ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ລາວ-ຢີ່ປຸ່ນ ເພີ່ມທະວີການຮ່ວມມືສອງຝ່າຍ

alk hup japan1 alk hup japan2

 alk hup japan3 alk hup japan4

    ໃນວັນທີ 09 ກຸມພາ 2018, ທີ່ ຫ້ອງວ່າການສໍານັກງານນາຍົກລັດຖະມົນຕີ, ທ່ານ ອາລຸນແກ້ວ ກິດຕິຄຸນ, ລັດຖະມົນຕີປະຈຳສຳນັກງານນາຍົກລັດຖະມົນຕີ ແຫ່ງ ສປປ ລາວ, ໄດ້ຕ້ອນຮັບ ແລະ ພົບປະສອງຝ່າຍກັບ ທ່ານ ເຄັນທາໂຣ ໂຊໂນະອຸຣະ, ທີ່ປຶກສາພິເສດປະຈໍານາຍົກລັດຖະມົນຕີຍີ່ປຸ່ນ, ໃນໂອກາດທີ່ທ່ານ ແລະ ຄະນະ ເດີນທາງມາຢ້ຽມຢາມ ສປປ ລາວ.

ອ່ານເພີ່ມເຕີມ... 

60 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສປປ ລາວ ແລະ ສ.ສ. ເຢຍລະມັນ

ສປປ ລາວ ແລະ ສສເ ຢຍລະມັນ ໄດ້ສ້າງຕັ້ງສາຍພົວພັນການທູດນຳກັນໃນວັນ​ທີ 31 ມັງ​ກອນ 1958 ຊຶ່ງ​ໄດ້​ວຽນ​ມາ​ບັນ​ຈົບ​ຄົບ​ຮອບ 60 ປີ ພໍ​ດີ ໃນ​ປີນີ້. ໃນຕະຫຼອດໄລຍະ 60 ປີທີ່ຜ່ານມາ ທັງສອງປະເທດໄດ້ດຳເນີນການພົວພັນຮ່ວມມືຢ່າງຕັ້ງໜ້າ ແລະ ເພີ້ມທະວີຂຶ້ນຢ່າງ​ໜັກແໜ້ນດ້ວຍການໃຫ້ການສະໜັບສະໜູນຊຶ່ງກັນ ແລະ ກັນທັງໃນຂອບການຮ່ວມມືສອງຝ່າຍ ແລະ ຂອບຫຼາຍຝ່າຍໃນເວທີສາກົນ​. ລັດຖະບານເຢຍລະມັນໄດ້ໃຫ້ການຮ່ວມມືຊ່ວຍເຫຼືອແກ່ ສປປ ລາວ ຢູ່ໃນສອງຂະແໜງການບຸລິມະສິດ ຄື: ການຮ່ວມມືທາງດ້ານເຕັກນິກ ໂດຍຜ່ານອົງການຮ່ວມມືສາກົນເພື່ອການພັດທະນາເຢຍລະມັນ (GIZ) ແລະ ການຮ່ວມມືທາງດ້ານການເງິນຜ່ານທະນາຄານສິນເຊື່ອເພື່ອການພັດທະນາເຢຍລະມັນ (KfW)ໂດຍອີງໃສ່ເປົ້າໝາຍລວມຂອງແຜນພັດທະນາເສດຖະກິດ-ສັງຄົມ ຂອງລັດຖະບານລາວ ເປັນຕົ້ນແມ່ນເນັ້ນໜັກໃສ່ການພັດທະນາຊົນນະບົດ ,ວຽກງານອາຊີວະສຶກສາ, ການພັດທະນາເສດຖະກິດແບບຍືນຍົງ, ການພັດທະນາຊັບພະຍາກອນມະນຸດ, ການອະນຸລັກສິ່ງແວດລ້ອມ, ກໍ່ສ້າງໂຄງ​ລ່າງ​ພື້ນ​ຖານ ແລະການສົ່ງເສີມ​ພາກທຸລະກິດ-ເອກະຊົນ. ນອກຈາກນີ້, ເຢຍລະມັນຍັງໄດ້ໃຫ້ການຊ່ວຍເຫຼືອລາວ ໂດຍຜ່ານອົງການຈັດຕັ້ງສາກົນອື່ນໆອີກເຊັ່ນ: ສະຫະພາບເອີຣົບ ແລະ ອົງການແມ່ນ້ຳຂອງ. ມາເຖິງປັດຈຸບັນເຢຍລະມັນໄດ້ໃຫ້ການຊ່ວຍເຫຼືອລາວມີມູນຄ່າປະມານ 380 ລ້ານເອີໂຣ.

