ຊົມເຊີຍຜົນສໍາເລັດກອງປະຊຸມໃຫຍ່ ຄັ້ງທີ X ຂອງພັກ ຢ່າງສຸດໃຈ ! ພັກປະຊາຊົນ ປະຕິວັດລາວ ທີ່ມີກຽດສະຫງ່າໝັ້ນຍືນ ! ຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງພັກ ໃຫ້ປະກົດຜົນເປັນຈິງ ! ຫັນວິໄສທັດໃຫ້ເປັນຮູບປະທຳ ເພື່ອຄວາມເຂັ້ມແຂງຂອງປະຊາຄົມອາຊຽນ
a
ເຊື່ອມຕໍ່ເວັບໄຊພາຍໃນລາວ
Lao Government
Law Project
UN
Lao PDR Trade Portal

ຄະນະກຸ່ມແມ່ຍິງອາຊຽນ ທີ່ ນະຄອນຫຼວງວຽງຈັນ ເດີນທາງຢ້ຽມຢາມປະເທດໄທ

2019.7.7-women-asean-vs-thailand1201907005WmAseanVisitThai2

201907005WmAseanVisitThai3

201907005WmAseanVisitThai4

ໃນລະຫວ່າງວັນທີ 5-7 ກໍລະກົດ 2019 ຜ່ານມາ,​ ຄະນະກຸ່ມແມ່ຍິງອາຊຽນ ທີ່ ນະຄອນຫຼວງວຽງຈັນ (ກອຍວ) ນຳໂດຍທ່ານນາງອາລຸນີກົມມະສິດ, ພັນລະຍາລັດຖະມົນຕີ, ປະທານກິດຕິມະສັກສະຫະພັນແມ່ຍິງກະຊວງການຕ່າງປະເທດ, ປະທານກິດຕິມະສັກກຸ່ມແມ່ຍິງອາຊຽນ ທີ່ ນະຄອນຫຼວງວຽງຈັນ, ມີເອກອັກຄະລັດຖະທູດອາຊຽນ, ບັນດາພັນລະຍາທູດ, ນັກການທູດຍິງແລະພັນລະຍານັກການທູດ ຈາກບັນດາສະຖານເອກອັກຄະລັດຖະທູດປະເທດອາຊຽນ ປະຈຳ ສປປ ລາວ ພ້ອມດ້ວຍນັກການທູດຍິງ ຂອງ ກະຊວງການຕ່າງປະເທດ ແຫ່ງ ສປປ ລາວ ຈຳນວນທັງໝົດ 22 ທ່ານ ໄດ້ເດີນທາງຢ້ຽມຢາມ ແລະ ທັດສະນະສຶກສາຢູ່ ແຂວງ ໜອງຄາຍ ແລະ ແຂວງອຸດອນທານີ, ຣາຊະອານາຈັກໄທ, ຕາມການເຊື້ອເຊີນຂອງ ທ່ານ ກຽດຕິຄຸນ ຊາດປຣະເສີດ, ເອກອັກຄະຣາຊະທູດໄທ ປະຈຳ ສປປ ລາວ. ໂດຍໄດ້ຮັບກຽດໃຫ້ການຕ້ອນຮັບຢ່າງອົບອຸ່ນຈາກ ທ່ານ ຣົນນະໄຊ ຈິດວິເສດ, ຜູ້ວ່າລາດຊະການ ແຂວງໜອງຄາຍ ແລະ ທ່ານ ວັດທະນາ ພຸດທິຊາດ, ຜູ້ວ່າລາດຊະການ ແຂວງອຸດອນທານີ.

ໃນລະຫວ່າງການຢ້ຽມຢາມ, ທາງຄະນະໄດ້ໄປຢ້ຽມຢາມ ແລະ ຢ້ຽມຊົມສະຖານທີ່ສຳຄັນທາງດ້ານປະຫວັດສາດ ແລະ ວັດທະນະທຳຂອງທັງສອງແຂວງ ເຊັ່ນ: ລານວັດທະນະທຳ ແລະ ຟາມເພາະພັນປາຝາທີ່ສວຍງາມ ຂອງແຂວງໜອງຄາຍ, ສູນການຮຽນຮູ້ກຸ່ມຕ່ຳຜ້າບູຮານ ບ້ານໂນນກອກ, ພິພິຕະພັນ ຂອງແຂວງອຸດອນທານີ, ວັດຜາຕາກເສື້ອ ແລະ ວັດຄຳສະໂນດ. ນອກນັ້ນ, ຍັງໄດ້ຮັບຊົມການສະແດງສິນລະປະພື້ນເມືອງທີ່ສວຍງາມຈາກ ກຸ່ມສິນລະປະປະຈຳທ້ອງຖິ່ນ ຂອງທັງສອງແຂວງອີກດ້ວຍ. ໃນໂອກາດນີ້, ທ່ານ ນາງ ອາລຸນີໄດ້ສະແດງຄວາມຂອບໃຈມາຍັງ ທ່ານ ເອກອັກຄະຣາຊະທູດໄທ ປະຈຳ ສປປ ລາວ ພ້ອມດ້ວຍພັນລະຍາ, ຜູ້ວ່າລາດຊະການ ແຂວງໜອງຄາຍ ພ້ອມດ້ວຍພັນລະຍາ ແລະ ຜູ້ວ່າລາດຊະການ ແຂວງອຸດອນທານີ ພ້ອມດ້ວຍຄະນະຮັບຜິດຊອບ ທີ່ໄດ້ອຳນວຍຄວາມສະດວກ ແລະ ຈັດແຜນການເຄື່ອນໄຫວຕ່າງໆໃຫ້ແກ່ຄະນະໄດ້ເປັນຢ່າງດີ, ເຊິ່ງນອກຈາກຈະໄດ້ທ່ຽວຊົມສະຖານທີ່ຕ່າງໆແລ້ວ ຍັງເປັນການຮັດແໜ້ນການພົວພັນຮ່ວມມື ແລະ ສ້າງຄວາມຮັກແພງສາມັກຄີ ລະຫວ່າງ ກຸ່ມແມ່ຍິງອາຊຽນ ທີ່ ນະຄອນຫຼວງວຽງຈັນ ກັບ ແຂວງໜອງຄາຍ, ອຸດອນທານີ ແລະ ສະຖານທູດໄທ ທີ່ ນະຄອນຫຼວງວຽງຈັນ ອີກດ້ວຍ.

