ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຝຶກອົບຮົມ ວ່າດ້ວຍ ການພັດທະນາການຂຽນໂຄງການ ແລະ ສະຫລຸບໂຄງການອາຊຽນ

Asean2018724AtMercur

 

ໃນວັນທີ 23 ກໍລະກົດ 2018, ທີ່ ໂຮງແຮມ ເມີຄຽວ, ນະຄອນຫຼວງວຽງຈັນ, ກະຊວງການຕ່າງປະເທດຮ່ວມກັບ ກອງເລຂາອາຊຽນ ທີ່ມີສໍານັກງານຕັ້ງຢູ່ ນະຄອນຫຼວງຈາກາກຕາ, ປະເທດ ອິນໂດເນເຊຍ ໄດ້ຈັດຊຸດ     ຝຶກອົບຮົມກ່ຽວກັບການພັດທະນາການຂຽນໂຄງການ ແລະ ສະຫລຸບໂຄງການອາຊຽນ ຊຶ່ງມີຜູ້ເຂົ້າຮ່ວມຈາກບັນດາກະຊວງ, ຂະແໜງການອ້ອມ​ຂ້າງ​ສູນ​ກາງ, ບັນດາຈຸດປະສານງານອາຊຽນ ລວມທັງໝົດ 80 ທ່ານ.

ຈຸດປະສົງຫລັກຂອງກອງປະຊຸມສໍາມະນາ ແມ່ນເພື່ອເຮັດໃຫ້ຜູ້ເຂົ້າຮ່ວມທີ່ມີທ່າແຮງໃນການຂຽນບົດສະເຫນີໂຄງການພາຍໃນຂອບອາຊຽນໄດ້ຮັບຮູ້ ແລະ ເຂົ້າໃຈຢ່າງລະອຽດ ກ່ຽວກັບ ວິທີການຂຽນບົດສະເຫນີໂຄງການທີ່ມີຄຸນນະພາບ ແລະ ເປັນໂຄງການພາກພື້ນ, ຂັ້ນຕອນຕ່າງໆໃນການສະເໜີໂຄງການ ລວມເຖິງ ການຈັດຕັ້ງປະຕິບັດ, ການຕິດຕາມກວດກາ ແລະ ການສະຫຼຸບໂຄງການຢ່າງມີປະສິດທິພາບ, ສໍາເລັດຕາມເວລາທີ່ກໍານົດໄວ້ ລວມທັງ ແຫລ່ງທຶນສໍາລັບຈັດຕັ້ງປະຕິບັດໂຄງການ. ນອກນີ້, ກອງປະຊຸມສໍາມະນາ ຍັງໄດ້ຍົກໃຫ້ເຫັນເຖິງຈຳນວນໂຄງການຈາກ ສປປ ລາວ ໃນໄລຍະຜ່ານມາ ແມ່ນຍັງມີຫນ້ອຍ ຖ້າທຽບໃສ່ປະເທດອາຊຽນອື່ນໆ. ກອງປະຊຸມສຳມະນາໄດ້ຊຸກຍູ້ບັນດາຂະແໜງການໃຫ້ຜັນຂະຫຍາຍບັນຫາ ຫລື ສິ່ງທ້າທາຍທີ່ຕົນປະເຊີນ ເປັນເອກະສານແນວຄວາມຄິດ ເພື່ອພັດທະນາເປັນໂຄງການລະອຽດ ແລະ ຖືກຕ້ອງຕາມລະບຽບການທີ່ວາງໄວ້ ເພື່ອຍາດແຍ່ງເອົາທຶນຈາກກອງທຶນຕ່າງໆພາຍໃນຂອບອາຊຽນ ເຊັ່ນ: ກອງທຶນພັດທະນາອາຊຽນ, ກອງທຶນຮ່ວມມື ລະຫວ່າງ ອາຊຽນກັບບັນດາຄູ່ຮ່ວມເຈລະຈາ ເຊັ່ນ: ຍີ່ປຸ່ນ, ສປ ຈີນ, ສ. ເກົາຫລີ ແລະ ອື່ນໆ ເພື່ອນຳມາຈັດຕັ້ງປະຕິບັດຢູ່ ສປປ ລາວ ໃຫ້ນັບມື້ນັບຫລາຍຂຶ້ນ.

ພ້ອມນີ້, ກອງປະຊຸມສຳມະນາ ຍັງໄດ້ເນັ້ນເຖິງພັນທະໃນການເຮັດບົດສະຫລຸບໂຄງການ ແລະ ສະຫລຸບການເງິນພາຍຫລັງສຳເລັດໂຄງການອາຊຽນ. ການຈັດຊຸດຝຶກອົບຮົມນີ້ ຍັງແມ່ນສ່ວນຫນຶ່ງໃນການຈັດຕັ້ງປະຕິບັດແຜນວຽກປະຈຳປີຂອງ ກອງທຶນພັດທະນາອາຊຽນ (ASEAN Development Fund), ເຊິ່ງໄດ້ຮັບການສ້າງຕັ້ງຂຶ້ນໃນປີ 2005 ໃນໄລຍະທີ່ ສປປ ລາວ ເຮົາເປັນປະທານອາຊຽນ (2004-2005). ກິດຈະກຳດັ່ງກ່າວ ແມ່ນແນໃສ່ສ້າງຂີດຄວາມສາມາດໃຫ້ບັນດາຜູ້ສະເໜີໂຄງການຢູ່ປະເທດສະມາຊິກອາຊຽນໃນການຂຽນບົດສະເໜີໂຄງການທີ່ຮັບປະກັນຄຸນນະພາບ   ລວມເຖິງ ວິທີການຄຸ້ມຄອງ, ຈັດຕັ້ງປະຕິບັດ ແລະ ສະຫຼຸບໂຄງການຢ່າງມີປະສິດທິພາບ. ຊຸດຝຶກອົບຮົມຄັ້ງນີ້ ຈະດໍາເນີນ ເປັນເວລາ 2 ວັນ.

a
ແຈ້ງການ

* ລັດຖະມົນຕີຕ່າງປະເທດ ແຫ່ງ ສປ ຈີນ ຈະເດີນທາງມາຢ້ຽມຢາມ ສປປ ລາວ ຢ່າງເປັນທາງການ

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍມູນໃໝ່ ກ່ຽວກັບ ດ່ານສາກນໃນຂອບເຂດທົ່ວປະເທດລາວ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ການເລືອກຕັ້ງ ທີ່ ໄຕ້ຫວັນ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
195373
ມື້ນີ້9
ມື້ວານ96
ອາທິດນີ້370
ເດືອນນີ້1947
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710