ໃນຕອນ​ເຊົ້າ ຂອງ​ວັນ​ທີ  12 ມີນາ 2019, ​ທີ່ ສະ​ຖານ​ທູດ​ ເຢຍລະມັນປະຈຳ ສປປ ລາວ ທີ່ ນະຄອນຫຼວງວຽງຈັນ, ​ທ່ານໂພໄຊ ໄຂຄຳພິທູນ, ຫົວໜ້າຫ້ອງການ​ກະ​ຊວງ​ການ​ຕ່າງ​ປະ​ເທດ ແຫ່ງ ສ​ປ​ປ ລາວ, ໄດ້​​ເຂົ້າຮ່ວມພິທີເຊັນ​ປື້ມ​ໄຫວ້​ອາ​ໄລ​​ ແດ່ດວງວິນຍານຂອງ ທ່ານ Dr. Klaus Kinkel, ອະດີດລັດຖະມົນຕີຕ່າງປະເທດ ແຫ່ງ ສາທາລະນະລັດ ສະຫະພັນ ເຢຍລະມັນ (1992-1998) ທີ່ໄດ້ເຖິງແກ່ມໍລະນະກຳ ໃນວັນທີ 04 ມີນາ 2019.

ໃນອາທິດຜ່ານມາ, ທີ່ບ້ານພັກທູດໄທ, ທ່ານທູດ ສີວຽງເພັດ ເພັດວໍລະສັກ ໄດ້ເຂົ້າຮ່ວມງານພົບປະ ລະຫວ່າງ ທູດອາຊຽນຈາກ 10 ປະເທດ, ສະພາທຸລະກິດ ຣັດເຊຍ-ອາຊຽນ ແລະ ເຈົ້າຫນ້າທີ່ກະຊວງການຕ່າງປະເທດຣັດເຊຍ ພາຍໃຕ້ການເປັນປະທານຮ່ວມ ລະຫວ່າງ ທ່ານ ຖະນາທິບ ອຸປະຕິສິງ, ເອກອັກຄະລັດຖະທູດ ແຫ່ງ ຣາຊະອານາຈັກໄທ ໃນນາມປະທານອາຊຽນ ແລະ ທ່ານ ອີວານ ໂປລີຢາກົບ, ປະທານສະພາທຸລະກິດ ຣັດເຊຍ-ອາຊຽນ.

        ໃນລະຫວ່າງວັນທີ 11-14 ກຸມພາ 2019 ທີ່ຜ່ານມາ, ທ່ານ ພົນຕີ ຄໍາສີ ວົງຄໍາຊາວ, ຫົວໜ້າຫ້ອງວ່າການກະຊວງປ້ອງກັນປະເທດ, ຄະນະຊີ້ນໍາວຽກງານ MIA, ພ້ອມດ້ວຍຄະນະຈາກກະຊວງການຕ່າງປະເທດ ແລະ ກະຊວງປ້ອງກັນປະເທດໄດ້ເດີນທາງໄປຕິດຕາມການປະຕິບັດງານຮ່ວມໃນພາກສະໜາມລະຫວ່າງ ລາວ-ອາເມຣິກາ ໃນການສໍາຫຼວດ ແລະ ຂຸດຄົ້ນເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມຣິກາທີ່ຫາຍສາບສູນໃນປາງສົງຄາມຢູ່ລາວ, ຄັ້ງທີ 2 ປະຈໍາສົກປີ 2018-2019, ຢູ່ແຂວງຫົວພັນ.