເຂົ້າໃນການຕ້ານການແຜ່ລະບາດຂອງພະຍາດໂຄວິດ-19 ຢູ່ ສປປ ລາວ. ພ້ອມກັນນີ້, ທ່ານ ຣາຟາແອນ ແນເຊລີ ກໍ່ໄດ້ອວຍພອນໃຫ້ຄະນະຜູ້ແທນລາວ ເດີນທາງກັບຄືນປະເທດດ້ວຍຄວາມສະຫວັດດີພາບ.

ຂ່າວອື່ນໆທີ່ກ່ຽວຂ້ອງ

ແຈ້ງການ

* (ໃໝ່) ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ຈະເດີນທາງເຂົ້າຮ່ວມ ກອງປະຊຸມລັດຖະມົນຕີຕ່າງປະເທດ ຂອບການຮ່ວມມືແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 7 ທີ່ ສສ ມຽນມາ.

 

* (ໃໝ່) ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໃຫ້ສຳພາດຕໍ່ບັນດາສື່ມວນຊົນລາວ ກ່ຽວກັບ ປີສາມັກຄີມິດຕະພາບ ລາວ-ຫວຽດນາມ 2022.

 

* (ໃໝ່) ແຈ້ງການ ກ່ຽວກັບ ການປ່ຽນຊື່ປະເທດ ຕວັກກີ.

 

* (ໃໝ່) ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

 

* (ໃໝ່) ຖະແຫຼງຂ່າວຂອງ ໂຄສົກກະຊວງການຕ່າງປະເທດ ແຫ່ງ ສປປ ລາວ ປະຈຳວັນທີ 26 ກຸມພາ 2022.

 

*ຄຳແນະນຳ ກ່ຽວກັບ ຂັ້ນຕອນໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ

* ບົດຄວາມ: ສືບທອດມູນເຊື້ອການເຄື່ອນໄຫວການທູດອັນດີເລີດຂອງ ປະທານ ໄກສອນ ພົມວິຫານ ແລະ ປະທານ ສຸພານຸວົງ

* ບົດຄວາມ: ການເຄື່ອນໄຫວວຽກງານການທູດ ໄດ້ມີບົດບາດສຳຄັນໃນການປະກອບສ່ວນ ໃນການຂົນຂວາຍການຊ່ວຍເຫຼືອຈາກສາກົນ ໃນວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດCovid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
335086
ມື້ນີ້359
ມື້ວານ204
ອາທິດນີ້1722
ເດືອນນີ້964