ການຢ້ຽມຢາມສອງແຂວງຂອງປະເທດໄທໃນຄັ້ງນີ້ ແມ່ນໜຶ່ງໃນກິດຈະກຳປະຈຳປີ ຂອງກຸ່ມແມ່ຍິງອາຊຽນ ທີ່ ນະຄອນຫຼວງວຽງຈັນ ເພື່ອພົບປະ ແລະ ແລກປ່ຽນບົດຮຽນທາງດ້ານວັດທະນະທຳ ແລະ ປະຫວັດສາດ ລະຫວ່າງ ບັນດາປະເທດສະມາຊິກອາຊຽນ ແລະ ສິ່ງສຳຄັນທີ່ສຸດແມ່ນເປັນໂອກາດອັນດີ ໃນການເສີມຂະຫຍາຍມິດຕະພາບ ແລະ ສ້າງຄວາມລື້ງເຄີຍ ລະຫວ່າງ ເອື້ອຍນ້ອງແມ່ຍິງອາຊຽນ ດ້ວຍກັນ.

a
ແຈ້ງການ

* ລັດ​ຖະ​ມົນ​ຕີ​ກະຊ​ວງ​ການ​ຕ່າງ​ປະ​ເທດ ແຫ່ງ ສປປ ລາວ ພ້ອມດ້ວຍຄະນະ ຈະເດີນທາງຢ້ຽມຢາມ ສາທາລະນະລັດ ກູບາ ຢ່າງເປັນທາງການ

*ກຳນົດການຈັດຕັ້ງປະຕິບັດ ປິດໜ່ວຍງານອອກວິຊາກັບດ່ານສາກົນ ຈຳນວນ 09 ດ່ານ

* ບົດຄວາມ ຫົວຂໍ້ ການທູດລາວ ສືບຕໍ່ໄດ້ຮັບການຍົກລະດັບຂຶ້ນຢ່າງສະເໝີຕົ້ນສະໝີປາຍ

* ການຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ແລະ ລັດຖະການ ລະຫວ່າງ ລາວ - ຮົງກາລີ.

* ຖະແຫຼງການຂອງກະຊວງການຕ່າງປະເທດ ກ່ຽວກັບ ສະພາບການປະທ້ວງຢູ່ເຂດປົກຄອງພິເສດຮົງກົງ

* ປະກາດ ຄັດເລືອກບຸກຄົນ ຫລື ອົງການຈັດຕັ້ງ ເພື່ອແຂ່ງຂັນຊິງລາງວັນອາຊຽນປະຈຳປີ 2019

* ແຈ້ງການຂອງກະຊວງການຕ່າງປະເທດ ກ່ຽວກັບ ການຂະຫຍາຍເວລາພັກເຊົາຂອງພົນລະເມືອງລາວ ແລະ ບຣູໄນ ທີ່ຖືໜັງສືຜ່ານແດນການທູດ, ລັດຖະການ ແລະ ທໍາມະດາ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການຍົກເວັ້ນວີຊາຝ່າຍດຽວໃຫ້ແກ່ພົນລະເມືອງ ທີ່ຖືໜັງສືຜ່ານແດນທຳມະດາຂອງປະເທດ ດານມາກ, ນອກແວ, ແຟງລັງ ແລະ ຊູແອດ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນການທູດ ລະຫວ່າງ ລາວ ແລະ ອາແຊກບາຍຊານ.

* ແຈ້ງການຂອງກະຊວງການຕ່າງປະເທດ ກ່ຽວກັບ ການມີຜົນບັງຄັບໃຊ້ ແລະ ຈັດຕັ້ງປະຕິບັດ ສັນຍາຍົກເວັ້ນວີຊາ ສຳລັບຜູ້ຖືໜັງສືຜ່ານແດນທຳມະດາ ລະຫວ່າງ ສປປ ລາວ ແລະ ສະຫະພັນ ຣັດເຊຍ.

Lao Government
a
ສາລະຄະດີ 70ປີ ວັນການທູດລາວ

a
ຈຳນວນຜູ້ເຂົ້າຊົມ
196898
ມື້ນີ້53
ມື້ວານ99
ອາທິດນີ້700
ເດືອນນີ້2292
a
ຈຳນວນຜູ້ເຂົ້າຊົມຕັ້ງແຕ່ 16 ມີນາ 2015

ຜູ້ເຂົ້າຊົມ: 225710