ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ສະຖານທູດລາວ ປະຈຳ ສະຫະລັດອາເມລິກາ, ການາດາ ແລະ ແມັກຊິໂກ ສະເຫລີມສະຫລອງບຸນປີໃໝ່ລາວ ພສ 2559

 

AMpeemai

 

ໃນວັນທີ 30 ເມສາ 2016, ສະຖານເອກອັກຄະລັດຖະທູດ ແຫ່ງ ສປປ ລາວ ປະຈຳ ສະຫະລັດອາເມລິກາ, ການາດາ ແລະ ແມັກຊິໂກ ໄດ້ຈັດພິທີສະເຫລີມສະຫລອງບຸນປີໃໝ່ລາວ ພສ 2559, ທີ່ ສະຖານທູດລາວ ທີ່ນະຄອນຫລວງ ວໍຊິງຕັນ, ດີຊີ ໂດຍໄດ້ເຊື້ອເຊີນພີ່ນ້ອງຄົນເຊື້ອຊາດລາວ ຈາກບັນດາລັດຕ່າງໆໃນ ສະຫະລັດອາເມຣິກາ ແລະ ຈາກການາດາ ແລະ ບັນດາແຂກຈໍານວນໜຶ່ງ ຈາກກະຊວງການຕ່າງປະເທດ ສະຫະລັດອາເມລິກາ, ຈາກລັດຖະສະພາ, ກະຊວງທີ່ກ່ຽວຂ້ອງຕ່າງໆ, ບັນດານັກການທູດຈາກປະເທດອາຊຽນ ແລະ ນັກທຸລະກິດຈໍານວນໜຶ່ງ ເຂົ້າຮ່ວມປະມານ 600 ກວ່າຄົນ.

 

ໃນໂອກາດສະເຫລີມສະຫລອງບຸນປີໃໝ່ລາວຄັ້ງນີ້, ທາງສະຖານເອກອັກຄະລັດຖະທູດໄດ້ຈັດກິດຈະກຳດັ່ງນີ້:

 

-       ໃນວັນທີ 28 ​ເມສາ 2559, ໄດ້ຕັ້ງກອງບຸນ ແລະ ເຄື່ອງຖວາຍສັງຂະທານ ແລະ ໃນຕອນເຊົ້າຂອງວັນທີ 29 ເມສາ ໄດ້ຈັດພິທີທຳບຸນຕັກບາດ, ຖວາຍ​​ເພນແລະ ຖວາຍເຄື່ອງສັງຄະທານແດ່ພະສົງ 9 ອົງ ຕາມປະເພນີທາງພະພຸດທະສາດສະໜາ;

 

