ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ສະຖານກົງສຸນໃຫຍ່ ແຫ່ງ ສປປ ລາວ ທີ່ ນະຄອນດານັງ ແລະ ຄະນະພັກ-ຄະນະນໍານະຄອນດານັງ ໄດ້ຈັດພິທີສະເຫລີມສະຫລອງປີສາມັກຄີມິດຕະພາບ ແລະ ການຮ່ວມມື ລາວ- ຫວຽດນາມ, ຫວຽດນາມ-ລາວ.

 

2022 9 8 Danang

 

ໃນຕອນເຊົ້າຂອງວັນທີ 31 ສິງຫາ 2022 ທີ່ ນະຄອນດານັງ ໄດ້ຈັດພິທີສະ​ເຫຼີ​ມສະຫຼອງ 60 ປີ​ ແຫ່ງ​ວັນ​ສ້າງ​ຕັ້ງ​ສາຍ​ພົວພັນ​ທາງ​ການ​ທູດ (5/9/1962 – 5/9/2022) ​ແລະ  ວັນເຊັນສົນທິສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 45 ປີ (18 ກໍລະກົດ 1977 - 18 ກໍລະກົດ 2022). ໂດຍມີ ສະຫາຍ ຫງວຽນ ວັນ ກວ້າງ,​ ກໍາມະການສູນກາງພັກ, ເລຂາພັກນະຄອນ ດານັງ; ສະຫາຍ ພົນໂທ ຖາຍ ດາຍ ຫງ໋ອກ, ກໍາມະການສູນກາງພັກ, ຜູ້ບັນຊາການທະຫານເຂດ 5; ສະຫາຍ ເລືອງ      ຫງວຽນ ມິ່ງ ຈ໋ຽດ, ສະມາຊິກສໍາຮອງ ກໍາມະການສູນກາງພັກ, ຮອງເລຂາຄະນະພັກ, ປະທານສະພາປະຊາຊົນ;​ ສະຫາຍ ເລ ຈຸງ ຈິ່ງ​, ຮອງເລຂາ​ຄະນະ​ພັກ, ປະທານ​ຄະນະ​ກຳມະການ​ປະຊາຊົນ​; ສະຫາຍ ໂງ ຊວນ ຖັງ, ປະທານ​ຄະນະ​ກຳມະການ​ແນວ​ໂຮມ​ປະ​ເທດ​ຊາດ​ຫວຽດນາມ ນະຄອນດານັງ; ສະຫາຍ ໂຮ ກີ່ ມິງ, ​ຮອງ​ປະທານ​ຄະນະ​ກຳມະການ​ປະຊາຊົນ, ປະທານ​ສະມາຄົມ​ມິດຕະພາບ​ຫວຽດນາມ - ລາວ ນະຄອນດານັງ​;  ສະຫາຍ ຫງວຽນ ວັນ ຈ້ຽນ, ຫົວໜ້າ ສະຫະພັນ ອະດີດທະຫານ ອາສາສະໝັກ ຫວຽດນາມ ຂອງນະຄອນດານັງ; ສະຫາຍ ສຸພັນ ຫາດາວເຮືອງ, ກົງສຸນໃຫຍ່ ແຫ່ງ ສປປ ລາວ ທີ່ ນະຄອນດານັງ; ຜູ້ຕາງໜ້າ​ສຳນັກງານ​ກົງສຸນໃຫຍ່ ​ຕ່າງປະ​ເທດ ຄື: ສະຫະພັນລັດເຊຍ, ຈີນ, ຍີ່ປຸ່ນ, ສ.ເກົາຫລີ ປະຈໍານະຄອນດານັງ, ພ້ອມ​ດ້ວຍ​ ພະນັກງານກົງສຸນໃຫຍ່,​ ນັກສຶກສາລາວ ແລະ ຜູ້​ແທນປະມານ 1.000 ຄົນ ເຂົ້າຮ່ວມພິທີ.

 

ໃນພິທີດັ່ງກ່າວ, ສະຫາຍ ຫງວຽນ​ ວັນ ​ກວ້າງ, ​ເລ​ຂາ​ພັກນະຄອນໄດ້ຢືນຢັນເຖິງຄວາມຮັບຮູ້ ແລະ ເຂົ້າໃຈຢ່າງເລິກເຊິ່ງ ເຖິງບັນດາໄຊຊະນະທີ່ຍາດມາໄດ້ໃນສະໄໝຕໍ່ສູ້ກູ້ຊາດ ກໍ່ຄື ຕະຫລອດໄລຍະການກໍ່ສ້າງ ແລະ ປົກປັກຮັກສາປະເທດຊາດ ແລະ ເດີນຕາມເສັ້ນທາງສັງຄົມນິຍົມຂອງຫວຽດນາມ ລ້ວນແລ້ວແຕ່ຕິດພັນກັບການສະໜັບສະໜູນ, ຊ່ວຍເຫລືອອັນລໍ້າຄ່າ ແລະ ໝົດຈິດໝົດໃຈຂອງພັກ, ລັດຖະບານ ແລະ ປະຊາຊົນບັນດາເຜົ່າລາວອ້າຍນ້ອງ. ສະນັ້ນ, ນະຄອນດານັງ ໄດ້ເອົາໃຈໃສ່, ວາງທິດທາງ, ແຜນການຮ່ວມມືກັບບັນດາແຂວງພາກໃຕ້-ພາກກາງຂອງລາວ ນັບມື້ນັບໄດ້ຮັບການເສີມຂະຫຍາຍ ແລະ ມີປະສິດທິຜົນ.

