ພັກປະຊາຊົນ ປະຕິວັດລາວ ທີ່ມີກຽດສະຫງ່າ ໝັ້ນຍືນ! ຊົມເຊີຍວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 65 ປີ ຢ່າງສຸດໃຈ! ຂໍ່ານັບຮັບຕ້ອນວັນຄ້າຍວັນເກີດປະທານ ໄກສອນ ພົມວິຫານ ຄົບຮອບ 100 ປີ; ວັນສະຖາປະນາ ສປປ ລາວ ຄົບຮອບ 45 ປີ; ກອງປະຊຸມໃຫຍ່ ຄັ້ງທີ XI ຂອງພັກປະຊາຊົນ ປະຕິວັດລາວ; ກອງປະຊຸມໃຫຍ່ອົງຄະນະພັກ ຄັ້ງທີ IV ຂອງກະຊວງການຕ່າງປະເທດ ແລະ ວັນການທູດລາວ ຄົບຮອບ 75 ປີ.
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ສະຫະພັນແມ່ຍິງ ກະຊວງການຕ່າງປະເທດ ຢ້ຽມຢາມ ສສ ຫວຽດນາມ

20190321-24Vietnam3

20190321-24Vietnam2

20190321-24Vietnam1

ການ​ພົບ​ປະສອງຝ່າຍ ລະຫວ່າງ ສະຫະພັນແມ່ຍິງຂອງສອງ​ກະຊວງການຕ່າງປະເທດ ສປປ ລາວ ແລະ ສສ ຫວຽດນາມ

 

 20190321-24Vietnam4

ທ່ານ ນາງ ອາ​ລຸ​ນີ ກົມ​ມະ​ສິດ ພ້ອມດ້ວຍຄະນະ ເຂົ້າຢ້ຽມຂໍ່ານັບ ທ່ານ ນາງ ຫວໍ ທິ ຢຸງ

 

 ໃນ​ລະ​ຫວ່າງ ວັນ​ທີ 21-24ມີນາ 2019, ຄະນະສະຫະພັນແມ່ຍິງກະຊວງການຕ່າງປະເທດ ນຳໂດຍ ທ່ານ ນາງ ອາ​ລຸ​ນີ ກົມ​ມະ​ສິດ, ພັນ​ລະ​ຍາລັດ​ຖະ​ມົນ​ຕີ​, ປະ​ທານ​ກິດ​ຕິ​ມະ​ສັກ​ສະ​ຫະ​ພັນ​ແມ່​ຍິງ​ກະ​ຊວງ​ການ​ຕ່າງ​ປະ​ເທດ ສປປ ລາວ ໄດ້ເດີນທາງຢ້ຽມ​ຢາມ​ເຮັດ​ວຽກຢູ່ ນະ​ຄອນ​ໂຮ່​ຈີ​ມິນ ແລະ ແຂວງ ກຽນ ຢາງ, ສ​ສ ຫວຽດ​ນາມ ຕາມການເຊື້ອເຊີນຂອງ ສະ​ຫາຍ ນາງ ຫງວຽນ ທິ ຫງວຽດ ງາ, ພັນ​ລະ​ຍາ ທ່ານ​ຮອງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ ຫວຽດ​ນາມ, ປະທານກິດຕິມະສັກກຸ່ມແມ່ຍິງອາຊຽນ ຢູ່ ຮ່າໂນ້ຍ. ການຢ້ຽມຢາມຄັ້ງນີ້, ເປັນການ​ຢ້ຽມ​ຢາມ-ແລກປ່ຽນ​ບົດ​ຮຽນປະຈຳປີ ລະ​ຫວ່າງສະ​ຫະ​ພັນ​ແມ່​ຍິງ​ ຂອງສອງກະຊວງກະ​ຊວງ​ການ​ຕ່າງ​ປະ​ເທດ​ລາວ ແລະ ຫວຽດ​ນາມ. ໂດຍໄດ້ຮັບກຽດໃຫ້ການຕ້ອນຮັບຢ່າງອົບອຸ່ນ ຂອງການນຳ​ນະ​ຄອນ​ໂຮ່​ຈີ​ມິນ, ການ​ນຳ ເມືອງຝູກວັກ, ​ແຂວງ ກຽນ ຢາງ ແລະ ກົງສູນໃຫຍ່ຂອງ ສປປ ລາວ ປະຈໍາ ນະຄອນໂຮ່ຈີ່ມິນ.

