ໃນຕອນເຊົ້າຂອງວັນທີ 13 ກໍລະກົດ 2017, ສະຖາບັນການຕ່າງປະເທດ, ກະຊວງການຕ່າງປະເທດ ຮ່ວມກັບ ສະຖານທູດຍີ່ປຸ່ນ ປະຈຳ ສປປ ລາວ ໄດ້ຈັດການປາຖະກະຖາ ໃນຫົວຂໍ້ “ການທູດແບບພິເສດ”, ທີ່ສູນ ICTC. ບັນຍາຍໂດຍ ທ່ານ ຄິໂຍຊິ ໂອດາວາຣະ (Mr. Kiyoshi ODAWARA), ຮອງລັດຖະມົນຕີກະຊວງການຕ່າງປະເທດຝ່າຍລັດຖະສະພາຍີ່ປຸ່ນ ແລະ ໃຫ້ກຽດເຂົ້າຮ່ວມໂດຍ ທ່ານ ນາງ ຄຳເພົາ ເອີນທະວັັນ, ຮອງລັດຖະມົນຕີກະຊວງການຕ່າງປະເທດ.
ເພື່ອລະນຶກເຖິງການສ້າງຕັ້ງສາຍພົວພັນທາງການທູດຄົບຮອບ 20 ປີ ລະຫວ່າງ ສປປ ລາວ ແລະ ມາຣົກ, ສະຖາບັນການຕ່າງປະເທດ, ກະຊວງການຕ່າງປະເທດ ໄດ້ຈັດປາຖະກະຖາພາຍໃຕ້ຫົວຂໍ້ “ສາຍພົວພັນລະຫວ່າງ ສປປ ລາວ ແລະ ມາຣົກ: ການກ້າວໄປສູ່ສາຍພົວພັນແບບມິດຕະພາບ”ຂຶ້ນໃນວັນທີ 5 ກໍລະກົດ 2017 ຊຶ່ງມີທ່ານ Abdelilah El Housni, ເອກອັກຄະລັດຖະທູດ ມາຣົກ ປະຈໍາ ສປປ ລາວ ໃຫ້ກຽດຂຶ້ນບັນຍາຍພາຍໃຕ້ຫົວຂໍ້ດັ່ງກ່າວ. ເຂົ້າຮ່ວມຮັບຟັງການປາຖະກະຖາໃນຄັ້ງນີ້ ມີບັນດາຜູ້ຕາງໜ້າຂັ້ນກົມ, ຄະນະພະແນກ ແລະ ວິຊາການ ຈາກກະຊວງການຕ່າງປະເທດ, ກະຊວງທະບວງກົມອ້ອມຂ້າງສູນກາງ, ສູນກາງສະຫະພັນແມ່ຍິງ, ສູນກາງຊາວໜຸ່ມປະຊາຊົນປະຕິວັດລາວ, ພ້ອມດ້ວຍຜູ້ຕາງໜ້າຈາກພາກສ່ວນຕ່າງໆຂອງລັດ ປະມານ 200 ທ່ານ.
ໃນວັນທີ 02 ມິຖຸນາ 2017, ທີ່ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ບໍ່ແສງຄຳ ວົງດາລາ, ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ (ຖວທ), ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ CHENG Manith, ເອກອັກຄະລັດຖະທູດ ແຫ່ງ ຣາຊະອານາຈັກ ກຳປູເຈຍ ປະຈຳ ລາວ, ໃນໂອກາດທີ່ມາດຳລົງຕຳແໜ່ງ ຢູ່ ສປປ ລາວ.