ໃນວັນທີ 19 ມີນາ 2016 ຜ່ານມານີ້, ສະຖານກົງສຸນໃຫຍ່ ສປປ ລາວ ປະຈຳ ຣາຊະອານາຈັກໄທ ທີ່ ຈັງຫວັດຂອນແກ່ນ, ໄດ້ຈັດຕັ້ງພິທີ ການປ່ອນບັດເລືອກຕັ້ງສະມາຊິກ ສະພາແຫ່ງຊາດ ຊຸດທີ VIII ຂຶ້ນຢ່າງເປັນທາງການ ໂດຍການນຳພາຂອງ ທ່ານ ບຸນສີ ວົງບົວສີ, ກົງສຸນໃຫຍ່, ທັງເປັນຫົວໜ້າຄະນະຮັບຜິດຊອບປ່ອນບັດເລືອກຕັ້ງ ພ້ອມດ້ວຍພະນັກງານ ສະຖານກົງສຸນໃຫຍ່ ແລະ ນັກສຶກສາລາວ ຈາກມະຫາວິທະຍາໄລຕ່າງໆຂອງພາກ ອີ່ສານ ຢູ່ພາຍໃຕ້ຄວາມຮັບຜິດຊອບ ຂອງສະຖານກົງສຸນໃຫຍ່ ຈຳນວນ 112 ຄົນ, ຍິງ 34 ຄົນ, ພ້ອມພາກັນຊົມໃຊ້ສິດປະຊາທິປະໄຕຂອງຕົນ ເຂົ້າຮ່ວມການປ່ອນບັັດເລືອກເອົາ ສະມາຊິກສະພາແຫ່ງຊາດ ຊຸດທີ VIII, ດ້ວຍບັນຍາກາດເບີກບານມ່ວນຊື່ນ ແລະ ມີຄວາມຮັບຜິດຊອບສູງ ໂດຍມີໝາກຜົນສຳເລັດລົງດ້ວຍຄວາມເປັນລະບຽບຮຽບຮ້ອຍດີທຸກປະການ.