ໃນຕອນແລງຂອງວັນທີ່ 28 ເມສາຜ່ານມານີ້, ສາມອົງການຈັດຕັ້ງມະຫາຊົນຂອງສະຖານທູດລາວທີ່ບາງກອກ, ປະເທດໄທໄດ້ຈັດໃຫ້ມີຂະບວນການອອກແຮງງານລວມເພື່ອຄຳນັບຮັບຕ້ອນວັນກຳມະກອນສາກົນຄົບຮອບ 131 ປີ (1/5/1886-1/5/2017).
ໃນວັນທີ 21 ເມສາ 2017 ຄະນະປະຈຳສະພາແຫ່ງຊາດ ໄດ້ພິຈາລະນາ ແລະ ຕົກລົງໃຫ້ສັດຕະຍາບັນສົນທິສັນຍາອາຊຽນ ວ່າດ້ວຍ ການຕ້ານການຄ້າມະນຸດ, ໂດຍສະເພາະແມ່ຍິງ ແລະ ເດັກນ້ອຍ (ASEAN Convention Against Trafficking in Persons, Especially Women and Children). ສົນທິສັນຍາສະບັບນີ້ ໄດ້ຮັບການລົງນາມໂດຍຜູ້ນຳອາຊຽນ ໃນໂອກາດກອງປະຊຸມສຸດຍອດອາຊຽນ ຄັ້ງທີ 27 ເດືອນພະຈິກ 2015 ທີ່ ກົວລາລຳເປີ, ປະເທດມາເລເຊຍ. ປະຈຸບັນ ມີ 7 ປະເທດສະມາຊິກອາຊຽນໄດ້ໃຫ້ສັດຕະຍາບັນສົນທິສັນຍາສະບັບນີ້ ລວມທັງ ສປປ ລາວ.
ໃນວັນທີ 08 ເມສາ 2017, ສະຖານກົງສຸນໃຫຍ່ ແຫ່ງ ສປປ ລາວ ປະຈໍາ ສສ ຫວຽດນາມ ທີ່ ນະຄອນດານັງ ຮ່ວມກັບ ສະມາຄົມມິດຕະພາບຫວຽດນາມ-ລາວນະຄອນດານັງ ແລະ ສະຫະພັນແມ່ຍິງນະຄອນດານັງ ຈັດສະຫຼອງປີໃໝ່ລາວ ພ.ສ 2560. ໃນນີ້ ມີລາຍການແລກປ່ຽນວັດທະນະທໍາອາຫານລາວ-ຫວຽດນາມ.