ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ເອກອັກຄະລັດຖະທູດ, ຜູ້ຕາງໜ້າຖາວອນ ແຫ່ງ ສປປ ລາວ ປະຈໍາສໍານັກງານ ທີ່ ເຊີແນວ ເຂົ້າຮ່ວມກອງປະຊຸມອົງການສະຫະພາບໂທລະຄົມມະນາຄົມສາກົນຄັ້ງປິ 2022 (ITU PP-22).

      

 

2022 10 7 PP

 

ໃນໄລຍະວັນທີ 25 ກັນຍາ-4 ຕຸລາ 2022 ທີ່ ນະຄອນຫລວງ ບູຄາເຣດ, ປະເທດຣູມານີ, ທ່ານ ລັດສະໝີ ແກ້ວມະນີ, ເອກອັກຄະລັດຖະທູດ, ຜູ້ຕາງໜ້າຖາວອນ ແຫ່ງ ສປປ ລາວ ປະຈໍາສໍານັກງານ ທີ່ ເຊີແນວ, ໄດ້ນຳພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມອົງການສະຫະພາບໂທລະຄົມມະນາຄົມສາກົນ ຄັ້ງປິ 2022 (ITU PP-22) ໂດຍການເປັນປະທານຂອງ   ຣູມານີ, ພາຍໃຕ້ຫົວຂໍ້: “ເຊື່ອມຈອດ ແລະ ຮ່ວມກັນ” (Connect and Unite) ແລະ ມີຄະນະຜູ້ແທນຈາກຫຼາຍກວ່າ 150 ປະເທດເຂົ້າຮ່ວມ. ຈຸດປະສົງລະດັບຄາດໝາຍຂອງກອງປະຊຸມຄັ້ງນີ້ແມ່ນ ເພື່ອທົບທວນຄືນຜົນການຈັດຕັ້ງປະຕິບັດການຮ່ວມມື ໃນໄລຍະ 4 ປີຜ່ານມາ (ITU PP-18); ກໍານົດທິດທາງແຜນການໃນ 4 ປີຕໍ່ໜ້າ (ITU PP-26); ແລະ ເລືອກຕັ້ງເອົາຄະນະບໍລິຫານງານຊຸດໃໝ່.

 

ການເຄື່ອນໄຫວເຂົ້າຮ່ວມກອງປະຊຸມຄັ້ງນີ້ຂອງ ຄະນະຜູ້ແທນ ແຫ່ງ ສປປ ລາວ: ໄດ້ເຂົ້າຮ່ວມ ແລະ ກ່າວຄໍາເຫັນໃນກອງປະຊຸມຄົບຄະນະ; ເຂົ້າຮ່ວມກອງປະຊຸມໂຕະມົນລະດັບລັດຖະມົນຕີ; ປ່ອນບັດລົງຄະແນນສຽງເລືອກຕັ້ງຄະນະບໍລິຫານງານຊຸດໃໝ່; ແລະພົບປະສອງຝ່າຍກັບບາງປະເທດ. ສໍາລັບເນື້ອໃນການກ່າວຄໍາເຫັນ ໃນພາກກອງປະຊຸມຄົບຄະນະ ແມ່ນເນັ້ນໃສ່ບົດບາດຄວາມສໍາຄັນ ຂອງອົງການ ITU ໂດຍສະເພາະຄວາມກ້າວໜ້າ ດ້ານຂໍ້ມູນຂ່າວສານ-ເຕັກໂນໂລຊີ-ການສື່ສານ (ICT) ຈະສາມາດປະກອບສ່ວນອັນສໍາຄັນ ເຂົ້າໃນການແກ້ໄຂບັນຫາຄວາມຫຍຸ້ງຍາກ-ສິງທ້າທາຍ ທີ່ປະຊາຄົມໂລກກໍາລັງປະເຊີນຢູ່ ເປັນຕົ້ນ: ການລະບາດຂອງພະຍາດໂຄວິດ-19, ການປ່ຽນແປງສະພາບດິນຟ້າອາກາດ, ແລະສະພາບຂໍ້ຂັດແຍ່ງໃນໂລກ. ສໍາລັບທິດທາງໃນຕໍ່ ໜ້າໄດ້ສະເໜີ 4 ຂົງເຂດບູລິມະສິດ ໃນການສືບຕໍ່ພັດທະນາຂະແໜງ ICT ຂອງ ສປປ ລາວ: (1) ສະເໜີຂໍການພົວພັນຮ່ວມມື ແລະ ຊ່ວຍເຫລືອໃນການຈັດຕັ້ງປະຕິບັດ ແຜນພັດທະນາເສດຖະກິດດິຈີຕອນແຫ່ງຊາດ ໄລຍະ 2021-2025 ໂດຍສະເພາະການກໍ່ສ້າງພື້ນຖານໂຄງລ່າງ ແລະ ພັດທະນາບຸກຄະລາກອນດ້ານດິຈິຕອນ ລວມທັງຊາວໜຸ່ມ ແລະ ແມ່ຍິງ; (2) ເນື່ອງຈາກ ສປປ ລາວ ເປັນປະເທດບໍ່ມີທາງອອກສູ່ທະເລ, ສະເໜີອົງການ ITU ແລະ ຜູ້ໃຫ້ທຶນທັງສອງຝ່າຍ ແລະ ຫລາຍຝ່າຍ ໃຫ້ການຊ່ວຍເຫລືອດ້ານ ICT ແກ່ບັນດາດ່ານສາກົນ ລະຫວ່າງ ລາວ ແລະ ປະເທດເພື່ອນບ້ານ ແນ່ໃສ່ອຳນວຍຄວາມສະດວກດ້ານການຄ້າ, ການລົງທຶນ, ໂລຈິດສະຕິກ, ແລະ ໄປມາຫາສູ່ ລະຫວ່າງ ປະຊາຊົນກັບປະຊາຊົນ; (3) ເຊີນຊວນພາກລັດ ແລະ ເອກະຊົນຂອງບັນດາປະເທດສະມາຊິກ ITU ແລະ ບໍລິສັດຂ້າມຊາດ ມາຢ້ຽມຢາມ ແລະ ຊອກໂອກາດ ເພື່ອຮ່ວມມື ແລະ ລົງທຶນດ້ານ ICT ຢູ່ ສປປ ລາວ ພາຍໃຕ້ສັນຍາຂໍ້ມູນຂ່າວສານ-ເຕັກໂນໂລຊີ ຂອບອົງການການຄ້າໂລກ (WTO IT Agreement), ເຊິ່ງ ສປປ ລາວເປັນພາຄີ; ແລະ (4) ສະເໜີອົງການ ITU ແລະ ຜູ້ໃຫ້ທຶນທັງສອງຝ່າຍ ແລະ ຫລາຍຝ່າຍ ໃຫ້ການຊ່ວຍເຫຼືອ ເພື່ອກຽມຄວາມພ້ອມໃຫ້ແກ່ ສປປ ລາວ ໃນການຈະຫຼຸດພົ້ນອອກຈາກສະຖານະພາບປະເທດດ້ອຍພັດທະນາ ໃນປີ 2026 ແບບຍືນຍົງ.

