ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຄະນະຜູ້ແທນ ລາວ ເຂົ້າຮ່ວມເວທີເຈຈູ ເພື່ອສັນຕິພາບ ແລະ ຄວາມວັດທະນາຖາວອນ ປະຈໍາປີ 2018

 

JEJUmeeting

 

ທ່ານ ພົງສະຫວັດ ບຸບຜາ, ອະດີດລັດຖະມົນຕີ, ຫົວໜ້າຫ້ອງວ່າການປະທານປະເທດໄດ້ນໍາພາຄະນະຜູ້ແທນ ລາວ ເຂົ້າຮ່ວມປະຊຸມເວທີສັນຕິພາບ ແລະ ຄວາມວັດທະນາຖາວອນ ປະຈໍາປີ 2018Jeju Forum for Peace and Prosperity 2018”ພາຍໃຕ້ຫົວຂໍ້ ແນວທາງລວມເພື່ອສັນຕິພາບສໍາລັບອາຊີ "Reengineering Peace for Asia", ເຊິ່ງຈັດຂຶ້ນໃນລະຫວ່າງ ວັນທີ 26-28 ມິຖຸນາ 2018, ທີ່ ເຈຈູ ແຂວງປົກຄອງຕົນເອງ ຂອງ ສ. ເກົາຫຼີ. ໃນນັ້ນໄດ້ມີຜູ້ເຂົ້າຮ່ວມ 5,500 ທ່ານ ທີ່ມາຈາກ 70 ປະເທດ ໃນໂລກ, ໃນນັ້ນລວມມີການນໍາຂັ້ນສູງໃນປະຈຸບັນ ແລະ ອະດີດ, ຜູ້ຊົງຄຸນວຸດທິ, ສາດສະດາຈານ, ນັກຄົ້ນວ້າຈາກສະຖາບັນ ແລະ ມະຫາວິທະຍາໄລຕ່າງໆພາຍໃນ ສ. ເກົາຫຼີ ແລະ ໃນພາກພື້ນ ກໍຄືໃນໂລກ. ຕະຫຼອດໄລຍະຂອງການປະຊຸມ, ຜູ້ເຂົ້າຮ່ວມໄດ້ພ້ອມກັນປຶກສາຫາລື 70 ກວ່າຫົວຂໍ້, ກວມເອົາ 5 ຂົງເຂດໃຫຍ່ ຄື: ການຕ່າງປະເທດ ແລະ ຄວາມໝັ້ນຄົງ; ເສດຖະກິດ ແລະ ການເງິນ; ສະພາບແວດລ້ອມ ແລະ ການປ່ຽນແປງດິນຟ້າອາກາດ; ບັນຫາເພດ, ການສຶກສາ ແລະ ວັດທະນະທໍາ; ແລະ ບັນຫາພົ້ນເດັ່ນຂອງໂລກ.

ກອງປະຊຸມໃນປີນີ້ ແມ່ນດຳເນີນໄປພາຍຫຼັງຜົນສໍາເລັດຂອງການພົບປະຂັ້ນສຸດຍອດ ລະຫວ່າງ ຜູ້ນໍາ ຂອງ ສປປ ເກົາຫຼີ ແລະ ສ. ເກົາຫຼີ ແລະ ການພົບປະຂັ້ນສຸດຍອດ ລະຫວ່າງ ຜູ້ນໍາ ສປປ ເກົາຫຼີ ແລະ ຜູ້ນໍາ ສະຫະລັດ ອາເມຣິກາ ອັນໄດ້ສ້າງບັນຍາກາດອັນສ້າງສັນ ເພື່ອສະໜັບສະໜູນຄວາມພະຍາຍາມຮ່ວມກັນ ເພື່ອສ້າງສັນຕິພາບ ແລະ ປອດອາວຸດນີວເຄລຍ ຢູ່ ແຫຼມເກົາຫຼີ.

