ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ສປປ ລາວ ເຂົ້າຮ່ວມລາຍງານກ່ຽວກັບການຈັດຕັ້ງປະຕິບັດສົນທິສັນຍາວ່າດ້ວຍ ການລຶບລ້າງທຸກຮູບການຈຳແນກ ຕໍ່ແມ່ຍິງ (ຊີດໍ) ທີ່ ເຈນິວາ, ປະເທດ ສະວິດເຊີແລນ

20181116CEDAW

         ໃນ​ວັນ​ທີ 2 ພະຈິກ 2018, ຢູ່​ທີ່ ນະຄອນ ​ເຈ​ນິວາ, ປະ​ເທດ​ສະ​ວິດ​ເຊີ​ແລນ, ຄະນະ​ຜູ້​ແທນ​ແຫ່ງ ສປປ ລາວ ​ເຊິ່ງນຳ​ໂດຍ ທ່ານ ອາ​ລຸນ​ແກ້ວ ກິດ​ຕິ​ຄຸນ, ລັດຖະມົນຕີ ປະຈຳສຳ​ນັກ​ງານ​ນາຍົກລັດຖະມົນຕີ, ຮອງ​ປະທານ ຄະ​ນະ​ກຳມາ​ທິການ​ແຫ່ງ​ຊາດ ​ເພື່ອ​ຄວາມ​ກ້າວໜ້າ​ຂອງ​ແມ່ຍິງ ​ແລະ ​ແມ່-​ເດັກ (ຄຊກມດ) ​ໄດ້​ເຂົ້າ​ຮ່ວມ​ກອງ​ປະຊຸມ​ຄັ້ງ​ທີ 71 ຂອງ ຄະນະ​ກຳມະການ​​ລຶບລ້າງ​ທຸກ​ຮູບ​ການຈຳ​ແນ​ກຕໍ່​ແມ່ຍິງ (ຊີ​ດໍ), ສປຊ ​ເຊິ່ງ​ໄດ້​ຈັດ​ຂຶ້ນ​ເພື່ອ​ປະ​ເມີນ ​ແລະ ທົບ​ທວນຄືນ​ກ່ຽວ​ກັບ​ການຈັດ​ຕັ້ງ​ປະຕິບັດ​ວຽກ​ງານ​ພາຍ​ໃຕ້​ສົນທິສັນຍາຊີ​ດໍ ​ຂອງ ສປປ ລາວ ນັບ​ແຕ່​ການທົບ​ທວນ​ປະຈຳ​ໄລຍະ​ຄັ້ງ​ທີ 2 ​ໃນ ປີ 2009 ຈົນ​ເຖິງ​ປະຈຸ​ບັນ. ກອງ​ປະຊຸມ​ຄັ້ງ​ນີ້​ໄດ້​ດຳ​ເນີນ​ຢູ່ ສຳ​ນັກງານ​ອົງການ ສປຊ ປະຈຳ​ນະຄອນ​​ເຈ​ນິວາ ພາຍ​ໃຕ້​ການ​ເປັນ​ປະທານ​ຮ່ວມ​ຂອງ​ທ່ານ ​ນາງ ດາ​ເລຍ ​ເລ​ນາດ (Ms. Dalia Leinarte) ປະທານ​ຄະນະ​ກຳມະການຊີ​ດໍ ຂອງ ສປຊ ​ໂດຍ​ມີ​ຄະນະ​ຜູ້​ແທນຂອງ ສປປ ລາວ ​ແລະ ຜູ້ຕາງໜ້າ​ຈາກ​ບັນດາ​ອົງການ​ຈັດ​ຕັ້ງ​ສາກົນ, ອົງການ​ຈັດ​ຕັ້ງ​ສາກົນ​ບໍ່​ຂຶ້ນ​ກັບ​ລັດຖະບານ ​ແລະ ສື່​ມວນ​ຊົນ​ຕ່າງປະ​ເທດ​ຈຳນວນ​ໜຶ່ງ​ໃນ​ຖານະ​ຜູ້​ສັງ​ເກດ​ການ ​ເຂົ້າ​ຮ່ວມ.

