ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ສະຫະພັນແມ່ຍິງ ກະຊວງການຕ່າງປະເທດ ສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 63 ປີ

2018725MofaWoman3

2018725MofaWoman4

2018725MofaWoman1

 

ໃນວັນທີ 25 ກໍລະກົດ 2018, ທີ່ ກະຊວງການຕ່າງປະເທດ, ສະຫະພັນແມ່ຍິງ ກະຊວງການຕ່າງປະເທດ ໄດ້ຈັດພິທີສະເຫຼີມສະຫຼອງ ວັນສ້າງຕັ້ງສະຫະພັນແມ່ຍິງລາວ ຄົບຮອບ 63 ປີ (20 ກໍລະກົດ 1955 - 20 ກໍລະກົດ 2018), ໂດຍການເປັນປະທານຂອງທ່ານ ນາງ ພິມພາ ແກ້ວມີໄຊ, ຄະນະບໍລິຫານງານ ສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງ ກະຊວງການຕ່າງປະເທດ. ໃຫ້ກຽດເຂົ້າຮ່ວມໃນພິທີມີ ຜູ້ຕາງໜ້າຄະນະພັກ-ຄະນະນຳກະຊວງ, ຜູ້ຕາງໜ້າຈາກສາມອົງການຈັດຕັ້ງມະຫາຊົນ, ຄະນະສະຫະພັນແມ່ຍິງກະຊວງ, ບັນດາຄະນະກົມ, ປ້າອາວຸໂສບຳນານ, ພັນລະຍາການນຳ-ພັນລະຍາຄະນະກົມຂອງກະຊວງ, ສະມາຊິກສະຫະພັນແມ່ຍິງກະຊວງ ແລະ ອ້າຍນ້ອງຊາຍຈຳນວນໜຶ່ງຂອງ ກະຊວງການຕ່າງປະເທດ ເຂົ້າຮ່ວມຫຼາຍກວ່າ 400 ຄົນ.

ໃນພິທີອັນມີຄວາມໝາຍນີ້, ທ່ານ ນາງ ພິມພາ ແກ້ວມີໄຊ, ໄດ້ໃຫ້ກຽດຂຶ້ນເລົ່າປະຫວັດຫຍໍ້ຄວາມເປັນມາ ຂອງວັນສ້າງຕັ້ງ ສະຫະພັນແມ່ຍິງລາວ ຄົບຮອບ 63 ປີ ແລະ ໄດ້ເປີດການແຂ່ງຂັນສ້າງຟີມເອກະສານ ແມ່ຍິງລາວ ວິລະຊົນ, ໂດຍການເຂົ້າຮ່ວມແຂ່ງຂັນຂອງເອື້ອຍນ້ອງ ຈາກບັນດາໜ່ວຍແມ່ຍິງພາຍໃນກະຊວງການຕ່າງປະເທດ, ເປັນການຫວນຄືນ ແລະ ຈາລຶກຄຸນງາມຄວາມດີອັນໂດດເດັ່ນ ແລະ ດີງາມ ຂອງບັນດາປ້າອາວຸໂສ ທີ່ໄດ້ເສຍສະຫຼະສຸມທຸກເຫື່ອແຮງປະກອບສ່ວນເຂົ້າໃນພາລະກິດຕໍ່ສູ້ກູ້ຊາດ ກໍຄືໃນໄລຍະແຫ່ງການສ້າງສາ ແລະ ພັດທະນາປະເທດຊາດ ເພື່ອໃຫ້ຄົນຮຸ້ນໃໝ່ໄດ້ຮັບຮູ້ ແລະ ສຶກສາຮໍ່າຮຽນເອົາແບບຢ່າງທີ່ດີຂອງບັນດາປ້າວິລະຊົນ. ອັນໄດ້ເຮັດໃຫ້ພິທີດັ່ງກ່າວມີຄວາມຄຶກຄຶ້ນມ່ວນຊື່ນ ແລະ ມີຄວາມໝາຍຍິ່ງຂຶ້ນ.

