ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ທູດລາວ ຍື່ນສານຕາຕັ້ງຕໍ່ຜູ້ສຳເລັດລາຊະການແຫ່ງປະເທດການາດາ

am canada1  am canada2

ໃນຕອນເຊົ້າຂອງວັນທີ 26 ມັງກອນ 2016, ທ່ານ ໄມ ໄຊຍະວົງສ໌ ໄດ້ເຂົ້າຍື່ນສານຕາຕັ້ງຂອງປະທານປະເທດ ຈູມມາລີ ໄຊຍະສອນ ຕໍ່ພະນະ​ທ່ານ David Lloyd Johnston, ຜູ້​ສຳ​ເລັດ​ລາຊະ​ການ​ແຫ່ງ​ປະ​ເທດ​ກາ​ນາ​ດາ, ທີ່ທຳ​ນຽບ​ຜູ້​ສຳ​ເລັດ​ລາຊະ​ການ​ແຫ່ງ​ປະ​ເທດ​ກາ​ນາ​ດາ, ນະຄອນຫລວງໂອ​ຕາ​ວາ, ເພື່ອດໍາລົງຕໍາແໜ່ງເປັນເອກອັກຄະລັດຖະທູດວິສາມັນຜູ້ມີ ອໍານາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົນໃໝ່ປະຈໍາກາ​ນາ​ດາ, ເຊິ່ງມີສໍານັກງານຕັ້ງຢູ່ນະຄອນຫລວງວໍຊິງຕັນ, ດີຊີ, ສະ​ຫະ​ລັດ ອາ​ເມ​ຣິ​ກາ.

ໃນໂອກາດດັ່ງກ່າວ, ທ່ານທູດໄດ້ສະແດງຄວາມຍິນດີ ແລະ ຖືເປັນກຽດຢ່າງສູງທີ່ໄດ້ເຂົ້າຢ້ຽມຄໍານັບພະນະທ່ານ​ຜູ້​ສຳ​ເລັດ​ລາຊະ​ການແຫ່ງປະ​ເທດ​ກາ​ນາ​ດາ ແລະ ໄດ້ນໍາເອົາຄໍາອວຍພອນ, ຢ້ຽມຢາມຖາມຂ່າວອັນອົບອຸ່ນ ແລະ ຄວາມປາຖະໜາດີຂອງພະນະທ່ານປະທານປະເທດ ຈູມມາລີ ໄຊຍະສອນ ສົ່ງເຖິງພະນະທ່ານຜູ້​ສຳ​ເລັດ​ລາຊະ​ການ David Lloyd Johnston; ພ້ອມນັ້ນ, ກໍ່​ໄດ້ຕີລາຄາສູງຕໍ່ຜົນສໍາເລັດໃນການພົວພັນ ແລະ ຮ່ວມມືລະຫວ່າງ ສປປ ລາວ ແລະ ກາ​ນາ​ດາໃນຊຸມປີທີ່ຜ່ານມາ ແລະ ຢືນຢັນວ່າ ຈະເຮັດສຸດຄວາມສາມາດຂອງຕົນ ເພື່ອສືບຕໍ່ສົ່ງເສີມສາຍພົວພັນມິດຕະພາບ ແລະ ການຮ່ວມມືສອງຝ່າຍ ລະຫວ່າງ ສປປ ລາວ ແລະ ກາ​ນາ​ດາ ໃຫ້ມີການຂະຫຍາຍຕົວສູງຂຶ້ນກວ່າ​ເກົ່າ.

