ໃນວັນທີ 4 ກັນຍາ 2020, ທ່ານ ເຮືອງແສງ ຄໍາດາລາວົງ, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ສປປ ລາວ ປະຈໍາ ສສ ມຽນມາ ໄດ້ເຂົ້າຮ່ວມກອງປະຊຸມພົບປະແບບທາງໄກ ລະຫວ່າງ ທ່ານ ນາງ ອອງຊານ ຊູຈີ, ທີ່ປຶກສາແຫ່ງລັດ, ລັດຖະມົນຕີຕ່າງປະເທດ ແຫ່ງ ສສ ມຽນມາ ແລະ ບັນດາເອກອັກຄະລັດຖະທູດປະເທດອາຊຽນ ປະຈໍາ ສສ ມຽນມາ ເພື່ອສະເຫຼີມສະຫຼອງວັນສ້າງຕັ້ງອາຊຽນ ຄົບຮອບ 53 ປີ.
ໃນຕອນເຊົ້າຂອງວັນທີ 28 ສິງຫາ 2020, ທີ່ ກະຊວງການຕ່າງປະເທດ, ທ່ານ ກິ່ງໂພແກ້ວ ພົມມະຫາໄຊ, ຮັກສາການຫົວໜ້າກົມເສດຖະກິດ, ກະຊວງການຕ່າງປະເທດ, ທັງເປັນສະມາຊິກສະພາບໍລິຫານ ສະຖາບັນແມ່ນໍ້າຂອງ (Mekong Institute Council Member) ຂອງ ສປປ ລາວ ພ້ອມດ້ວຍຄະນະ ໄດ້ເຂົ້າຮ່ວມກອງປະຊຸມ ສະພາບໍລິຫານສະຖາບັນ ແມ່ນໍ້າຂອງ ຄັ້ງທີ 1 ປະຈໍາສົກປີ 2020 ຜ່ານລະບົບວີດີໂອທາງໄກ.
ໃນລະຫວ່າງວັນທີ 28 ກໍລະກົດ - 01 ສິງຫາ 2020 ທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ສສ. ຫວຽດນາມ ພ້ອມດ້ວຍຄະນະໄດ້ເຂົ້າຢ້ຽມຂ່ຳນັບການນຳແຂວງ ເຊິນລາ ແລະ ແຂວງ ດ້ຽນບຽນ ໃນໂອກາດທີ່ດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ສສ. ຫວຽດນາມ, ເຊິ່ງໄດ້ຮັບການຕ້ອນຮັບຈາກທ່ານ ຟາມວັນຖຸຍ, ກຳມະການພັກແຂວງ, ຮອງປະທານຄະນະກຳມະການປະຊາຊົນແຂວງ ເຊິນລາ ແລະ ທ່ານ ມົວອາເຊິນ, ຮອງເລຂາຄະນະພັກແຂວງ, ປະທານຄະ ນະກຳມະການປະຊາຊົນແຂວງ ດ້ຽນບຽນ ທີ່ ຫ້ອງວ່າການປົກຄອງແຂວງຂອງແຕ່ລະແຂວງ.