ອ່ານເພີ່ມເຕີມ... 

ຄະນະຜູ້ແທນລາວ ເຂົ້າຮ່ວມກອງປະຊຸມພົບປະ ແລະ ງານວາງສະແດງ ທຸລະກິດ ແລະ ການລົງທຶນ ອາຊຽນ-ອິນເດຍ

 

AlounkeoAseanIndia

 

ໃນ​ວັນ​ທີ 23 ມັງກອນ 2018, ທ່ານ ອາ​ລຸນ​ແກ້ວ ກິດ​ຕິ​ຄຸນ​, ລັດຖະມົນຕີ​ປະຈຳ​ສຳນັກງານ​ນາຍົກລັດຖະມົນຕີ ຂອງ ສປປ ລາວ, ໄດ້ນໍາພາຄະນະຜູ້ແທນລາວ ເຂົ້າ​ຮ່ວມກອງ​ປະຊຸມ​ພົບ​ປະ ລະ​ຫວ່າງ​ ອາຊຽນ ແລະ ອິນ​ເດຍ ກ່ຽວກັບ ງານວາງສະແດງ​ທຸລະ​ກິດ ​ແລະ ການ​ລົງທຶນ, ທີ່ ນິວ​ແດນລີ, ປະ​ເທດ ອິນ​ເດຍ, ຊື່ງມີຜູ້ຕາງໜ້າຈາກພາກລັດ ແລະ ເອກະຊົນເຂົ້າຮ່ວມ. ຈຸດປະສົງຂອງ​ກອງ​ປະຊຸມ​ຄັ້ງນີ້ ແມ່ນ​ເພື່ອ​​​ສົ່ງ​ເສີມ​ການ​ຮ່ວມ​ມື​ດ້ານ​ເສດຖະກິດ​, ໂດຍສະເພາະການຄ້າ ແລະ ການລົງທຶນ ​ອາຊຽນ-ອິນ​ເດຍ ແລະ ​​ແລກປ່ຽນຄຳ​ຄິດ​ເຫັນ ​ເພື່ອ​ປະກອບສ່ວນ​ໃນ​ການ​ຮັດ​ແໜ້ນການ​ເປັນ​ຄູ່​ຮ່ວມ​ຍຸດ​ທະ​ສາດ​ ອາຊຽນ-ອິນ​ເດຍ ​ໃນ​ອະນາຄົດ.