​          ໃນ​ກອງ​ປະຊຸມ​ ທ່ານ ຫົວໜ້າ​ຄະນະ ​ຍັງ​ໄດ້​ຍົກ​ໃຫ້​​ເຫັນ​ເຖິງ​ຜົນງານ​ອັນ​ພົ້ນ​ເດັ່ນ ​ແລະ ຄວາມ​ຄືບ​ໜ້າໃນ​ການຈັດ​ຕັ້ງ​ປະຕິບັດວຽກ​ງານ​ສົ່ງ​ເສີມ​ຄວາມ​ກ້າວໜ້າ​ຂອງ​ແມ່ຍິງ, ຄວາມ​ສະ​ເໝີ​ພາບ​ຍິງ-ຊາຍ ​ແລະ ການ​ລຶບລ້າງ​ທຸກ​ຮູບ​ການຈຳ​ແນ​ກຕໍ່​ແມ່ຍິງ ຢູ່ ສປປ ລາວ ​ເປັນ​ຕົ້ນ​ແມ່​ນການຈັດ​ຕັ້ງ​ປະຕິບັດ​ນະ​ໂຍບາຍ, ລັດຖະທຳ​ມະນູນ ​ແລະ ກົດໝາຍ, ການ​ພັດທະນາ​ເສດຖະກິ​ດ-ສັງຄົມ, ການ​ລົບ​ລ້າງ​ຄວາມທຸກ​ຍາກ, ການ​ປະຕິບັດ​ເປົ້າ​ໝາຍ​ສະຫັດ​ສະຫວັດ​ດ້ານ​ການ​ພັດທະນາ, ການ​ຮ່ວມ​ມື​ສາກົນ​ດ້ານ​ສິດທິ​ມະນຸດ ​ໂດຍ​ສະ​ເພາະ​ສິດ​ທິມະນຸດ​ຂອງ​ແມ່ຍິງ ກໍ​ຄື​ການຈັດ​ຕັ້ງ​ປະຕິບັດ​ສົນທິສັນຍາ​ຊີ​ດໍ ທີ່ ສປປ ລາວ ​ເປັນ​ພາ​ຄີ ອັນ​ໄດ້ເຮັດ​ໃຫ້​ແມ່ຍິງ​ລາວ​ບັນດາ​ເຜົ່າ​ໄດ້​ຮັບ​ການ​ປົກ​ປ້ອງ​ສິດ ​ແລະ ຜົນ​ປະ​​ໂຫຍ​ດອັນ​ຊອບ​ທຳ, ​ໄດ້​ຮັບ​ການ​​ສົ່ງ​ເສີມ​​ໃຫ້​ມີ​ຄວາມ​ກ້າວໜ້າ, ​ມີຄວາມ​ສະ​ເໝີ​ພາບ​ລະຫວ່າງ​ຍິງ-ຊາຍ ລວມທັງ​ການລຶບລ້າງ​ທຸກ​ຮູບ​ການຈຳ​ແນ​ກຕໍ່​ແມ່ຍິງ​ ​ໄດ້​ເທື່ອ​ລະ​ກ້າວ ຕໍ່​ຜົນສຳ​ເລັດ​ທີ່ ສປປ ລາວ ຍາດ​ມາ​ໄດ້​ນັ້ນ ​ເຮັດ​ໃຫ້​ບັນດາ​ຄະນະ​ກຳມະການຊີ​ດໍ ຍ້ອງຍໍ​ຊົ​ມ​ເຊີຍ ​ແລະ ຕີ​ລາຄາ​ສູງ​ຕໍ່​ຜົນສຳ​ເລັດ​ດັ່ງກ່າວ.