 

ຕະຫລອດໄລຍະ 40 ປີຜ່ານມາ, ນະຄອນ ດານັງ ​ໄດ້​ໄດ້ເຊັນສັນຍາ (MOU) ກັບບັນດາແຂວງພາກໃຕ້-ພາກກາງ ຂອງລາວເກືອບ 40 ສະບັບ​, ພ້ອມທັງມີການແລກປ່ຽນຢ້ຽມຢາມ ແລະ ພົບປະປຶກສາຫາລື, ແລກປ່ຽນບົດຮຽນນໍາກັນນັບແຕ່ລະດັບຂັ້ນສູງລົງຮອດຂັ້ນວິຊາການເປັນປະຈໍາ, ສ້າງເງື່ອນໄຂສະດວກໃຫ້ແກ່ນັກທຸລະກິດຂອງ ສອງຝ່າຍໄດ້ມີການຮ່ວມມື ດ້ານການ​ຄ້າ, ການລົງທຶນ, ຄົມມະນາຄົມ, ການຊ່ວຍເຫລືອໃນການສ້າງແຜນການ​ພັດທະນາ​ກະສິກຳ, ຮ່ວມ​ມື​ດ້ານ​ສາທາລະນະ​ສຸກ, ການສຶກສາ, ວັດທະນະທໍາ ແລະ ສັງຄົມ ພິເສດແມ່ນການກໍ່ສ້າງຊັບພະຍາກອນມະນຸດ.

​         

ໄລຍະ 2018-2022, ນະຄອນ​ ດານັງ ໄດ້ຊ່ວຍເຫລືອດ້ານງົບປະມານ ປະມານ 116 ຕື້​ດົ່ງ ​ເພື່ອ​​ຊ່ວຍເຫລືອ 5 ແຂວງ​ພາກ​ໃຕ້-​ພາກ​ກາງຂອງ​ລາວ ຄື: ແຂວງອັດຕະປື, ແຂວງ ເຊກອງ, ແຂວງສາລະວັນ, ​ແຂວງ ຈໍາປາສັກ ແລະ ແຂວງສະຫວັນນະເຂດ. ໃນນີ້ກໍ່ມີຫລາຍ​ໂຄງການ​ຮ່ວມ​ມືກັນ ​ຄື: ກໍ່ສ້າງ​ໂຮງຮຽນ, ສູນ​ສອນ​ພາສາ​ຫວຽດນາມ ​ແລະ ສົ່ງຄູອາຈານມາ​ສອນ​ພາສາ​ຫວຽດນາມ, ໃຫ້ທຶນນັກສຶກສາລາວໄປສຶກສາ ແລະ ຄົ້ນຄວ້າຢູ່ມະຫາວິມະຍາໄລຂອງນະຄອນ ດານັງ, ຮັບພະນັກງານຈາກບັນດາພະແນກການຂອງລາວ ມາຖອດຖອນບົດຮຽນຢູ່ນະຄອນ ດານັງ, ຊ່ວຍຄົ້ນຄວ້າ ​ແລະ ວາງ​ແຜນ​ພັດທະນາ​ເສດຖະກິດ-ສັງຄົມ…

ໃນສະພາບການຂອງໂລກໃນປະຈຸບັນ, ຕໍ່ໜ້າສະພາບທີ່ເຕັມໄປດ້ວຍສິ່ງທ້າທາຍຕໍ່ 2 ປະເທດ, ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານຂອງ 2 ປະເທດເວົ້າລວມ, ເວົ້າສະເພາະ ລະຫວ່າງ ນະຄອນດານັງ ກັບບັນດາແຂວງພາກໃຕ້-ພາກກາງຂອງລາວຕ້ອງໄດ້ຍົກຂື້ນເປັນວຽກທໍາອິດ.

 

ຄະນະພັກ, ອໍານາດການປົກຄອງ ແລະ ປະຊາຊົນນະຄອນດານັງ ເວລາໃດກໍ່ຖືສໍາຄັນ ແລະ ເປັນວຽກບຸລິມະສິດຕໍ່ການຮັດແໜ້ນ ແລະ ເສີມຂະຫຍາຍການພົວພັນກັບ ສປປ ລາວເວົ້າລວມ, ເວົ້າສະເພາະກັບບັນດາແຂວງພາກໃຕ້-ພາກກາງຂອງລາວ.

