ໃນວັນທີ 16 ພະຈິກ 2017, ທ່ານ ຢົງ ຈັນທະລັງສີ ໄດ້ຍື່ນສານຕາຕັ້ງຕໍ່ ພະນະທ່ານ ມາເຊໂລ ເຣເບໂລ ເດີ ຊູຊາ (Marcelo Rebelo De Sousa), ປະທານາທິບໍດີ ແຫ່ງ ສາທາລະນະລັດ ປອກຕຸຍການ,ທີ່ ສຳນັກງານປະທານປະເທດ ນະຄອນຫຼວງລິສບອນ ເພື່ອດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ຄົນໃໝ່ ປະຈຳ ປະເທດປອກຕຸຍການ, ທີ່ມີສຳນັກງານ ຕັ້ງຢູ່ນະຄອນຫລວງປາຣີ, ປະເທດຝຼັ່ງ.

ໃນຕອນ​ທ່ຽງ​ຂອງ ວັນທີ 18 ພະຈິກ 2017, ສະຖານ​ເອກ​ອັກຄະ​ລັດຖະທູດ ​ແຫ່ງ ສປປ ລາວ ທີ່ ອູ​ລານ​ບາ​ຕໍ, ປະ​ເທດ ມົງ​ໂກ​ລີ ໄດ້ຮ່ວມກັບນັກສຶກສາລາວຊາວເຜົ່າມົ້ງ ທີ່ ກໍາລັງສຶກສາຮໍ່າຮຽນ ຢູ່ ມົງໂກລີ ຈັດງານສະເຫລີມສະຫລອງ ສົ່ງ​ທ້າຍ​ປີ​ເກົ່າ ແລະ ຕ້ອນ​ຮັບປີໃຫມ່ (ບຸນ​ກິນ​ຈຽງ) ຂອງຊາວເຜົ່າມົ້ງ ຢູ່ ສະຖານເອກ​ອັກ​ຄະ​ລັດ​ຖະທູດ

ໃນ​ຕອນ​ເຊົ້າ​ຂອງ​ວັນ​ທີ 12 ພະຈິກ 2017, ທີ່ ສະ​ຖາ​ນທູດລາວໃນນະຄອນຫຼວງມົດສະກູ, ພາຍຫລັງສິ້ນສຸດພິທີສະຫລຸບຜົນງານ ແລະ ເລືອກຕັ້ງຄະນະສະມາຄົມນັກສຶກສາລາວຊຸດໃໝ່ ປະຈຳ ນະຄອນຫຼວງມົດສະກູ, ທູດເຮົາໄດ້ພົບປະໂອ້ລົມບັນດານັກສຶກສາລາວທີ່ກຳລັງສຶກສາຮ່ຳຮຽນຢູ່ນະຄອນຫຼວງມົດສະກູ ເຊີ່ງມີນັກສຶກສາເຂົ້າຮ່ວມທັງໝົດ 47 ຄົນ.