ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ກອງປະຊຸມເຈລະຈາຮ່ວມມື ເພື່ອການພັດທະນາ ລະຫວ່າງ ລັດຖະບານ ແຫ່ງ ສປປ ລາວ ແລະ ລັດຖະບານ ແຫ່ງ ສ. ເຢຍລະມັນ, ທີ່ ແບກແລງ, ປະເທດ ເຢຍລະມັນ

02018.9.5 JCLG

 

  ໃນລະຫວ່າງວັນທີ 3-5 ກັນຍາ 2018, ຄະນະຜູ້ແທນຝ່າຍລາວນໍາໂດຍ ທ່ານ ປອ. ກິແກ້ວ ຈັນທະບູຣີ, ຮອງລັດຖະມົນຕີກະຊວງແຜນການ ແລະ ການລົງທຶນພ້ອມດ້ວຍຄະນະຈາກກະຊວງແຜນການ ແລະ ການລົງທຶນ, ກະຊວງການຕ່າງປະເທດ, ກະຊວງພາຍໃນ, ກະຊວງການເງິນ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມກະຊວງໂຍທາທິການແລະຂົນສົ່ງ, ສະພາແຫ່ງຊາດລາວ, ທະນາຄານ ແຫ່ງ ສປປລາວ ໄດ້ເດີນທາງເຂົ້າຮ່ວມກອງປະຊຸມເຈລະຈາຮ່ວມມືເພື່ອການພັດທະນາ ລະຫວ່າງ ລັດຖະບານ ແຫ່ງ ສປປລາວ ແລະ ລັດຖະບານ ແຫ່ງ . ເຢຍລະມັນທີ່ຈັດຂື້ນຢູ່ກະຊວງຮ່ວມມື, ເສດຖະກິດແລະການພັດທະນາBMZ, ນະຄອນຫຼວງແບກແລງ, ປະເທດເຢຍລະມັນ.

ກອງປະຊຸມດັ່ງກ່າວໄດ້ດຳເນີນເປັນເວລາສາມວັນ, ຊຶ່ງໄດ້ມີການເປີດກອງປະຊຸມເຈລະຈາຮ່ວມມືຢ່າງເປັນທາງການໂດຍຕາງໜ້າຄະນະຜູ້ແທນຝ່າຍລາວແມ່ນ ທ່ານ ປອ. ກິແກ້ວ ຈັນທະບູຣີ, ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ຕາງໜ້າຝ່າຍເຢຍລະມັນແມ່ນ ທ່ານ Dr. Claudia Warning, ຫົວໜ້າກົມກະຊວງຮ່ວມມື, ເສດຖະກິດແລະການພັດທະນາ. ໃນກອງປະຊຸມທັງສອງຝ່າຍໄດ້ປຶກສາຫາລື ແລະ ທົບທວນຄືນການຮ່ວມມືໃນໄລຍະຜ່ານມາ ແລະ ກຳນົດແຜນການຮ່ວມມືຮ່ວມກັນ. ພ້ອມກັນນັ້ນ, ຍັງໄດ້ປຶກສາຫາລືກ່ຽວກັບການຈັດຕັ້ງປະຕິບັດບັນດາແຜນງານ ແລະ ໂຄງການຕ່າງໆທີ່ລັດຖະບານເຢຍລະມັນໃຫ້ການຊ່ວຍເຫຼືອແກ່ ສປປ ລາວ ໃນໄລຍະຜ່ານມາ ແລະ ແຜນການໃນຕໍ່ໜ້າ. ສໍາລັບສົກປີ 2018-2019 ລັດຖະບານເຢຍລະມັນໄດ້ຕົກລົງໃຫ້ການຊ່ວຍເຫຼືອແກ່ ສປປ ລາວ ຈໍານວນ 41.7 ລ້ານເອີໂຣ, ພິເສດໃນປີດັ່ງກ່າວລັດຖະບານເຢຍລະມັນໄດ້ໃຫ້ການຊ່ວຍເຫຼືອມູນຄ່າ 10 ລ້ານເອີໂຣເຂົ້າໃນການບັນເທົາທຸກໃຫ້ແກ່ປະຊາຊົນຜູ້ທີ່ຖືກຜົນກະທົບຈາກໄພນໍ້າຖ້ວມໃນຂົງເຂດທົ່ວປະເທດ ແລະ ເຫດການອຸບັດຕິເຫດສັນເຂື່ອນກັ້ນນໍ້າເຂື່ອນໄຟຟ້າເຊປຽນ-ເຊນໍ້ານ້ອຍພັງຢູ່ແຂວງອັດຕະປື, ລວມມູນຄ່າການຊ່ວຍເຫຼືອທັງໝົດຈໍານວນ 51.7 ລ້ານເອີໂຣ. ໃນມູນຄ່າການຊ່ວຍເຫຼືອຈໍານວນ 51.7 ລ້ານເອີໂຣນີ້ແບ່ງອອກເປັນການຊ່ວຍເຫລືອທາງດ້ານເຕັກນິກມູນຄ່າ 20 ລ້ານເອີໂຣ ແລະ ການຊ່ວຍເຫລືອທາງດ້ານການເງິນມູນຄ່າ 31.7 ລ້ານເອີໂຣ ໂດຍສຸມໃສ່ການສະໜັບສະໜູນ 2 ຂົງເຂດຄື: ຂົງເຂດການຮ່ວມມືເພື່ອການພັດທະນາເສດຖະກິດແບບຢືນຍົງ ແລະ ຂົງເຂດການພັດທະນາຊົນນະບົດໂດຍຕິດພັນກັບການຄຸ້ມຄອງຊັບພະຍາກອນທຳມະຊາດ. ໃນກອງປະຊຸມຄັ້ງນີ້ ທັງສອງຝ່າຍໄດ້ເຊັນບົດບັນທຶກກອງປະຊຸມໂດຍແມ່ນຫົວໜ້າຄະນະຝ່າຍລາວ ແລະ ຝ່າຍເຢຍລະມັນລົງນາມຮ່ວມກັນ. ນອກຈາກນັ້ນ, ຄະນະຜູ້ແທນຝ່າຍລາວໄດ້ຢ້ຽມຊົມລັດຖະສະພາເຢຍລະມັນ Reichstag ແລະ ສະຖານທີ່ທາງປະຫວັດສາດຢູ່ນະຄອນຫຼວງແບກແລງ, ປະເທດເຢຍລະມັນ.