- ໃນວັນທີ 30 ເມສາ, ສະຖານເອກອັກຄະລັດຖະທູດເຮົາ ໄດ້ຖືໂອກາດສຳຄັນດັ່ງກ່າວນີ້ ຈັດແຂ່ງຂັນກິລາຕີກ໊ອບມິດຕະພາບ ເພື່ອຊີງຂັນລາງວັນຂອງສະຖານເອກອັກຄະລັດຖະທູດ ສປປ ລາວ ແລະ ສໍາຄັນແມ່ນເພື່ອເປັນການສ້າງຄວາມສາມັກຄີ, ຮັກແພງ ແລະ ເຂົ້າອົກເຂົ້າໃຈເຊິ່ງກັນ ແລະ ກັນໃຫ້ສູງຂຶ້ນກວ່າເກົ່າ. ການແຂ່ງຂັນຄັ້ງນີ້ໄດ້ມີນັກກິລາຄົນເຊື້ອຊາດລາວ ຈາກຫລາຍລັດໃນອາເມລິກາ ແລະ ການາດາເຂົ້າຮ່ວມ. ໃນຕອນແລງຂອງວັນດຽວກັນ ກໍ່ໄດ້ມີພິທີຈັດງານລ້ຽງສັງສັນ, ເຊິ່ງໃນໂອກາດງານສໍາຄັນດັ່ງກ່າວນີ້​​​ ທ່ານເອກ​ອັກຄະ​ລັດຖະທູດ ໄມ ໄຊຍະວົງສ໌ ໄດ້ໃຫ້ກຽດຂຶ້ນກ່າວເປີດພິທີ ພ້ອມທັງແຈ້ງຜົນສໍາເລັດໃນການພັດທະນາເສດຖະກິດ-ສັງຄົມ ຂອງປະເທດເຮົາຕະຫລອດໄລຍະ 40 ປີ ຜ່ານມາ ແລະ ເຫດການຕ່າງໆທີ່ສໍາຄັນ ແລະ ພົ້ນເດັ່ນ ທີ່ເກີດຂຶ້ນຢູ່ ສປປ ລາວ ໃນປີ 2015-2016 ໂດຍສະເພາະການສະເຫລີມສະຫລອງວັນຊາດເຮົາ ແລະ ການເປັນປະທານອາຊຽນ 2016, ເຊິ່ງ ສປປ ລາວ ຈະໄດ້ຮັບກຽດຕ້ອນຮັບການເດີນທາງໄປຢ້ຽມຢາມຢ່າງເປັນທາງການ ພ້ອມທັງເຂົ້າຮ່ວມກອງປະຊຸມສຸດຍອດອາຊຽນ ແລະ ກອງປະຊຸມທີ່ກ່ຽວຂ້ອງຕ່າງໆ ຂອງປະທານາທິບໍດີ ບາຣັກ ໂອບາມາ. ພ້ອມດຽວກັນນີ້ ທ່ານທູດ ກໍໄດ້ຖືໂອກາດສະແດງຄວາມຂອບໃຈ ແລະ ອວຍໄຊໃຫ້ພອນແກ່ແຂກທີ່ມາຮ່ວມງານ, ເຊິ່ງເຮັດໃຫ້ພີ່ນ້ອງຄົນເຊື້ອຊາດລາວ ພາກັນສະແດງຄວາມດີອົກດີໃຈຕໍ່ຄໍາອວຍພອນ ແລະ ຜົນສໍາເລັດໃນການພັດທະນາຂອງປະເທດ ທີ່ເປັນຖິ່ນກໍາເນີດຂອງຕົນ. ພາຍຫລັງທີ່ເປີດພິທີຢ່າງ​ເປັນ​ທາງ​ການ​ແລ້ວ, ກໍ​ໄດ້ມີ​ການສະ​ແດງສິລະປະວັນນະຄະດີທີ ່ເປັນເອກະລັກຂອງຊາດລາວເຮົາ ໂດຍມີການປະກອບສ່ວນຈາກບັນດາຄະນະສີລະປະຄົນເຊື້ອຊາດລາວເຮົາຈາກລັດຕ່າງໆ ອັນ​ໄດ້​ສ້າງ​ຄວາມ​ປະ​ທັບ​ໃຈ​​ ​ແລະ​ ໄດ້ຮັບການຍ້ອງຍໍ​ຊົມ​ເຊີຍ​ ຈາກ​ບັນດາແຂກທີ່ມາຮ່ວມ​ງານຢ່າງ​ກວ້າງຂວາງ. ຫລັງຈາກນັ້ນກໍໄດ້ສືບຕໍ່ຮັບປະທານອາຫານຄໍ່າ ແລະ ມ່ວນຊື່ນຕາມຮີດຄອງປະເພນີຂອງຊາດລາວເຮົາ ອັນໄດ້ເຮັດໃຫ້ບັນດາແຂກທີ່ມາຮ່ວມງານ ມີຄວາມມ່ວນຊື່ນ ແລະ ເພິ່ງພໍໃຈຕໍ່ການສະຫລອງປີໃໝ່ລາວເຮົາໃນປີນີ້. ພິທີສະເຫລີມສະຫລອງປີໃໝ່ລາວປີນີ້ ແມ່ນເຕັມໄປດ້ວຍບັນຍາກາດຄຶກຄື້ນມ່ວນຊື່ນ ແລະ ປະສົບຜົນສຳເລັດຢ່າງຈົບງາມ.

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
115032
ມື້ນີ້12
ມື້ວານ93
ອາທິດນີ້603
ເດືອນນີ້2129
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710