ໃນວັນທີ 10 ເມສາ 2019, ທີ່ ສຳນັກງານປະທານາທິບໍດີ ແຫ່ງ ສາທາລະນະລັດ ສະຫະພາບ ມຽນມາ, ທ່ານ ເຮືອງແສງ ຄໍາດາລາວົງ ໄດ້ເຂົ້າຍື່ນສານຕາຕັ້ງຕໍ່ ພະນະທ່ານ ອູ ວິນ ໝິນ, ປະທານາທິບໍດີ ແຫ່ງ ສາທາລະນະລັດ ສະຫະພາບ ມຽນມາ, ເພື່ອດໍາລົງຕໍາແໜ່ງເປັນ ເອກອັກຄະລັດຖະທູດວິສາມັນ ຜູ້ມີອໍານາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈໍາ ສາທາລະນະລັດ ສະຫະພາບ ມຽນມາ.
ໃນວັນທີ 08 ເມສາ 2019, ທີ່ ນະຄອນຫຼວງວໍຊິງຕັນ ດີຊີ, ທ່ານ ຄຳພັນ ອັ່ນລາວັນ ໄດ້ຍື່ນສານຕາຕັ້ງຕໍ່ ທ່ານ ໂດນັນ ທຣໍາ, ປະທານາທິບໍດີ ແຫ່ງ ສະຫະລັດ ອາເມລິກາ ເພື່ອດຳລົງຕຳແໜ່ງເປັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສະຫະລັດ ອາເມລິກາ.
ໃນຕອນບ່າຍຂອງວັນທີ 8 ເມສາ 2019, ທີ່ທໍານຽບປະທານາທິບໍດີ, ນະຄອນຫລວງບູດາເແປັສ, ທ່ານ ສີທົງ ຈິດໂຍທິນ, ໄດ້ຍື່ນສານຕາຕັ້ງຕໍ່ ພະນະທ່ານ ຈາໂນດສ ອາເດ (Janos Ader), ປະທານາທິບໍດີ ແຫ່ງ ສາທາລະນະລັດ ຣົງກາຣີ ເພື່ອດໍາລົງຕໍາແຫນ່ງເປັນເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈໍາ ສ. ຣົງກາຣີ.