​​​ໃນໂອກາດ​ເຂົ້າ​ຮ່ວມກອງ​ປະຊຸມ​ດັ່ງກ່າວ, ທ່ານ ລັດຖະມົນຕີ ອາ​ລຸນ​ແກ້ວ ກິດ​ຕິ​ຄຸນ ​ໄດ້​ມີຄຳເຫັນໃນຫົວຂໍ້: ການ​ເພີ່ມ​ມູນ​ຄ່າດ້ານ​ກະສິກຳ ​ແລະ ​ເສດຖະກິດ​ສີຟ້າ (ການ​ພັດທະນາ​ເສດຖະກິດ ​ແຕ່​ບໍ່​ໃຫ້​ກະທົບ​ຕໍ່​ສິ່ງ​ແວດ​ລ້ອມ​ທາງ​ທະ​ເລ) ​ແລະ ຫົວ​ຂໍ້: ການ​ພົວພັນ​ ອາຊຽນ-ອິນ​ເດຍ ​ແລະ ທິດ​ທາງ​​ການ​ຮ່ວມ​ມືໃນ 25 ປີ ຂ້າງໜ້າ. ​ໃນ​ນັ້ນ, ທ່ານ ລັດຖະມົນຕີ ​ໄດ້ເນັ້ນ​​ໃຫ້​ເຫັນ​ເຖິງຄວາມ​ສຳຄັນ​ຂອງການ​ຮ່ວມ​ມື​ດ້ານ​ການ​ຄ້າ ​ແລະ ເສດຖະກິດ​ ລະຫວ່າງ ອາຊຽນ ແລະ ອິນ​ເດຍ, ​ຊຶ່ງ​ໄດ້​ປະກອບສ່ວນ​ອັນ​ສຳຄັນ​ໃຫ້​ແກ່ການຮັດ​ແໜ້ນການ​ຮ່ວມ​ມື​ຍຸດ​ທະ​ສາດ ລະຫວ່າງ ອາຊຽນ ແລະ ອິນ​ເດຍ ​ໃນ​ຕະຫຼອດ​ໄລຍະ 25 ປີ ນັບ​ແຕ່​ການ​ສ້າງສາ​ຍພົວພັນ​ເປັນ​ຕົ້ນ​ມາ. ​ພ້ອມກັນ​ນັ້ນ, ທ່ານ ລັດຖະມົນຕີ ຍັງໄດ້​ສະ​ເໜີ​ໃຫ້​ສອງ​ຝ່າຍ​ເພີ່ມ​ທະວີ​ການ​ຮ່ວມ​ມື​ດ້ານ​ການ​ຄ້າ ​ແລະ ການ​ລົງທຶນ, ​ການ​ຮ່ວມ​ມື​ດ້ານ​ການ​ເຊື່ອມ​ຈອດ​, ການ​ຮ່ວມ​ມື​ດ້ານ​ກະສິກຳ, ພ້ອມ​ທັງ​​ເນັ້ນ​​ໃຫ້​​ເຫັນຄວາມ​ສຳຄັນ​​ໃນ​ການ​ຮັກສາ​ສິ່ງ​​ແວດ​ລ້ອມ​ທາງ​ທະ​ເລ.

ກອງ​ປະຊຸມ​ພົບ​ປະ​ຄັ້ງ​ນີ້ ​ເປັນໜຶ່ງ​ໃນ​ກິດຈະກຳ​ທີ່​ຈັດ​ຂຶ້ນ​ເພື່ອ​ເປັນ​ການສະ​ເຫຼີ​ມສະຫຼອງ​ການ​ພົວພັນ​ ອາຊຽນ-ອິນ​ເດຍ ຄົບຮອບ 25 ປີ, ຊຶ່ງ​ໄດ້​ຈັດ​ຂຶ້ນ​​ໃນ​ໄລຍະ​ດຽວກັບ​ກອງ​ປະຊຸມ​ສຸດ​ຍອດ​ສະ​ເຫຼີ​ມສະຫຼອງ​ການ​ພົວ​ພັນ​ ອາຊຽນ-ອິນ​ເດຍ ຄົບຮອບ 25 ປີ.

a
ແຈ້ງການ

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ

*ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19 ຂອງ ສປປ ລາວ ໃນປະຈຸບັນ

* ແຈ້ງການຂອງກະຊວງການຕ່າງປະເທດ ກ່ຽວກັບ ການໂຈະຊົ່ວຄາວການຮັບຄໍາຮ້ອງຂໍໜັງສືຜ່ານແດນທໍາມະດາ

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດໄວຣັດ Covid-19

* ເລື່ອນກອງປະຊຸມຜູ້ນຳແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 3, ກອງປະຊຸມສຸດຍອດ ACMECS ຄັ້ງທີ 9, ກອງປະຊຸມສຸດຍອດ CLMV ຄັ້ງທີ 10 ແລະ ກອງປະຊຸມສຸດຍອດ CLV ຄັ້ງທີ 11

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
203666
ມື້ນີ້6
ມື້ວານ121
ອາທິດນີ້79
ເດືອນນີ້4267
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710