ໃນຕອນບ່າຍຂອງວັນທີ 16 ມີນາ 2016, ທີ່ ສະຖານເອກອັກຄະລັດຖະທູດ ຟີລິບປີນ, ທ່ານ ບຸນທົງ ຈັນທະປະເສີດ, ຮອງຫົວຫນ້າຫ້ອງການກະຊວງການຕ່າງປະເທດ ແຫ່ງ ສປປ ລາວ ພ້ອມດ້ວຍບັນດາຄະນະກົມຂອງກະຊວງການຕ່າງປະເທດ ໄດ້ຕາງໜ້າໃຫ້ຄະນະນຳກະຊວງການຕ່າງປະເທດ ເຊັນປື້ມໄຫວ້ອາໄລແກ່ດວງວິນຍານຂອງ ທ່ານ Antonio L.Cabangon-Chua, ອາດີດເອກອັກຄະລັດຖະທູດ ແຫ່ງ ສ.ຟີລິບປີນ ປະຈຳ ສປປ ລາວ ແລະ ທັງເປັນປະທານສະພາທຸລະກິດ ຟີລິບປີນ-ລາວ, ທີ່ໄດ້ເຖິງແກ່ມໍລະນະກຳ ໃນວັນທີ 11 ມີນາ 2016, ທີ່ ນະຄອນຫລວງ ມານີລາ ດ້ວຍໂລກຊະລາ ລວມອາຍຸໄດ້ 81 ປີ.

ໃນໂອກາດດັ່ງກ່າວ, ທ່ານໄດ້ສະແດງຄວາມເສົ້າສະຫຼົດໃຈ ແລະ ຄວາມເຫັນໃຈຢ່າງສຸດຊຶ້ງ ຕໍ່ການເສຍຊີວິດຂອງ ທ່ານ Antonio L.Cabangon-Chua, ອາດີດເອກອັກຄະລັດຖະທູດ ແຫ່ງ ສ.ຟີລິບປີນ ປະຈຳ ສປປ ລາວ. ພ້ອມນັ້ນ, ທ່ານໄດ້ແບ່ງປັນຄວາມໂສກເສົ້າມາຍັງ ລັດຖະບານ ພ້ອມດ້ວຍປະຊາຊົນ ແລະ ຄອບຄົວຂອງ ທ່ານ Antonio L.Cabangon-Chua ມາໃນໂອກາດນີ້ດ້ວຍ.