        

ສໍາລັບຜົນການລົງຄະແນນສຽງເລືອກຕັ້ງ ເອົາຄະນະບໍລິຫານງານຊຸດໃໝ່ ສໍາລັບໄລຍະ 4 ປີຕໍ່ໜ້າ (2023-2026) ຂອງອົງການ ITU: 1. ເລຂາທິການໃຫຍ່-ທ່ານ ນ. ດໍຣິນ ບ໋ອກດານ ມາຕິນ (ອາເມຣິກາ); 2. ຮອງເລຂາທິການໃຫຍ່-ທ່ານ ໂທມັສ      ລາມານູສກັສ (ລິດຕົວນີ); 3. ຫົວໜ້າຫ້ອງການດ້ານສື່ສານວິທະຍຸ-ທ່ານ ມາຣິໂອ ມາເນວິກ (ອູຣູກວາຍ); 4. ຫົວໜ້າຫ້ອງການດ້ານມາດຕະຖານ- ທ່ານ ເຊອິໂຊະ ໂອໂນເອະ (ຍີ່ປຸ່ນ); ແລະ 5. ຫົວໜ້າຫ້ອງການດ້ານພັດທະນາ ແລະ ຮ່ວມມື-ທ່ານ ກອສມາສ ຊາວາຊາວາ (ຊິມບັບເວ). ພ້ອມນີ້, ຍັງໄດ້ສໍາເລັດການເລືອກຕັ້ງສະພາບໍລິຫານອົງການ ITU ຈຳນວນ 48 ປະເທດ ແລະ ຄະນະສະພາບໍລິຫານ (Board) ດ້ານສື່ສານວິທະຍຸ ຈຳນວນ 12 ທ່ານ.

       

ກອງປະຊຸມອົງການສະຫະພາບໂທລະຄົມມະນາຄົມສາກົນຈັດຂຶ້ນ 4 ປີ/ຄັ້ງ ແລະກອງປະຊຸມຄັ້ງຕໍ່ໄປຈະຈັດຂຶ້ນໃນປີ 2026 (ITU PP-26) ຢູ່ທີ່ ໂດຮາ, ປະເທດ ກາຕາ.

         

ຂ່າວອື່ນໆທີ່ກ່ຽວຂ້ອງ

ແຈ້ງການ

     

* (ໃໝ່) ແຈ້ງການ ຂອງຫ້ອງວ່າການປະທານປະເທດ ກ່ຽວກັບ ສົມເດັດ ພຣະຣາຊາ ອັງຣີ ແຫ່ງ ຣາຊະອານາຈັກ ລຸກຊຳບວກ ​ ພ້ອມດ້ວຍຄະນະ ຈະເດີນທາງມາຢ້ຽມຢາມເຮັດວຽກ ຢູ່ ສປປ ລາວ ໃນວັນທີ 5-9 ທັນວາ 2022

 * (ໃຫມ່) ປະທານປະເທດລາວ ຈະຢ້ຽມຢາມລັດຖະກິດຢູ່ ສປ ຈີນ

 * ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia)

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
374741
ມື້ນີ້141
ມື້ວານ344
ອາທິດນີ້391
ເດືອນນີ້1499