ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Links
Lao Government
Law Project
UN
Lao PDR Trade Portal

ຄະນະ​ຜູ້​ແທນ​ລາວ ສຳເລັດ​ເຂົ້າຮ່ວມກອງປະຊຸມ ຄະນະກຳມະການປະສານງານຮ່ວມ ເຂດສາມຫຼ່ຽມພັດທະນາ ກໍາປູເຈຍ-ລາວ-ຫວຽດນາມ ຄັ້ງທີ 11

clv dta

ໃນວັນທີ 19 ທັນວາ 2017, ທ່ານ ສຸພັນ ແກ້ວມີໄຊ, ລັດຖະມົນຕີກະຊວງແຜນການ ແລະ ການລົງທຶນ, ປະທານຄະນະກຳມະການປະສານງານຮ່ວມ ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ຂອງ ສປປ ລາວ ​ໄດ້ສໍາ​ເລັດ​ການ​​ນໍາພາ ຄະນະ​ຜູ້​ແທນ ​​ສປປ ​ລາວ ເຂົ້າ​ຮ່ວມກອງປະຊຸມ ຄະນະກຳມະການປະສານງານຮ່ວມເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ ຄັ້ງທີ 11ທີ່ ແຂວງ ບິງເຟືອກ, ສສ ຫວຽດນາມ, ພາຍ​ໃຕ້​ການ​ເປັນ​ປະທານ ຂອງ ທ່ານ ຫງວຽນ ຈິ ຢຸ້ງ (Nguyen Chi Dung), ລັດຖະມົນຕີ ກະຊວງ​ແຜນການ ​ແລະ ການ​ລົງ​ທຶນ, ປະທານ​ຄະນະ​ກຳມະການ​ປະສານ​ງານ​ຮ່ວມ ​ເຂດ​ສາມຫຼ່ຽມພັດທະນາ ​ແຫ່ງ ສສ ຫວຽດນາມ, ​ເຊິ່ງມີ​ ທ່ານ ປານ ​ໂສຣະສັກ (Pan SORAS​AK), ລັດຖະມົນຕີກະຊວງ​ການ​ຄ້າ, ປະທານ​ຄະນະ​ກຳມະການ​ປະສານ​ງານ​ຮ່ວມ ​ເຂດ​ສາມຫຼ່ຽມພັດທະນາ ​ແຫ່ງ ຣາຊະ​ອານາຈັກ ກຳປູ​ເຈຍ ​ແລະ ທ່ານ ຫງວຽນ ວັນ ຈຣໍາ (Nguyen Van Tham), ປະທານ​ຄະນະ​ກໍາມະການ​ປະຊາຊົນ ​ແຂວງ​ບິງ​ເຟືອ​ກ ​ເຂົ້າ​ຮ່ວມ. ນອກຈາ​ກ ຄະນະ​ຜູ້​ແທນ​ຈາກ​ກະຊວງ​ຂະ​ແໜງ​ການ​ຕ່າງໆ ຂອງ ສາມ​ປະ​ເທດ​ ​ແລ້ວ, ຍັງ​ມີ ຄະນະ​ຜູ້​ແທນ​ຂັ້ນ​ສູງ​ຈາກ 13 ​ແຂວງ ​ເຂດສາມຫຼ່ຽມພັດທະນາ ກຳປູ​ເຈຍ-ລາວ-ຫວຽດນາມ, ​ໃນ​ນັ້ນ ລວມມີ ​ແຂວງ​ຈໍາປາ​ສັກ, ​ແຂວງສາລະ​ວັນ, ​ແຂວງ​ເຊ​ກອງ ​ແລະ ​ແຂວງອັດ​ຕະປື ກໍ່​ໄດ້​ເຂົ້າ​ຮ່ວມ​ກອງ​ປະຊຸມ​ດັ່ງກ່າວ.