ການເດີນທາງໄປເຂົ້າຮ່ວມກອງປະຊຸມເຈລະນາຮ່ວມມືຂອງທ່ານຮອງລັດຖະມົນຕີກະຊວງແຜນການ ແລະ ການລົງທຶນໃນຄັ້ງນີ້ໄດ້ປະກອບສ່ວນສຳຄັນເຂົ້າໃນການເສີມຂະຫຍາຍການພົວພັນຮ່ວມມືທີ່ດີລະຫວ່າງສອງປະເທດລາວ-ເຢຍລະມັນໃຫ້ນັບມື້ນັບຂະຫຍາຍຕົວເພີ່ມຂື້ນຂື້ນ, ພ້ອມທັງເປັນການສະເຫຼີມສະຫຼອງຄົບຮອບ 60 ປີການສ້າງຕັ້ງສາຍພົວພັນການທູດ ແລະ ຄົບຮອບ 55 ປີການຮ່ວມມືລາວ-ເຢຍລະມັນ. ສຳລັບກອງປະຊຸມເຈລະຈາຮ່ວມມືນີ້ແມ່ນໄດ້ຈັດຂື້ນທຸກໆສອງປີໂດຍພັດປ່ຽນກັນເປັນເຈົ້າພາບ.

   ພາຍຫຼັງສຳເລັດກອງປະຊຸມເຈລະຈາຮ່ວມມືເພື່ອການພັດທະນາທີ່ປະເທດເຢຍລະມັນແລ້ວທ່ານຮອງລັດຖະມັນຕີກະຊວງແຜນການພ້ອມດ້ວຍຄະນະໄດ້ອອກເດີນທາງໄປແລກປ່ຽນບົດຮຽນກ່ຽວກັບປະສົບການໃນການແບ່ງຄວາມຮັບຜິດຊອບ, ວາລະການພັດທະນາປີ 2030 ແລະ ເປົ້າໝາຍການພັດທະນາແບບຍືນຍົງທີ່ປະເທດສະວິດເຊີແລນ ແລະ ຈະສືບຕໍ່ໄປລະດົມທຶນທີ່ປະເທດນອກແວ ແລະ ແຟັງລັງ.

a
ແຈ້ງການ

* ລັດ​ຖະ​ມົນ​ຕີ​ກະຊ​ວງ​ການ​ຕ່າງ​ປະ​ເທດ ແຫ່ງ ສປປ ລາວ ພ້ອມດ້ວຍຄະນະ ຈະເດີນທາງຢ້ຽມຢາມ ສາທາລະນະລັດ ກູບາ ຢ່າງເປັນທາງການ

*ກຳນົດການຈັດຕັ້ງປະຕິບັດ ປິດໜ່ວຍງານອອກວິຊາກັບດ່ານສາກົນ ຈຳນວນ 09 ດ່ານ

* ບົດຄວາມ ຫົວຂໍ້ ການທູດລາວ ສືບຕໍ່ໄດ້ຮັບການຍົກລະດັບຂຶ້ນຢ່າງສະເໝີຕົ້ນສະໝີປາຍ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
196648
ມື້ນີ້3
ມື້ວານ110
ອາທິດນີ້450
ເດືອນນີ້2042
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710