ຫົວໜ້າຄະນະຜູ້ແທນ ລາວ ໄດ້ຮັບກຽດເປັນວິທະຍາກອນ ຮ່ວມກັບຄະນະຜູ້ແທນຈາກບັນດາປະເທດສະມາຊິກອາຊຽນ ໃນຫົວຂໍ້ ເພີ່ມທະວີການເປັນຄູ່ຮ່ວມມືຕາມທິດທາງໃໝ່ລົງໃຕ້ຂອງເກົາຫຼີ “Strengthening Korea-ASEAN partnership through Korea’s New Southern Policy” ໂດຍການສົນທະນາແມ່ນເນັ້ນໃສ່ບັນຫາຕ່າງໆທີ່ມີຄວາມສົນໃຈ ແລະ ຫ່ວງໄຍນໍາກັນ ເຊັ່ນ: ຄວາມພະຍາຍາມຮ່ວມກັນ ລະຫວ່າງ ເກົາຫຼີ ແລະ ອາຊຽນໃນການຊຸກຍູ້ການຍົກເລີກອາວຸດນີວເຄລຍ ແລະ ການຫຼຸດຜ່ອນຄວາມເຄັ່ງຕຶງໃນແຫຼມເກົາຫຼີ; ຄວາມພະຍາຍາມຮ່ວມກັນ ລະຫວ່າງ ເກົາຫຼີ ແລະ ອາຊຽນ ໃນການເຂົ້າຮ່ວມໂຄງການເສດຖະກິດດີຈີຕັອນອາຊຽນ ທີ່ສະເໜີໂດຍສິງກະໂປ, ປະທານອາຊຽນປະຈຸບັນ; ການເພີ່ມທະວີການຮ່ວມມື ລະຫວ່າງ ເກົາຫຼີ ແລະ ອາຊຽນ ທາງດ້ານການເມືອງ, ເສດຖະກິດ, ສັງຄົມ-ວັດທະນາທໍາ ໃນອະນາຄົດ; ແລະ ຄໍາເຫັນຕໍ່ການພັດທະນາ ຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ເຊິ່ງແມ່ນຂໍ້ລິເລີ່ມ ຂອງ ສປ ຈີນ ແລະ ຍຸດທະສາດ “ອິນໂດ-ປາຊີຟິກທີ່ເປີດກວ້າງ ແລະ ເສລີ” ທີ່ສະເໜີໂດຍ ອາເມຣິກາ.

ເວທີສັນຕິພາບ ແລະ ຄວາມວັດທະນາຖາວອນ ໄດ້ຮັບການສ້າງຕັ້ງຂຶ້ນ ໃນປີ 2001 ໂດຍ ສະຖາບັນການພັດທະນາ ແລະ ສະຖາບັນສັນຕິພາບ ເຈຈູ, ໂດຍໃນເບື້ອງຕົ້ນແມ່ນມີຈຸດປະສົງເພື່ອສົ່ງເສີມການປຶກສາຫາລືບັນຫາສັນຕິພາບ ແລະ ການປອດອາວຸດນີວເຄລຍຢູ່ເຂດອາຊີຕາເວັນອອກ ແລະ ຕໍ່ມາກໍເວົ້າກວມລວມມາເຖິງພາກພື້ນອາຊີ-ປາຊີຟິກ ກໍຄືການແກ້ໄຂບັນຫາສະຖຽນລະພາບ ແລະ ຄວາມໝັ້ນຄົງໃນພາກພື້ນ ຜ່ານການຮ່ວມມືສາກົນ. ເວທີສັນຕິພາບ ແລະ ຄວາມວັດທະນາຖາວອນ ເລີ່ມຕົ້ນໄລຍະທໍາອິດດ້ວຍການປະຊຸມກັນ 2 ປີຕໍ່ຄັ້ງ, ແຕ່ຕົກມາຮອດ ປີ 2011 ໄດ້ປ່ຽນມາຈັດປີລະຄັ້ງ, ປີນີ້ເປັນຄັ້ງທີ 13 ແລະ ສປປ ລາວ ໄດ້ຖືກເຊີນເຂົ້າຮ່ວມເວທີດັ່ງກ່າວເປັນຄັ້ງທໍາອິດ ນັບແຕ່ສ້າງຕັ້ງຂຶ້ນມາ.

a
ແຈ້ງການ

* ລັດຖະມົນຕີຕ່າງປະເທດ ແຫ່ງ ສປ ຈີນ ຈະເດີນທາງມາຢ້ຽມຢາມ ສປປ ລາວ ຢ່າງເປັນທາງການ

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍມູນໃໝ່ ກ່ຽວກັບ ດ່ານສາກນໃນຂອບເຂດທົ່ວປະເທດລາວ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ການເລືອກຕັ້ງ ທີ່ ໄຕ້ຫວັນ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
195369
ມື້ນີ້5
ມື້ວານ96
ອາທິດນີ້366
ເດືອນນີ້1943
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710