ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມເຜີຍແຜ່ ສຳລັບບັນດາທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນທີ່ທີ່ກ່ຽວຂ້ອງ ກ່ຽວກັບການເປັນປະທານອາຊຽນ ຂອງ ສປປ ລາວ ປີ 2016

asean donechan

ໃນວັນທີ 22 ເມສາ 2016, ກົມອາຊຽນ, ກະຊວງການຕ່າງປະເທດໄດ້ຈັດກອງປະຊຸມເຜີຍແຜ່ ສຳລັບບັນດາທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນທີ່ກ່ຽວຂ້ອງ ກ່ຽວກັບການເປັນປະທານອາຊຽນ ຂອງ ສປປ ລາວ ປີ 2016, ທີ່ໂຮງແຮມດອນຈັນ ພາເລສ, ນະຄອນຫລວງວຽງຈັນ ໂດຍການເປັນປະທານຂອງທ່ານ ພົງ​ສະຫວັນ ສີ​ສຸລາ​ດ, ຫົວໜ້າກົມອາຊຽນ, ກະຊວງການຕ່າງປະເທດ ແລະ ບັນຍາຍໂດຍ ຜູ້ຕາງຫນ້າຈາກກະຊວງການຕ່າງປະເທດ, ກະຊວງອຸດສາຫະກຳ ແລະ ການຄ້າ, ແລະ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ສໍາລັບ ແຕ່ລະເສົາຄໍ້າປະຊາຄົມອາຊຽນ ຄື: ປະຊາຄົມ ການເມືອງ-ຄວາມຫມັ້ນຄົງອາຊຽນ, ປະຊາຄົມ ເສດຖະກິດອາຊຽນ ແລະ ປະຊາຄົມ ວັດທະນະທໍາ-ສັງຄົມອາຊຽນ. ພ້ອມດ້ວຍຜູ້ເຂົ້າຮ່ວມຈາກຂະແຫນງການກ່ຽວຂ້ອງ, ບັນດາທູຕານຸທູດ, ແລະ ອົງການຈັດຕັ້ງສາກົນທີ່ກ່ຽວຂ້ອງຕ່າງໆຈໍານວນ 100 ກ່ວາທ່ານ.

ຈຸດປະສົງຂອງ ກອງປະຊຸມຄັ້ງນີ້ແມ່ນແນໃສ່ເຜີຍແຜ່ ກ່ຽວກັບການເປັນປະທານອາຊຽນຂອງ ສປປ ລາວ ສໍາລັບປີ 2016 ຊຶ່ງລວມມີ ບູລິມະສິດສໍາລັບການເປັນປະທານອາຊຽນຂອງ ສປປ ລາວ ສໍາລັບທັງ 3 ເສົາຄໍ້າປະຊາຄົມອາຊຽນ, ຜົນຂອງກອງປະຊຸມຕ່າງໆທີ່ ສປປ ລາວ ເປັນປະທານໃນໄລຍະຜ່ານມາ ລວມທັງ ຜົນກອງປະຊຸມວົງແຄບຂອງລັດຖະມົນຕີຕ່າງປະເທດອາຊຽນຜ່ານມາ ແລະ ການກະກຽມດ້ານເນື້ອໃນ ແລະ ພາລາທິການຕ່າງໆ ສໍາລັບກອງປະຊຸມລັດຖະມົນຕີຕ່າງປະເທດອາຊຽນຄັ້ງທີ 49 ແລະ ກອງປະຊຸມລັດຖະມົນຕີກ່ຽວຂ້ອງອື່ນໆ ທີ່ຈະຈັດຂຶ້ນໃນເດືອນ ກໍລະກົດ 2016, ແລະ ກອງປະຊຸມສຸດຍອດອາຊຽນ ຄັ້ງທີ 28, 29 ແລະ ກອງປະຊຸມສຸດຍອດອື່ນໆທີ່ກ່ຽວຂ້ອງ ທີ່ ສປປ ລາວ ເຮົາຈະເປັນປະທານທັງຫມົດ 11 ກອງປະຊຸມສຸດຍອດໃນເດືອນ ກັນຍາ 2016 ນີ້.

ໃນກອງປະຊຸມດັ່ງກ່າວ, ຜູ້ບັນຍາຍຈາກແຕ່ລະເສົ້າຄໍ້າ ໄດ້ອະທິບາຍກ່ຽວກັບ 8 ບູລິມະສິດສໍາລັບການເປັນປະທານອາຊຽນຂອງ ສປປ ລາວ ທີ່ກອງປະຊຸມວົງແຄບຂອງລັດຖະມົນຕີຕ່າງປະເທດອາຊຽນໄດ້ຮັບຮອງເອົາ ຄື: ການຈັດຕັ້ງປະຕິບັດວິໄສທັດປະຊາຄົມອາຊຽນ 2025, ການຮັດແຄບຄວາມແຕກໂຕນດ້ານການພັດທະນາ, ການອຳນວຍຄວາມສະດວກດ້ານການຄ້າ, ການພັດທະນາວິສາຫະກິດຂະໜາດນ້ອຍ ແລະ ຂະໜາດກາງ, ການພັດທະນາການທ່ອງທ່ຽວ, ການເຊື່ອມຈອດ, ການຫັນປ່ຽນການຈ້າງງານນອກລະບົບໄປສູ່ການຈ້າງງານໃນລະບົບ ​ເພື່ອ​ກ້າວ​ໄປ​ສູ່​ການ​ສົ່ງ​ເສີມ​ວຽກທີ່​ມີ​ຄຸນຄ່າ​ໃນ​ອາຊຽນ, ແລະ ການສົ່ງເສີມການຮ່ວມມືພາກພື້ນເພື່ອການອະນຸລັກ, ປົກປັກຮັກສາແລະສົ່ງເສີມມໍລະດົກທາງດ້ານວັດທະນະທຳອາຊຽນ. ນອກຈາກນີ້, ຜູ້ບັນຍາຍຍັງໄດ້ອະທິບາຍກ່ຽວກັບການກະກຽມດ້ານເນື້ອໃນຕ່າງໆ ໂດຍສະເພາະການຜັນຂະຫຍາຍບັນດາບູລິມະສິດຕ່າງໆ ໃຫ້ເປັນເອກະສານອາຊຽນ ເພື່ອໃຫ້ຜູ້ນໍາອາຊຽນຮັບຮອງເອົາໃນໂອກາດກອງປະຊຸມສຸດຍອດອາຊຽນ ຄັ້ງທີ 28, 29 ແລະ ກອງປະຊຸມສຸດຍອດອື່ນໆ ທີ່ກ່ຽວຂ້ອງ.

