ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ທູດລາວ ຍື່ນສານຕາຕັ້ງຕໍ່ ປະທານາທິບໍດີ ອາກເມນີ

 

Russia 2

 

ໃນວັນ​ທີ 07 ກໍລະກົດ 2022 ຜ່ານມາ, ທ່ານ ນາງ ວິ­ລາ­ວັນ ເຍ່ຍ​ປໍ​ເຮີ່ ໄດ້ເຂົ້າຍື່ນສານຕາຕັ້ງຕໍ່ ພະນະທ່ານ Vahagn Khachaturyan, ປະ­ທາ­ນາ­ທິບໍດີ ແຫ່ງ ສາ­ທາລະ­ນະ​ລັດ ອາກເມນີ ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວ ຜູ້ທໍາອິດ ປະຈໍາ ສາ­ທາ­ລະ­ນະ​ລັດ ອາກເມນີ, ທີ່ມີສໍານັກງານຕັ້ງຢູ່ ນະຄອນຫລວງ ມົດສະກູ, ສະຫະພັນ ຣັດເຊຍ.

 

ໃນ​ໂອ­ກາດດັ່ງກ່າວ, ພະນະທ່ານປະ­ທາ­ນາ­ທິບໍດີ Vahagn Khachaturyan ໄດ້​ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ ທ່ານທູດ ທີ່ໄດ້ຮັບຕໍ່າແໜ່ງໃຫມ່ ໃນຄັ້ງນີ້, ພ້ອມທັງ ໄດ້ອວຍພອນໃຫ້ ທ່ານທູດ ຈົ່ງປະສົບຜົນສຳເລັດໃນຫນ້າທີ່ວຽກງານອັນມີກຽດຂອງທ່ານ. ພ້ອມກັນນັ້ນ, ທ່ານປະທານາທິບໍດີ ໄດ້ເນັ້ນຢ້ຳໃຫ້ ສອງປະເທດ ລາວ-ອາກເມນີ ຈົ່ງເພີ່ມທະວີການພົວພັນຮ່ວມມືກັນໃຫ້ຫຼາຍຂຶ້ນໃນບັນດາຂະແໜງການຕ່າງໆ ທີ່ເຫັນວ່າ ທັງສອງປະເທດ ມີທ່າແຮງ​​ບົ່ມ​ຊ້ອນນຳກັນ ​​ໂດຍສະເພາະ ການຮ່ວມມືທາງດ້ານເສດຖະກິດ-ການຄ້າ, ​ເຕັກ​ໂນ​ໂລ​ຊີ-​ຂໍ້​ມູນ​ຂ່າວສານ, ການ​ສຶກສາ ​ແລະ ການທ່ອງທ່ຽວ, ທັງນີ້ ກໍ່ເພື່ອເຮັດໃຫ້ການພົວພັນ ລະຫວ່າງສອງປະເທດລາວ-ອາກເມນີ ໄດ້ຮັບການເສີມຂະຫຍາຍເຂົ້າສູ່ບາດກ້າວອັນໃຫມ່.

 

ໃນໂອກາດດຽວກັນ, ທ່ານທູດ ວິ­ລາ­ວັນ ເຍ່ຍ​ປໍ​ເຮີ່ ກໍ່ໄດ້ສະແດງຄວາມຂອບໃຈຢ່າງຈິງໃຈ ມາຍັງ ພະນະທ່ານປະທານາທິບໍດີ ທີ່ໄດ້ໃຫ້ກຽດຕ້ອນຮັບອັນອົບອຸ່ນ ແລະ ສະແດງຮູ້ສຶກເປັນກຽດຢ່າງສູງ ທີ່ໄດ້ຮັບການແຕ່ງຕັ້ງໃຫ້ດຳລົງຕຳແໜ່ງເປັນເອກອັກຄະລັດຖະທູດ ແຫ່ງ ສປປ ລາວ ປະຈຳ ສາທາລະນະລັດ ອາກເມນີ ຜູ້ທຳອິດ. ພ້ອມດຽວກັນນີ້, ກໍ່ໄດ້ຖືໂອກາດນຳເອົາຄວາມຢື້ຢາມຖາມຂ່າວອັນອົບອຸ່ນ ແລະ ພອນໄຊອັນປະເສີດຈາກ ພະນະທ່ານປະທານປະເທດ ທອງລຸນ ສີສຸລິດ ມາເຖິງ ພະນະທ່ານ ປະທານາທິບໍດີ ອາກເມນີ, ລວມທັງ ປະຊາຊົນ ອາກເມນີ ທຸກຖ້ວນຫນ້າ. ພ້ອມນີ້, ທ່ານທູດ ວິ­ລາ­ວັນ ເຍ່ຍ​ປໍ​ເຮີ່ ໄດ້ສະແດງຄວາມຂອບໃຈມາຍັງ ລັດຖະບານ ແລະ ປະຊາຊົນ ອາກເມນີ ທີ່ໄດ້ໃຫ້ການຊ່ວຍເຫລືອ ແລະ ສະໜັບສະໜູນແກ່ ສປປ ລາວ ຕະຫຼອດໄລຍະຜ່ານມາ, ເຊິ່ງລັດຖະບານ ແຫ່ງ ສປປ ລາວ ໄດ້ຕີລາຄາສູງຕໍ່ການພົວພັນຮ່ວມມືສອງຝ່າຍ ສປປ ລາວ ແລະ ສ. ອາກເມນີ ໃນໄລຍະຜ່ານມາ, ພາຍຫຼັງທີ່ສອງປະເທດ ໄດ້ສ້າງຕັ້ງສາຍພົວພັນການທູດຮ່ວມກັນ ນັບແຕ່ວັນທີ 21 ເມສາ 1998 ເປັນຕົ້ນມາ.