ພ້ອມນັ້ນ, ທ່ານເອກອັກຄະລັດຖະທູດກໍໄດ້ຍົກໃຫ້ເຫັນວ່າ ຕະ​ຫລອດ​ໄລ​ຍະ 62 ປີ ແຫ່ງການສ້າງຕັ້ງສາຍພົວພັນການທູດລະຫວ່າງ ການາ​ດາ-ສປປ ລາວ, ​ເຊິ່ງສອງຝ່າຍກໍ​ໄດ້ມີການຮ່ວມ​ມື​ກັນ​ໃນ​ຫລາຍ​ຂົງ​ເຂດ​ທີ່​ມີ​ຜົນ​ປະ​ໂຫຍດ​ຮ່ວມກັນ ແລະ ​ມີ​ການແລກປ່ຽນການຢ້ຽມຢາມລະຫວ່າງການນໍາຂັ້ນສູງຂອງທັງສອງປະເທດ. ໃນໂອກາດດຽວກັນ, ທ່ານເອກອັກຄະລັດຖະທູດກໍໄດ້ສະແດງຄວາມຂອບໃຈ ແລະ ຊົມເຊີຍຕໍ່ການຮ່ວມມືສອງຝ່າຍ, ເຊິ່ງເຫັນວ່າມີຄວາມກ້າວໜ້າ ໂດຍສະເພາະການປະກອບ​ສ່ວນຊ່ວຍເຫລືອດ້ານທຶນຮອນເຂົ້າໃນໂຄງການເກັບກູ້ລະເບີດທີ່ບໍ່ທັນແຕກໃນປາງສົງຄາມ, ເຊິ່ງເປັນອຸປະສັກໃຫ້ແກ່ການພັດທະນາເສດຖະກິດສັງຄົມຂອງ ສປປ ລາວ. ພ້ອມ​ທັງໄດ້​ຖື​ໂອ​ກາດ​ສະ​ແດງ​ຄວາມ​ຂອບ​ໃຈ​ຕໍ່​ລັດ​ຖະ​ບານ​ກາ​ນາ​ດາ​ທີ່​ໃຫ້​ການ​ຊ່ວຍ​ເຫລືອ​ຕໍ່ ສ​ປ​ປ ລາວ ໂດຍ​ສະ​ເພາະ​ດ້ານ​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ຂອງ​ປະ​ເທດ ແລະ ໃນປີ 2016 ນີ້, ສປປ ລາວ ໃນ​ຖາ​ນະເປັນປະທານອາຊຽນ ຈຶ່ງຖືເປັນໂອກາດດີທີ່ ສປປ ລາວ ຈະໄດ້ຮັບກຽດຕ້ອນຮັບ​ຄະ​ນະ​ຜູ້​ແທນ​ຂັ້ນ​ສູງ​ຈາກ​ກາ​ນາ​ດາ ເພື່ອ​ເຂົ້າຮ່ວມກອງປະ ຊຸມອາຊຽນ-ກາ​ນາ​ດາ ​ໂດຍ​ສະ​ເພາະກອງປະຊຸມ​ລັດຖະ​ມົນ​ຕີຕ່າງ​ປະ​ເທດອາ​ຊຽນ-ກາ​ນາ​ດາ ທີ່ ສປປ ລາວ ຈະເປັນ ເຈົ້າພາບໃນ​ເດືອນ​ກໍ​ລະ​ກົດ​ທີ່​ຈະ​ມາ​ເຖິງນີ້.