ໃນ​ການ​ພົບ​ປະສອງຝ່າຍ ລະຫວ່າງສະຫະພັນແມ່ຍິງຂອງສອງ​ກະຊວງການຕ່າງປະເທດ ໃນວັນທີ 21 ມີນາ 2019 ທັງສອງຝ່າຍ ໄດ້​ຕີ​ລາ​ຄາ​ສູງ​ຕໍ່​ບົດ​ບາດ​ຂອງແມ່​ຍິງ​ ໃນການປະກອບສ່ວນພັດທະນາປະເທດຊາດ ທີ່ນັບມື້ນັບເພີ່ມຂຶ້ນ. ສະເພາະການພົວພັນສອງຝ່າຍ ລາວ-ຫວຽດນາມ, ແມ່ຍິງກໍ່ໄດ້ເປັນຂົວຕໍ່ອັນສຳຄັນໃຫ້ແກ່ການພົວພັນອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານຂອງສອງປະເທດ. ແມ່ຍິງລາວ ແລະ ແມ່ຍິງຫວຽດນາມແມ່ນມີພາລະບົດບາດ ບໍ່ແຕກຕ່າງກັນ, ນອກຈາກຕ້ອງປະຕິບັດໜ້າທີ່ວຽກງານວິຊາສະເພາະຂອງຕົນແລ້ວ ຍັງມີໜ້າທີ່ຕໍ່ຄອບຄົວ ໃນຖານະເປັນພັນລະຍາ ແລະ ເປັນແມ່ ອີກ. ທັງສອງຝ່າຍໄດ້ເຫັນດີວ່າ, ການພົບປະເຊິ່ງກັນ ແລະ ກັນຢ່າງເປັນປະຈຳ ກໍ່ເປັນໂອກາດອັນດີໃຫ້ແມ່ຍິງສອງກະຊວງໄດ້ແລກປ່ຽນບົດຮຽນ, ປະສົບການໃນການປະຕິບັດໜ້າທີ່ຂອງຕົນໃຫ້ນັບມື້ນັບດີຂຶ້ນ ແລະ ເສີມຂະຫຍາຍບົດບາດຂອງແມ່ຍິງໃຫ້ນັບມື້ນັບສູງເດັ່ນຂຶ້ນ. ຝ່າຍລາວໄດ້ຕີລາຄາສູງ ບົດບາດຂອງແມ່ຍິງຫວຽດນາມ ໃນຂະແໜງການຕ່າງປະເທດ ທີ່ນັບມື້ນັບສູງເດັ່ນຂຶ້ນ, ເຊິ່ງມາເຖິງປະຈຸບັນ ຈໍານວນພະນັກງານເພດຍິງໃນຂະແໜງການຕ່າງປະເທດຫວຽດນາມ ກວມເອົາ 42,6% ຂອງພະນັກງານທັງໝົດ ຊຶ່ງເປັນອັດຕາສ່ວນທີ່ສູງທີ່ສຸດ ໃນຮອບ 75 ປີຜ່ານມາ. ແມ່ຍິງ ກະຊວງການຕ່າງປະເທດລາວ ກວມເອົາ 33,3% ຂອງພະນັກງານທັງໝົດ. ຈໍານວນເພດຍິງທີ່ເປັນເອກອັກຄະລັດຖະທູດ ແລະ ຂັ້ນກົມຂອງກະຊວງ ກໍມີຈຳນວນເພີ່ມຂຶ້ນ ປະຕິບັດໜ້າທີ່ຢ່າງມີປະສິດທິພາບ ແລະ ປະສິດທິຜົນ ເທົ່າທຽມກັບເພດຊາຍ.

ນອກນີ້,​ ສອງຝ່າຍຍັງໄດ້ແລກປ່ຽນກ່ຽວກັບການເຄື່ອນໄຫວຂອງ ກຸ່ມນັກການທູດຍິງອາຊຽນ ທີ່ ນະ ຄອນຫຼວງຮ່າໂນ້ຍ ແລະ ນະຄອນຫຼວງວຽງຈັນ ເພື່ອໃຫ້ກຸ່ມດັ່ງກ່າວ ເປັນຂົວຕໍ່ໃນການຮັດແໜ້ນຄວາມສາມັກຄີ ຂອງບັນດາປະເທດສະມາຊິກອາຊຽນ ເວົ້າສະເພາະ, ເວົ້າລວມແມ່ນ ລະຫວ່າງບັນດາປະເທດທີ່ມີສະຖານທູດຢູ່ແຕ່ລະປະເທດ ໃຫ້ມີຄວາມສະໜິດສະໜົມກັນຂຶ້ນ ໂດຍຜ່ານກິດຈະກຳຕ່າງໆ ທີ່ກຸ່ມຈັດຂຶ້ນ ແລະ ມີການເຂົ້າຮ່ວມຂອງຄອບຄົວ ຂອງບັນດານັກການທູດ ເຊັ່ນ: ກິດຈະກຳວັນຄອບຄົວອາຊຽນ, ການເຂົ້າຄ້າຍພັກແລ້ງ ລູກຮັກນັກການທູດ ຊຶ່ງເປັນກິດຈະກຳທີ່ກຸ່ມນັກການທູດຍິງ ອາຊຽນ ທີ່ ນະຄອນຮ່າໂນ້ຍ ໄດ້ຈັດຕັ້ງປະຕິບັດມາແລ້ວ ແລະ ເຫັນວ່າໄດ້ຮັບຜົນດີ.