 

ສະຫາຍ ​ສຸ​ພັນ ຫາດາວ​ເຮືອງ ​ໄດ້ກ່າວທົບທວນຄືນປະຫວັດສາດ ສອງຊາດລາວ-ຫວຽດນາມ, ໂດຍແມ່ນປະທານ ໂຮ່ຈິມິນ ຜູ້ຍິ່ງໃຫຍ່ ແລະ ປະທານໄກສອນ ພົມວິຫານ ທີ່ ເຄົາລົບຮັກ ເປັນຜູ້ກໍ່ຕັ້ງຂື້ນ. ໃນໄລຍະກວ່າເຄີ່ງສັດຕະວັດທີ່ຜ່ານມາ ສອງພັກ, ສອງຊາດ ລາວ-ຫວຽດນາມ ໄດ້ຄຽງບ່າຄຽງໄຫລ່ກັນຕໍ່ສູ້ຢ່າງພິລະອາດຫານ, ຜ່ານຜ່າທຸກອຸປະສັກ ທຸລະກັນດານ ແລະ ເຕັມໄປດ້ວຍຄວາມເສຍສະຫລະ ບົນເສັ້ນທາງແຫ່ງການຕໍ່ສູ້ຕ້ານພວກລ່າເມືອງຂື້ນແບບເກົ່າ ແລະ ໃໝ່ສອງຊາດໄດ້ພ້ອມກັນດໍາເນີນການຕໍ່ສູ້ສັດຕູໂຕດຽວກັນ ເພື່ອກອບກູ້, ປົກປັກຮັກສາ ແລະ ສ້າງສາປະເທດຊາດ, ພ້ອມກັນກ້າວຂື້ນສູ່ຈຸດໝາຍສັງຄົມນິຍົມ ຢ່າງໜັກແໜ້ນ.

 

ນອກຈາກນັ້ນ, ຍັງໄດ້ຢືນຢັນວ່າ: ນັບແຕ່ສອງປະເທດໄດ້ສ້າງຕັ້ງສາຍພົວພັນທາງການທູດນໍາກັນ ເຮັດໃຫ້ການພົວພັນ ລະຫວ່າງ ສອງຊາດ ລາວ-ຫວຽດນາມ ກໍ່ໄດ້ນັບມື້ນັບໄດ້ຮັບການປັບປຸງຢ່າງຮອບດ້ານ ແລະ ໜັກແໜ້ນ ແລະ ສຸດກົກສຸດປາຍ, ທັງເປັນປັດໃຈພື້ນຖານອັນແໜ້ນແກ່ນໃຫ້ແກ່ການຮ່ວມມືຍາວນານ ເພື່ອສ້າງສາພັດທະນາປະເທດຊາດ ຕາມຈຸດໝາຍທີ່ພັກໄດ້ກໍານົດໄວ້. ພ້ອມນີ້ກໍຢືນຢັນຈະສືບຕໍ່ເພີ່ມທະວີ ປົກປັກຮັກສາເພີ່ມພູນຄູນສ້າງໃຫ້ຈະເລີນງອກງາມຍິ່ງໆຂື້ນ.

 

ໃນພິທີ​ສະ​ເຫຼີມສະຫຼອງ, ທ່ານ​ປະທານ​ຄະນະ​ກຳມະການ​ປະຊາຊົນ​ນະຄອນ ​ໄດ້​ມອບ​ໃບ​ຍ້ອງຍໍ​ໃຫ້ 15 ສະຫາຍ ​ທີ່​ມີ​ຜົນງານ​ດີ​ເດັ່ນ​ໃນ​ການ​ກໍ່ສ້າງ ​ແລະ ພັດທະນາ​ສາຍ​ພົວພັນ​ມິດຕະພາບ ​ແລະ ການ​ຮ່ວມ​ມື​ ລະຫວ່າງ​ນະຄອນ ດາ​ນັງ ​ແລະ ທ້ອງ​ຖິ່ນ ຂອງລາວ ​ໄລຍະ 2018-2022.

ຂ່າວອື່ນໆທີ່ກ່ຽວຂ້ອງ

ແຈ້ງການ

     

* (ໃໝ່) ແຈ້ງການ ຂອງຫ້ອງວ່າການປະທານປະເທດ ກ່ຽວກັບ ສົມເດັດ ພຣະຣາຊາ ອັງຣີ ແຫ່ງ ຣາຊະອານາຈັກ ລຸກຊຳບວກ ​ ພ້ອມດ້ວຍຄະນະ ຈະເດີນທາງມາຢ້ຽມຢາມເຮັດວຽກ ຢູ່ ສປປ ລາວ ໃນວັນທີ 5-9 ທັນວາ 2022

 * (ໃຫມ່) ປະທານປະເທດລາວ ຈະຢ້ຽມຢາມລັດຖະກິດຢູ່ ສປ ຈີນ

 * ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia)

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
374739
ມື້ນີ້139
ມື້ວານ344
ອາທິດນີ້389
ເດືອນນີ້1497