ນອກຈາກນີ້, ຫົວຫນ້າກົມພິທີການທູດ, ກະຊວງການຕ່າງປະເທດທີ່ຮັບຜິດຊອບດ້ານພິທີການແລະພາລາທິການກໍໄດ້ບັນລະຍາຍກ່ຽວກັບຄວາມພ້ອມດ້ານພິທີການ ແລະ ພາລາທິການສໍາລັບກອງປະຊຸມລະດັບລັດຖະມົນຕີຕ່າງປະເທດອາຊຽນ ແລະ ກອງປະຊຸມສຸດຍອດອາຊຽນ.

ໃນຕອນທ້າຍຂອງກອງປະຊຸມ, ກໍມີການແລກປ່ຽນຄວາມຄິດຄວາມເຫັນ ທັງທາງດ້ານເນື້ອໃນ, ພີທີການ ແລະ ພາລາທິການ ເພື່ອໃຫ້ຜູ້ເຂົ້າຮ່ວມ ໂດຍສະເພາະ ບັນດາທູຕານຸທູດ ແລະ ຕາງຫນ້າອົງການຈັດຕັ້ງພາກພື້ນ ແລະ ສາກົນ ມີຄວາມເຂົ້າໃຈແຈ້ງ ກ່ຽວກັບການເປັນປະທານອາຊຽນຂອງ ສປປ ລາວ, ລວມທັງການກະກຽມດ້ານຕ່າງໆ ສໍາລັບບັນດາກອງປະຊຸມທີ່ ສປປ ລາວຈະເປັນເຈົ້າພາບ ແລະ ເປັນປະທານໃນປີ 2016.

ຂ່າວອື່ນໆທີ່ກ່ຽວຂ້ອງ

ແຈ້ງການ

     

* (ໃໝ່) ແຈ້ງການ ຂອງຫ້ອງວ່າການປະທານປະເທດ ກ່ຽວກັບ ສົມເດັດ ພຣະຣາຊາ ອັງຣີ ແຫ່ງ ຣາຊະອານາຈັກ ລຸກຊຳບວກ ​ ພ້ອມດ້ວຍຄະນະ ຈະເດີນທາງມາຢ້ຽມຢາມເຮັດວຽກ ຢູ່ ສປປ ລາວ ໃນວັນທີ 5-9 ທັນວາ 2022

 * (ໃຫມ່) ປະທານປະເທດລາວ ຈະຢ້ຽມຢາມລັດຖະກິດຢູ່ ສປ ຈີນ

 * ການຈັດຕັ້ງປະຕິບັດ ສັນຍາຍົກເວັ້ນວີຊາ ສໍາລັບ ຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຊອກຊີ (Georgia)

* ຮ່າງກົດໝາຍ ວ່າດ້ວຍໜັງສືຜ່ານແດນ ແລະ ຮ່າງດຳລັດ ວ່າດ້ວຍການເຄື່ອນໄຫວຂອງສຳນັກງານຜູ້ຕາງໜ້າ ແຫ່ງ ສປປ ລາວ ປະຈຳຢູ່ຕ່າງປະເທດ ເພື່ອຮັບໃຊ້ການພັດທະນາເສດຖະກິດແຫ່ງຊາດ.

* ການຈັດຕັ້ງປະຕິບັດສັນຍາຍົກເວັ້ນວີຊາ ສຳລັບຜູ້ຖືຫນັງສືຜ່ານແດນການທູດ ແລະ ລັດຖະການ ລະຫວ່າງ ສປປ ລາວ ແລະ ຣາຊະອານາຈັກ ມາຣົກ.

#ແຈ້ງການ ກ່ຽວກັບ ການເອົາສຳນວນຄຳຮ້ອງຟ້ອງ ທີ່ກ່ຽວພັນກັບຄົນຕ່າງປະເທດ ມາສະເໜີຜ່ານ ກະຊວງການຕ່າງປະເທດ.

#ກົດໝາຍ ວ່າດ້ວຍ ຊັ້ນການທູດ ແຫ່ງ ສປປ ລາວ.

*ການປັບປຸງຂໍ້ມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ.

Lao Government
ສາລະຄະດີ 70ປີ ວັນການທູດລາວ

ຈຳນວນຜູ້ເຂົ້າຊົມ
374744
ມື້ນີ້144
ມື້ວານ344
ອາທິດນີ້394
ເດືອນນີ້1502