ກອງ​ປະຊຸມ​ຄັ້ງນີ້ ​ໄດ້ທົບທວນຄືນຄວາມຄືບໜ້າການຈັດຕັ້ງປະຕິບັດ ຜົນກອງປະຊຸມຄະນະກຳມະການປະສານງານຮ່ວມ ເຂດສາມຫຼ່ຽມພັດທະນາ ກຳປູເຈຍ-ລາວ-ຫວຽດນາມ (JCC) ຄັ້ງທີ 10 ໃນເດືອນທັນວາ 2015 ທີ່ ແຂວງຈຳປາສັກ ແລະ ກອງປະຊຸມສຸດຍອດເຂດສາມຫຼ່ຽມພັດທະນາ ກໍາປູເຈຍ-ລາວ-ຫວຽດນາມ ຄັ້ງທີ 9 ໃນເດືອນພະຈິກ 2016 ທີ່ ສຽມລຽບ ​ແລະ ພ້ອມ​ກັນ​ປຶກສາ​ຫາລື ກ່ຽວ​ກັບ ທິດ​ທາງ​ການ​ຮ່ວມ​ມື​ໃນ​ຕໍ່ໜ້າ. ໃນ​ໂອກາດກອງ​ປະຊຸມດັ່ງກ່າວ, ທ່ານ ລັດຖະ​ມົນຕີ ຂອງ 3 ​ປະ​ເທດ ​ໄດ້​ເຫັນ​ດີຮັບຮອງ ​ແລະ ລົງ​ນາມບົດ​ບັນທຶກຂອງກອງ​ປະຊຸມ​ຄະນະ​ກຳ​ມະ​ການປະສານ​ງານ​ຮ່ວມ ເຂດສາມຫຼ່ຽມພັດທະນາ ກໍາປູເຈຍ-ລາວ-ຫວຽດນາມ ຄັ້ງ​ທີ 11 ເພື່ອ​ເປັນ​ບ່ອນ​ອີງ​ໃນ​ການ​ສືບ​ຕໍ່ຈັດ​ຕັ້ງປະຕິ​ບັດວຽກ​ງານ​ການ​ຮ່ວມ​ມື​ໃນ​ຕໍ່ໜ້າ ລະຫວ່າງ ສາມ​ປະ​ເທດ ກໍ​ຄື 13 ​ແຂວງ​ໃນ​ເຂດ​ສາມຫຼ່ຽມ​ພັດທະນາ ທັງ​ນີ້​ກໍ​ເພື່ອ​ຈະລາ​ຍງານ ​ຕໍ່ ກອງ​ປະຊຸມ​ສຸດຍອດເຂດສາມຫຼ່ຽມພັດທະນາ ກໍາປູເຈຍ-ລາວ-ຫວຽດນາມ ຄັ້ງທີ 10, ​ເຊິ່ງມີ​ແຜນ​ຈະ​ຈັດ​ຂຶ້ນ​ໃນ​ເດືອນ​ມີນາ 2018 ທີ່ ສສ ຫວຽດນາມ.