ເພື່ອເປັນການຂໍ່ານັບຊົມເຊີຍວັນສ້າງຕັ້ງສະຫະພັນແມ່ຍິງລາວ ຄົບຮອບ 63 ປີ, ໃນວັນທີ 9 ກໍລະກົດ 2018, ທີ່ສູນຮ່ວມມືສາກົນ ແລະ ຝຶກອົບຮົມ (ICTC), ສະຫະພັນແມ່ຍິງກະຊວງການຕ່າງປະເທດ ເປັນກຽດຢ່າງສູງໄດ້ຕ້ອນຮັບການມາໂອ້ລົມຂອງ ທ່ານ ປ້າ ນາລີ ສີສຸລິດ, ພັນລະຍາ ພະນະທ່ານນາຍົກລັດຖະມົນຕີ ແຫ່ງ ສປປ ລາວ; ເຊິ່ງມີບັນດາພັນລະຍາການນໍາ, ພັນລະຍາຄະນະກົມ ແລະ ສະມາຊິກແມ່ຍິງກະຊວງການຕ່າງປະເທດ ເຂົ້າຮັບຟັງ ລວມທັງໝົດ 200 ກວ່າທ່ານ. ໂອກາດດັ່ງກ່າວ, ທ່ານ ປ້າ ນາລີ ສີສຸລິດ ໄດ້ເນັ້ນເຖິງຄວາມສຳຄັນ ບົດບາດໜ້າທີ່ຂອງແມ່ຍິງລາວ ໃນການປະກອບສ່ວນເຂົ້າໃນພາລະກິດ ປົກປັກຮັກສາ ແລະ ພັດທະນາປະເທດຊາດ ເວົ້າລວມ, ເວົ້າສະເພາະ ແມ່ນການປະກອບສ່ວນຂອງບັນດາທ່ານພັນລະຍາການນຳ ແລະ ເອື້ອຍນ້ອງແມ່ຍິງກະຊວງການຕ່າງປະເທດ ເຂົ້າໃນການເຄື່ອນໄຫວການທູດລາວ. ໃນການໂອ້ລົມ, ຍັງໄດ້ຍົກບັນຫາການອະນຸລັກຮີດຄອງປະເພນີອັນດີງາມຂອງລາວ ແລະ ແນະນຳບາງບົດຮຽນຂອງແມ່ຍິງໃນການເຄື່ອນໄຫວວຽກງານຕ່າງປະເທດ. ນອກນັ້ນ, ສະຫະພັນແມ່ຍິງກະຊວງການຕ່າງປະເທດ ຍັງໄດ້ປະກອບສ່ວນເຂົ້າຮ່ວມບັນດາກິດຈະກຳ ທີ່ສູນກາງສະຫະພັນແມ່ຍິງລາວຈັດຕັ້ງເຊັ່ນ: ເຂົ້າຮ່ວມຂະບວນການ ແມ່ຍິງກັບການອະນຸລັກວັດທະນະທຳສູ່ປີທ່ອງທ່ຽວລາວ, ການຮັກສາສິ່ງແວດລ້ອມສີຂຽວ ແລະ ຍືນຍົງ”; ເຂົ້າຮ່ວມຂະບວນການບໍລິຈາກເລືອດ; ເຂົ້າຢ້ຽມຊົມຫ້ອງມູນເຊື້ອຂອງ ສະຫະພັນແມ່ຍິງລາວ ແລະ ເຂົ້າຮ່ວມວາງກະຕ່າດອກໄມ້ທີ່ ຫໍພິພິຕະພັນ ໄກສອນ ພົມວິຫານ ແລະ ອະນຸສອນສະຖານ ປະທານສຸພານຸວົງ.

a
ແຈ້ງການ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
191390
ມື້ນີ້56
ມື້ວານ101
ອາທິດນີ້444
ເດືອນນີ້570
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710