​          ໃນ​ໄລຍະ​​ສົນທະນາ​ແບບ​ສ້າງສັນ​ນັ້ນ ລະຫວ່າງຄະນະ​ຜູ້​ແທນລາວ ​ແລະ ຄະນະ​ກຳມະການຊີ​ດໍ ​ເຊິ່ງຄະນະ​ກຳມະການ​ຊີ​ດໍ​ໄດ້​ຕັ້ງ​ຄຳ​ຖາມ​ເຈາະ​ຈິ້ມຕໍ່​ບັນຫາ​ຕ່າງໆ​ ໃນ​ການ​ສົ່ງ​ເສີມ​ຄວາມ​ກ້າວໜ້າ​ຂອງ​ແມ່ຍິງ, ຄວາມ​ສະ​ເໝີ​ພາບ​ຍິງ-ຊາຍ ​ແລະ ການ​ລຶບລ້າງ​ທຸກ​ຮູບ​ການຈຳ​ແນ​ກຕໍ່​ແມ່ຍິງ ​ເຊິ່ງຄະນະ​ຜູ້​ແທນ ສປປ ລາວ ​ໄດ້​ສະໜອງ​ຂໍ້​ມູນ ​ແລະ ຊີ້​ແຈງ​ອະທິບາຍ​ຢ່າງ​ລະອຽດເປັນ​ຕົ້ນ​ແມ່ນ: ສະພາບ​ກົງ​ຈັກ​ການຈັດ​ຕັ້ງ​ຂອງ ຄະນະ​ກຳມາ​ທິການ​ແຫ່ງ​ຊາດ​ເພື່ອ​ຄວາມ​ກ້າວໜ້າ​ຂອງ​ແມ່ຍິງ ​ແລະ​ແມ່-​ເດັກ, ການຈັດ​ຕັ້ງ​ປະຕິບັດ​ບັນດາ​ກົດໝາຍ​ທີ່​ກ່ຽວ​ພັນ​ເຖິງ​ສິດ ​ແລະ ຜົນ​ປະ​ໂຫຍ​ດຂອງ​ແມ່ຍິງ, ການ​ເຂົ້າ​ເຖິງ​ຂະ​ບວນການ​ຍຸຕິ​ທຳ​ຂອງ​ແມ່ຍິງ, ການ​ເຂົ້າ​ເຖິງ​ການ​ສຶກສາ​ຂອງ​ເດັກ​ຍິງ, ບັນຫາ​ສຸຂະພາບ​ຂອງ​ແມ່ຍິງ, ການ​ມີ​ວຽກ​ເຮັດ​ງານ​ທຳ​, ການ​ຈ່າຍ​ຄ່າ​ແຮງ​ງານ​​ລະ​ຫວ່າງ​ຍິງ-ຊາຍ, ​ແຮງ​ງານ​ເຄື່ອນ​ຍ້າຍ​ເພດ​ແມ່ຍິງ, ບັນຫາ​ຄວາມ​ສະ   ​ເໝີ​ພາບ​ໃນ​ຄອບຄົວ ລວມ​ເຖິງ​ການ​ມີ​ສ່ວນ​ຮ່ວມ​ໃນ​ການຈັດ​ຕັ້ງ​ປະຕິບັດ​ວຽກ​ງານ​ຂອງ​ບັນດາ​ອົງການບໍ່​ສັງກັດ​ລັດຖະ ບານ, ອົງການ​ຈັດ​ຕັ້ງ​ທາງ​ສັງຄົມ ​ແລະ ສະມາຄົມ​ຕ່າງໆ, ການຈັດ​ສັນ​ງົບປະມານ​ເພື່ອ​ຮັບ​ໃຊ້​ວຽກ​ງານ​ຄວາມ​ກ້າວໜ້າ​ຂອງ​ແມ່ຍິງ, ຄວາມ​ສະ​ເໝີ​ພາບ​ຍິງ-ຊາຍ ​ແລະ ການ​ລຶບລ້າງ​ທຸກ​ຮູບ​ການຈຳ​ແນ​ກຕໍ່​ແມ່ຍິງ, ​ເຊິ່ງການ​ອະທິບາຍ ​ແລະ ​ຊີ້​ແຈງ​ຂອງ​ຄະນະ​ຜູ້​ແທນ ສປປ ລາວ ​ໄດ້​ເຮັດ​ໃຫ້​ຄະນະ​ກຳມະການ​ຊີ​ດໍ ​ແລະ ຜູ້​ເຂົ້າ​ຮ່ວມ​ອື່ນໆ ມີ​ຄວາມ​ເຂົ້າ​ໃຈ​ເປັນ​ຢ່າງ​ດີ​ກ່ຽວ​ກັບ​ການ​ປະຕິບັດ​ສິດທິ​ມະນຸດ​ຂອງ​ແມ່ຍິງ​ບັນດາ​ເຜົ່າ​ໃນ ສປປ ລາວ. ສຳລັບ​ບາງ​ຄຳ​ຊີ້​ແຈງ​ຂໍ້​ມູນ​ກ່ຽວ​ກັບ​ວຽກ​ປົກ​ປ້ອງ​ທາງ​ສັງຄົມ ຄະນະ​ຜູ້​ແທນ ຂອງ ສປປ ລາວ ກໍ​ໄດ້​ສົ່ງ​ຄຳ​ຊີ້​ແຈງ​ເປັນ​ລາຍ​ລັກ​ອັກສອນ​​ເພີ່ມ​ເຕີມໃຫ້ຄະນະກຳມະການ​ຊີ​ດໍຕາມ​ພາຍຫຼັງ.