ໃນຂະນະດຽວກັນ, ພະນະທ່ານຜູ້​ສຳ​ເລັດ​ລາຊະ​ການ​ແຫ່ງ​ປະ​ເທດ​ກາ​ນາ​ດາ David Lloyd Johnston ໄດ້ສະແດງຄວາມຍິນດີຕ້ອນຮັບທ່ານເອກອັກຄະລັດຖະທູດແຫ່ງ ສປປ ລາວ ຄົນໃໝ່; ໄດ້ສົ່ງຄໍາຢ້ຽມຢາມຖາມຂ່າວອັນອົບອຸ່ນ ແລະ ພອນໄຊອັນປະເສີດມາຍັງພະນະທ່ານປະທານປະເທດ ແລະ ປະຊາຊົນລາວທຸກຖ້ວນໜ້າ; ທ່ານໄດ້ໃຫ້ທັດສະນະວ່າ ໃນໄລຍະ 62 ປີແຫ່ງການພົວພັນລະຫວ່າງກາ​ນາ​ດາ ແລະ ສປປ ລາວ, ເຊິ່ງ ສອງປະເທດໄດ້ມີການຮ່ວມມືກັນຫລາຍດ້ານ ເປັນຕົ້ນແມ່ນດ້ານສາທາລະນະສຸກ, ສະພາບແວດລ້ອມ, ພະລັງງານ, ການສຶກສາ, ການປະຕິບັດດ້ານກົດໝາຍ ແລະ ຫລາຍບັນຫາໃນຂອບການຮ່ວມມືພາກພື້ນ, ເຊິ່ງມີຄວາມເຊື່ອໝັ້ນ ວ່າການຮ່ວມມືດັ່ງກ່າວມານັ້ນຈະມີຄວາມແຈ່ມໄສໃນອະນາຄົດ. ກາ​ນາ​ດາ ຈະສືບຕໍ່ຮ່ວມມື ແລະ ໃຫ້​ການ​ຊ່ວຍ​ເຫລືອ​ແກ່ ສປປ ລາວ ໃນດ້ານ​ຕ່າງໆ ໂດຍ​ສະ​ເພາະການແກ້ໄຂບັນຫາລະເບີດບໍ່ທັນແຕກ (UXO) ຢູ່ ສປປ ລາວ.ພ້ອມ​ທັງ ໄດ້ສະແດງຄວາມຊົມເຊີຍຕໍ່ ສປປ ລາວ ທີ່​ໄດ້​ຮັບ​ກຽດເປັນປະທານອາ​ຊຽນ ໃນປີ 2016 ນີ້, ເຊິ່ງກາ​ນາ​ດາຖືວ່າ ອາຊຽນມີບົດບາດທີ່ສໍາຄັນໃນການຮັກສາສັນຕິພາບ ແລະ ຄວາມໝັ້ນຄົງໃນຂົງເຂດ ແລະ ສົ່ງເສີມຄວາມຈະເລີນກ້າວໜ້າທາງດ້ານເສດຖະກິດ. ດັ່ງນັ້ນ, ຜົນສໍາເລັດໃນການເປັນປະທານອາຊຽນຂອງ ສປປ ລາວ ແມ່ນມີຄວາມສໍາຄັນທີ່ສຸດຕໍ່​ກາ​ນາ​ດາ ແລະ ກຽມພ້ອມໃຫ້ການຮ່ວມມືແກ່ ສປປ ລາວ ເພື່ອ​ໃຫ້​ການ​ເປັນ​ປະ​ທານ​ອາ​ຊຽນ​ຂອງ ສ​ປ​ປ ລາວ​ ມີ​ຜົນ​ສຳ​ເລັດ​ຢ່າງ​ຈົບ​ງາມ.

ຫລັງ​ຈາກນັ້ນ, ທ່ານ​ທູດ​ເຮົາ ໄດ້​ເຂົ້າ​ຢ້ຽມ​ຂ່ຳ​ນັບທ່ານ Daniel Jean, ລັດ​ຖະ​ມົນ​ຕີ​ຊ່ວຍ​ວ່າ​ການ​ກະ​ຊວງ​ການ​ຕ່າງ​ປະເທດ, ເຊິ່ງ​ສອງ​ຝ່າຍ​ໄດ້​ແລກ​ປ່ຽນ​ບັນ​ຫາ​ຕ່າງໆ​ທີ່​ສຳ​ຄັນ​ຮ່ວມ​ກັນ​ ໂດຍ​ສະ​ເພາະ​ທ່ານ​ທູດ​ເຮົາ​ໄດ້​ສະ​ເໜີ​ວ່າ ໃນ​ໄລ​ຍະ​ຊຸມ​ປີ​​ຜ່ານ​ມາເຫັນ​ວ່​າ​ການ​ຮ່ວມ​ມື​ດ້ານ​ການ​ຄ້າ ແລະ ການ​ລົງ​ທຶນ​ຍັງ​ບໍ່​ທັນ​ກວ້າງ​ຂວາງ ຈຶ່ງ​ເຫັນ​​ຄວນ​ສືບ​ຕໍ່​ຊຸກ​ຍູ້​ໃຫ້​ຂະ​ຫຍາຍ​ດ້ານການ​ຄ້າ ແລະ ການ​ລົງ​ທຶນ​ຕື່ມ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
115259
ມື້ນີ້52
ມື້ວານ94
ອາທິດນີ້212
ເດືອນນີ້2356
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710