​​​ກອງ​ປະຊຸມ​ ໄດ້​ຮັບ​ຊາບ​ໝາກຜົນ​ຂອງກອງ​ປະຊຸມລະດັບຕ່າງໆ ​ແລະ ກິດຈະກຳປິ່ນ​ອ້ອມ​ ທີ່​​ໄດ້ຈັດ​ຂຶ້ນ​ໃນ​ໂອກາດ​ກອງ​ປະຊຸ​ມຄັ້ງ​ນີ້ ​ເປັນ​ຕົ້ນ ​ກອງ​ປະຊຸມ​ເຈົ້າ​ໜ້າທີ່​ອາວຸ​ໂສ, ​​ກອງ​ປະຊຸມອະນຸ​ກໍາມະການ​ດ້ານ​ເສດຖະກິດ ຄັ້ງ​ທີ 10,    ກອງ​ປະຊຸມ​ອະນຸ​ກໍາມະການ​ປ້ອງ​ກັນ​ຄວາມ​ສະຫງົບ ​ແລະ ວຽກ​ງານ​ການ​ຕ່າງປະ​ເທດ ຄັ້ງ​ທີ 10, ກອງ​ປະຊຸມ​ອະນຸ​ກໍາມະການ​ສັງຄົມ ​ແລະ ສິ່ງ​ແວດ​ລ້ອມ ຄັ້ງ​ທີ 8 ​ແລະ ກອງ​ປະຊຸມ​ອະນຸ​ກໍາມະການ​ປະສານ​ງານ​ລະດັບ​ແຂວງ ຄັ້ງ​ທີ 9 ທີ່​ໄດ້​ຈັດ​ຂຶ້ນ​ໃນ​ວັນ​ທີ 17 ທັນວາ 2017 ລວມທັງ​ຜົນ​ການຈັດ​ງານ​ວາງສະ​ແດງ​ການ​ຄ້າ ​ແລະ ການທ່ອງທ່ຽວ, ​ເວທີ​ປຶກສາ​ຫາລື​ຊາວ​ໜຸ່ມ ຄັ້ງທີ 7 ​ແລະ ກອງ​ປະຊຸມ​ສໍາ​ມະ​ນາ ວ່າ​ດ້ວຍ​ການ​ສົ່ງ​ເສີມ​ການ​ຄ້າ, ການ​ລົງທຶນ ​ແລະ ການທ່ອງທ່ຽວ ຄັ້ງ​ທີ 11 ທີ່​ໄດ້​ຈັດ​ຂຶ້ນ​ໃນ​ລະຫວ່າງ​ວັນ​ທີ 16-18 ທັນວາ 2017 ທີ່ ​ແຂວງ​ບິງ​ເຟືອ​ກ. ກອງປະຊຸມ​​ໄດ້​ຮັບ​ຊາບ​ຄວາມ​ຄືບ​ໜ້າການ​ຮ່າງ​ເອກະສານ ​​ແຜ​ນ​ປະຕິ​ບັດ​ງານ ວ່າ​ດ້ວຍ​ ການ​ເຊື່ອມຈອດ​ດ້ານ​ເສດຖະກິດ ກໍາປູ​ເຈຍ-ລາວ-ຫວຽດນາມ ຮອດປີ ​2030, ​​ເຊິ່ງມີ​ແຜນ​ຈະ​ໃຫ້​ສໍາ​ເລັດ​ຮ່າງ​ດັ່ງກ່າວ ພາຍ​ໃນ​ເດືອນ​ມັງກອນ 2018 ​ເພື່ອນໍາ​ສະ​ເໜີ​ໃຫ້ ທ່ານ ລັດຖະມົນຕີ, ປະທານ​ຄະນະ​ກໍາມະການ​ປະສານ​ງງານ​ຮ່ວມ ​ເຂດ​ສາມຫຼ່ຽມ​ພັດທະນາ ກໍາປູ​ເຈຍ-ລາວ-ຫວຽດນາມ ຮ່ວມກັນ​ລົງ​ນາມ​ ໃນ​​ໂອກາດກອງ​ປະ​ຊຸມ​ສຸດ​ຍອດ ​ເຂດ​ສາມຫຼ່ຽມພັດທະນາ ກຳປູ​ເຈຍ-ລາວ-ຫວຽດນາມ ຄັ້ງທີ 10 ທີ່​ຈະ​ມາ​ເຖິງ​ນີ້. ລວມທັງແຜນພັດທະນາອຸດສາຫະກໍາຢາງພາລາ ໃນເຂດສາມຫຼ່ຽມພັດທະນາ ກໍາປູເຈຍ-ລາວ-ຫວຽດນາມ ແລະ ແຜນພັດທະນາອຸດສາຫະກໍາການທ່ອງທ່ຽວ ໃນເຂດສາມຫຼ່ຽມພັດທະນາ.                 

Lao Government
a
ສາລະຄະດີ 70ປີ ວັນການທູດລາວ

a
ຄັງຮູບ
a
ຈຳນວນຜູ້ເຂົ້າຊົມ
138877
ມື້ນີ້94
ມື້ວານ94
ອາທິດນີ້256
ເດືອນນີ້2000
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710