ໃນຕອນເຊົ້າຂອງວັນທີ 12 ພະຈິກ 2021 ຜ່ານມາ ທ່ານ ນາງ ຟອງສະໝຸດ ອັ່ນລາວັນ, ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວ ປະຈຳປະເທດຍີ່ປຸ່ນ ໄດ້ຕາງໜ້າລັດຖະບານລາວ ມອບສານແຕ່ງຕັ້ງໃຫ້ແກ່ ທ່ານ ຢາຊູຢູກິ ໂອຮາລາ (Mr. Yasuyuki OHARA), ເປັນກົງສຸນກິດຕິມະສັກ ແຫ່ງ ສປປ ລາວ ຄົນໃໝ່ ປະຈໍາເມືອງນາໂກຢາ, ແຂວງໄອຈິ, ປະເທດຍີ່ປຸ່ນ ຢ່າງສົມກຽດ ທີ່ສະຖານເອກອັກຄະລັດຖະທູດ ແຫ່ງ ສປປ ລາວ ທີ່ໂຕກຽວ.

ວັນທີ 19 ພະຈິກ 2021, ໂດຍຕອບສະໜອງຕາມການເຊື້ອເຊີນຂອງ ທ່ານ ຟາ​ມ ກວກ ຈິງ (Phạm Quốc Chính), ປະທານ​ສະພາ​ບໍລິຫານ, ທັງ​ເປັນຜູ້ອຳນວຍການໃຫຍ່ບໍລິສັດ​ຫຸ້ນ​ສ່ວນທໍ່ຢາງ​ຊຸບ​ເປີ​ເຈື່ອງ​ຟັດ, ທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດວິສາມັນຜູ້​ມີ​ອຳນາດ​ເຕັມ ​ແຫ່ງ ສປປ ລາວ ປະຈຳ ສສ ຫວຽດນາມ ພ້ອມຄະນະ​ໄດ້ໄປພົບປະເຮັດວຽກກັບ ບໍລິສັດ ​ແລະ ຢ້ຽມຢາມ​ໂຮງ​ງານທໍ່ຢາງຊຸບເປີ​ເຈືອງ​ຟັດ ຢູ່​ແຂວງ​ບັກ​ນິງ.

ໃນວັນທີ 16 ພະຈິກ 2021, ​ສະຖານ​ເອກ​ອັກຄະລັດຖະທູດ​ແຫ່ງ ສປປ ລາວ​ ປະຈໍາ ສສ ຫວຽດນາມ ແລະ ສະຖານທູດເອກ​ອັກຄະຣາຊະທູດ ແຫ່ງ ຣາຊະອານາຈັກ​ດານ​ມາກ ປະຈໍາ ສປປ ລາວ ​ໄດ້ຮ່ວມກັນຈັດງານລ້ຽງ ເພື່ອສະ​ເຫລີ​ມສະຫລອງ​ວັນສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ຣາຊະອານາຈັກ ດານ​ມາກ ຄົບຮອບ 65 ປີ​ ໂດຍມີ ທ່ານ ແສງເພັດ ຮຸ່ງບຸນຍວງ, ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປປ ລາວປະຈຳ ສສ ຫວຽດນາມ, ທ່ານ Kim Højlund Christensen, ເອກອັກຄະຣາຊະທູດວິສາມັນຜູ້ມີອໍານາດເຕັມ ແຫ່ງ ຣາຊະອານາຈັກດານ​ມາກ ປະຈໍາ ສປປ ລາວ ພ້ອມດ້ວຍ​ພະນັກງານ​ທີ່​ກ່ຽວຂ້ອງ​ຂອງ​ສອງ​ຝ່າຍ ແລະ ບັນດາທູຕານຸທູດຂອງ ປະເທດທີ່ວ່າການລາວ ທີ່ມີສໍານັກງານຕັ້ງຢູ່ ນະຄອນຫຼວງຮ່າໂນ້ຍ ເຂົ້າຮ່ວມ.