ກອງ​ປະຊຸມ​​ໄດ້​ດຳ​ເນີນ​ໄປ​ດ້ວຍ​ບັນຍາ​ກາດ​ທີ່​ສ້າງສັນ ​ແລະ ​​ເຂົ້າ​ອົກ​ເຂົ້າ​ໃຈ​ກັນລະຫວ່າງ​ຄະນະ​ຜູ້​ແທນ ສປປ ລາວ ​ແລະ ຄະນະ​ກຳມະການ​ຊີ​ດໍ ​ແຫ່ງ ສປຊ, ຫຼັງ​ຈາກ​ນີ້ ຄະນະ​ກຳມະການ​ຊີ​ດໍ ກໍ​ຈະ​ມີ​ບັນດາ​ຂໍ້​ສະ​ເໜີ​ແນະ​ຕ່າງ​ໆ ​ເພື່ອ​ໃຫ້ ສປປ ລາວ​ພິຈາລະນາ ​ແລະ ຈັດ​ຕັ້ງ​ຜັນ​ຂະຫຍາຍ​ພາຍ​ໃຕ້​ສົນທິສັນຍາ​ຊີ​ດໍ​ໃນ​ຕໍ່ໜ້າ.

a
ແຈ້ງການ

* ລັດ​ຖະ​ມົນ​ຕີ​ກະຊ​ວງ​ການ​ຕ່າງ​ປະ​ເທດ ແຫ່ງ ສປປ ລາວ ພ້ອມດ້ວຍຄະນະ ຈະເດີນທາງຢ້ຽມຢາມ ສາທາລະນະລັດ ກູບາ ຢ່າງເປັນທາງການ

*ກຳນົດການຈັດຕັ້ງປະຕິບັດ ປິດໜ່ວຍງານອອກວິຊາກັບດ່ານສາກົນ ຈຳນວນ 09 ດ່ານ

* ບົດຄວາມ ຫົວຂໍ້ ການທູດລາວ ສືບຕໍ່ໄດ້ຮັບການຍົກລະດັບຂຶ້ນຢ່າງສະເໝີຕົ້ນສະໝີປາຍ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
196897
ມື້ນີ້52
ມື້ວານ99
ອາທິດນີ້699
ເດືອນນີ້2291
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710