 

ໃນໂອກາດເດີນທາງເຂົ້າຮ່ວມພິທີຍື່ນສານໃນຄັ້ງນີ້, ໃນ​ວັນ​ທີ 06 ກໍລະກົດ 2022, ທ່ານທູດ ວິ­ລາ­ວັນ ເຍ່ຍ​ປໍ​ເຮີ່ ກໍ່ໄດ້ພົບປະເຮັດວຽກກັບ ທ່ານຫົວຫນ້າກົມອາຊີ-ປາຊີຟິກ, ກະຊວງການຕ່າງປະເທດ ແຫ່ງ ສ. ອາກເມນີ ທີ່ ກະຊວງການຕ່າງປະເທດ ເພື່ອປຶກສາຫາລື ກ່ຽວກັບການພົວພັນຮ່ວມມືສອງຝ່າຍ ສປປ ລາວ - ສ. ອາກເມນີ ແລະ ໄດ້​ເຂົ້າ​ຢ້ຽມຂໍ່ານັບ​ ແລະ ຍື່ນສຳເນົາສານຕາຕັ້ງຕໍ່ ທ່ານ Mnatsakan Safaryan, ຮອງລັດຖະມົນຕິກະຊວງການຕ່າງປະເທດ ແຫ່ງ ສ. ອາກເມນີ. ໃນໂອກາດນີ້, ສອງຝ່າຍ ໄດ້ຕີລາຄາສູງຕໍ່ສາຍພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືອັນດີ ລະຫວ່າງ ສອງປະເທດ ລາວ-ອາກເມນີ, ເຫັນດີສືບຕໍ່ຮ່ວມມື ແລະ ໃຫ້ການສະຫນັບສະຫນູນຊ່ວຍເຫຼືອເຊິ່ງກັນ ແລະ ກັນ ໃນເວທີສາກົນ. ໃນຕອນທ້າຍ, ທ່ານທູດ ວິ­ລາ­ວັນ ເຍ່ຍ​ປໍ​ເຮີ່ ກໍ່ໄດ້ນຳເອົາຄວາມຢື້ຢາມຖາມຂ່າວຈາກ ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ເຖິງຄູ່ຮ່ວມຕໍ່າແຫນ່ງຝ່າຍ ສ. ອາກເມນີ.

ຂ່າວອື່ນໆທີ່ກ່ຽວຂ້ອງ

ແຈ້ງການ

* (ໃຫມ່) ຮອງນາຍົກລັດຖະມົນຕີ, ລັດຖະມົນຕີຕ່າງປະເທດລາວ ຈະຢ້ຽມຢາມ ອົດສະຕຣາລີ ຢ່າງເປັນທາງການ

 

 * (ໃຫມ່) ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia)

 

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

         

*ຄຳແນະນຳ ກ່ຽວກັບ ຂັ້ນຕອນໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ

* ບົດຄວາມ: ສືບທອດມູນເຊື້ອການເຄື່ອນໄຫວການທູດອັນດີເລີດຂອງ ປະທານ ໄກສອນ ພົມວິຫານ ແລະ ປະທານ ສຸພານຸວົງ

* ບົດຄວາມ: ການເຄື່ອນໄຫວວຽກງານການທູດ ໄດ້ມີບົດບາດສຳຄັນໃນການປະກອບສ່ວນ ໃນການຂົນຂວາຍການຊ່ວຍເຫຼືອຈາກສາກົນ ໃນວຽກງານປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ຄຳແນະນຳສຳລັບຜູ້ທີ່ຈະເດີນທາງເຂົ້າ ສປປ ລາວ ໃນໄລຍະດຳເນີນມາດຕະການປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດCovid-19 (ວັນທີ 26 ກຸມພາ 2021)

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

#ປະກາດ ຄັດເລືອກບຸກຄົນ ຫຼື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນ ປະຈຳປີ 2021.

*ຄຳແນະນຳ ສຳລັບການເດີນທາງເຂົ້າ-ອອກ ສປປ ລາວ ໃນໄລຍະດຳເນີນມາດຕະການປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ COVID-19.

*ສະຖານເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈຳ ສປປ ລາວ ງົດການອອກວີຊາບາງປະເພດ ໃຫ້ແກ່ພົນລະເມືອງລາວ.

*ຄໍາແນະນໍາ ກ່ຽວກັບ ຂັ້ນຕອນລະອຽດໃນການປະກອບເອກະສານ ຂໍອະນຸຍາດ ເຂົ້າ-ອອກ ສປປ ລາວ, ວັນທີ 31 ກໍລະກົດ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການສືບຕໍ່ໂຈະການອອກວີຊາທຸກປະເພດ ເຖິງວັນທີ 3 ພຶດສະພາ 2020.

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ.

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດ Covid-19.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
358720
ມື້ນີ້214
ມື້ວານ298
ອາທິດນີ້1267
ເດືອນນີ້1800