ສອງຝ່າຍ ໄດ້ຕີລາຄາສູງ ຕໍ່ການພົບປະແລກປ່ຽນຄັ້ງນີ້, ຊຶ່ງຖືເປັນການສືບຕໍ່ຜັນຂະຫຍາຍເນື້ອໃນຈິດໃຈ​​ຂໍ້ຕົກລົງຮ່ວມມື ລະຫວ່າງສອງກະຊວງການຕ່າງປະເທດ ລາວ-ຫວຽດນາມ (2014-2020)ໃນການເພີ່ມພູນຄູນສ້າງສາຍພົວພັນມິດຕະພາບອັນເປັນມູນເຊື້ອ, ຄວາມສາມັກຄີພິເສດ ແລະ ການວ່ມມືຮອບດ້ານ ລະຫວ່າງສອງປະເທດ ກໍຄືສອງກະຊວງການຕ່າງປະເທດ, ໂດຍສະເພາະແມ່ນ ລະຫວ່າງສະຫະພັນແມ່ຍິງຂອງສອງກະຊວງການຕ່າງປະເທດ ລາວ-ຫວຽດນາມ, ຊຶ່ງໄດ້ລິເລີ່ມກໍ່ຕັ້ງໂດຍແມ່ນ ທ່ານ ນາງ ນາລີ ສີສຸລິດ, ພັນລະຍາທ່ານຮອງນາຍົກ ລັດຖະມົນຕີ, ລັດຖະມົນຕີກະຊວງການຕ່າງປະເທດ ໃນປີ 2014 ທີ່ຜ່ານມາ ແລະ ໄດ້ສືບຕໍ່ຈັດຕັ້ງປະຕິບັດທຸກໆປີຈົນເຖິງປະຈະບັນ.

ໃນໂອກາດຢ້ຽມຢາມຄັ້ງນີ້, ທ່ານ ນາງ ອາ​ລຸ​ນີ ກົມ​ມະ​ສິດ ພ້ອມດ້ວຍຄະນະ ຍັງໄດ້ເຂົ້າຢ້ຽມຂໍ່ານັບ ທ່ານ ນາງ ຫວໍ ທິ ຢຸງ, ຮອງເລຂາພັກນະຄອນໂຮ່ຈິມິນ.

a
ແຈ້ງການ

*ແຈ້ງການຈາກກົມກົງສຸນ ກະຊວງການຕ່າງປະເທດ ກ່ຽວກັບ ການໂຈະການອອກວີຊາທຸກປະເພດ

*ມາດຕະການປ້ອງກັນ ແລະ ສະກັດກັ້ນການລະບາດຂອງພະຍາດ ໂຄວິດ-19 ຂອງ ສປປ ລາວ ໃນປະຈຸບັນ

* ແຈ້ງການຂອງກະຊວງການຕ່າງປະເທດ ກ່ຽວກັບ ການໂຈະຊົ່ວຄາວການຮັບຄໍາຮ້ອງຂໍໜັງສືຜ່ານແດນທໍາມະດາ

*ແຈ້ງການຂອງກະຊວງການຕ່າງປະເທດ ກ່ຽວກັບ ມາດຕະການດ້ານວີຊາ ເພື່ອສະກັດກັ້ນພະຍາດໄວຣັດ Covid-19

* ເລື່ອນກອງປະຊຸມຜູ້ນຳແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 3, ກອງປະຊຸມສຸດຍອດ ACMECS ຄັ້ງທີ 9, ກອງປະຊຸມສຸດຍອດ CLMV ຄັ້ງທີ 10 ແລະ ກອງປະຊຸມສຸດຍອດ CLV ຄັ້ງທີ 11

* ໂຄສົກກະຊວງການຕ່າງປະເທດ ແຫ່ງ ສປປ ລາວ ຖະແຫຼງຂ່າວ ກ່ຽວກັບ ມາດຕະການຄຸ້ມຄອງ ແລະ ຊ່ວຍເຫຼືອນັກສຶກສາ ແລະ ພົນລະເມືອງລາວ ທີ່ອາໄສຢູ່ ສປ ຈີນ

* ການປັບປຸງຂໍມູນໃໝ່ ກ່ຽວກັບ ດ່ານສາກົນໃນຂອບເຂດທົ່ວປະເທດລາວ

* ການຈັດຕັ້ງປະຕິບັດ ສັນຍາຍົກເວັ້ນວິຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ-ຮົງກາລີ

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
203192
ມື້ນີ້1794
ມື້ວານ1999
ອາທິດນີ້4141
ເດືອນນີ້3793
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710